កាលពីព្រេងនាយមានបុរសពីរនាក់សំឡាញ់នឹងគ្នា មួយឈ្មោះ ចៅសុក្រ មួយឈ្មោះ ចៅសៅរ៍ បានបួសនៅវត្តមួយជាមួយគ្នា ។ បួសយូរបន្តិចក៏សឹកមកវិញ ហើយក៏ជាសំឡាញ់នឹងគ្នាទៀត សន្យានឹងគ្នាថា "បើអ្នកណាក្រត្រូវជួយគ្នា" ហើយបុរសទាំងពីរនាក់ក៏មានប្រពន្ធកូននៅរកស៊ីទីទៃពីគ្នា ។ ចៅសុក្ររកស៊ីទៅមានទ្រព្យរបស់ច្រើន ។ ឯចៅសៅរ៍ល្ងង់ខ្លៅក្រលំបាក ហើយប្រពន្ធក៏មានសហាយផង ។ ចៅសុក្រដឹងថា ប្រពន្ធចៅសោរ៍មានសហាយ ហើយក្រលំបាកដូច្នោះ ទៅសួរចៅសោរ៍ ទៅដល់ឃើញចៅសោរ៍ ក្រលំបាកណាស់មែន ក៏បបួលចៅសៅរ៍ទៅរកស៊ី ហើយនិយាយថា "ត្រូវឯងធ្វើតាមពាក្យអញ" ។ ចៅសៅរ៍ក៏ព្រមតាមពាក្យចៅសុក្រ ។ ចៅសុក្របបួលចៅសៅរ៍ទៅកាប់ឈើធ្វើក្តារមឈូសលក់ ។ ចៅសៅរ៍តាមពាក្យចៅសុក្រ ក៏ព្រមទៅជាមួយគ្នា ។ ឯកូនសេដ្ឋីដែលសហាយនឹងនាងប៉ិចជាប្រពន្ធចៅសៅរ៍ ឃើញចៅសៅរ៍មិននៅផ្ទះ ក៏ទៅដេកនឹងប្រពន្ធចៅសៅរ៍ រួចហើយវិលទៅផ្ទះវិញ ។ ចៅសុក្រ និងចៅសៅរ៍ធ្វើបានក្តារមឈូស ១ ក៏យកមកដាក់ក្នុងផ្ទះ ហើយទៅធ្វើក្តារមឈូសទៀត ។ កូនសេដ្ឋីក៏ទៅដេកនឹងនាងប៉ិចទៀត ។ ដល់ពាក់កណ្តាលផ្លូវអាធ្រាត្រ ចៅសុក្រ និងចៅសៅរ៍មកផ្ទះវិញ ។ ចៅសុក្រខំដើរប្រញាប់មកមុន ស្រែកហៅប្រពន្ធចៅសៅរ៍ឲ្យបើកទ្វារ ។ ឯកូនសេដ្ឋីក៏ភិតភ័យរត់ពុំរួច ។ នាងប៉ិចឲ្យសហាយចូលដេកក្នុងក្តារមឈូស ហើយទៅបើកទ្វារឲ្យចៅសុក្រចៅសៅរ៍ ចូលទៅក្នុងផ្ទះ ។ នាងប៉ិចសួរថា "ដូចម្តេចបានជាវិលមកវិញ" ។ ចៅសៅរ៍ប្រាប់ថា "ចៅសុក្រឈឺក្បាលហៅវិលមកវិញ" ។ ហើយចៅសៅរ៍ប្រាប់ទៅនាងប៉ិចឲ្យដណ្តាំបាយស៊ី ស៊ីបាយរួចហើយ ដោយចៅសុក្រដឹងថា សហាយនាងប៉ិចដេកនៅក្នុងក្តារមឈូស ក៏ប្រាប់ទៅចៅសៅរ៍ថា "រកផ្តៅមកចងក្តារមឈូសទុកក្រែងចោរលួច" ចៅសៅរ៍ក៏យកផ្តៅទៅចងរួចស្រេច ហើយយកដែកគោលបោះថែមទៀត ។ ឯចៅសៅរ៍ពុំដឹងថា ប្រពន្ធមានសហាយ ក៏ធ្វើតាមពាក្យចៅសុក្របង្គាប់ ។ លុះព្រឹកឡើងចៅសៅរ៍ប្រើប្រពន្ធឲ្យទៅទិញអីវ៉ាន់ ហើយនាងប៉ិចហួសទៅប្រាប់សេដ្ឋីថា "ឲ្យឪពុកម្តាយទិញមឈូស ដ្បិតកូនសេដ្ឋីនៅដេកនឹងខ្ញុំ ប្តីខ្ញុំមកទាន់បានរត់ទៅដេកក្នុងមឈូស ឥឡូវនេះប្តីខ្ញុំសែងយកមកលក់ព្រឹកនេះហើយ" ។ ប្រាប់ហើយ នាងប៉ិចក៏ត្រឡប់ទៅផ្ទះវិញ ។ លុះចៅសុក្រនិងចៅសៅរ៍ស៊ីបាយរួច ក៏សែងមឈូសយកទៅលក់ ។ សេដ្ឋីឲ្យខ្ញុំមួយនាក់ចាំមើលផ្លូវផ្តាំថា "បើឃើញអ្នកណាសែងមឈូសមកលក់ឲ្យរត់ទៅហៅយើង" ។ ចៅសុក្រ និងចៅសៅរ៍សែងក្តារមឈូសទៅដល់ផ្ទះសេដ្ឋី ស្រែកពពាយនាយថា "អ្នកណាទិញក្តារមឈូសទេ?" ។ សេដ្ឋីឮសួរថា "លក់តម្លៃប៉ុន្មាន?" ។ ចៅសុក្រប្រាប់ថា "ឲ្យចាក់ប្រាក់ពីដីឡើងស្មើនឹងមឈូស" ។ សេដ្ឋីសុំតម្លៃ ចៅសុក្រមិនព្រម ។ សេដ្ឋីក៏ប្រើខ្ញុំកំដរឲ្យទៅយកប្រាក់មកចាក់ស្មើនឹងមឈូស ហើយចៅសុក្រនិងចៅសៅរ៍យកប្រាក់ទៅផ្ទះចែកគ្នា ។ សេដ្ឋីគាស់មឈូសយកកូនចេញ ។ ក្រោយមកចៅសៅរ៍យកនាងប៉ិចដូចដើមដដែលវិញ ៕
អត្ថបទដែលពេញនិយមអានថ្ងៃនេះ
-
sd ប៉េកាំង៖ យោងតាមទីភ្នាក់ងារ ព័ត៌មានចិន ស៊ិនហួ បានចេញផ្សាយនៅ ថ្ងៃអង្គារ ទី០៥ ខែ មិថុនា ឆ្នាំ២០១២ នេះថា មហាកំផែង ដ៏អស្ចារ្យរបស់ប្រទេសចិ...
-
ខាងក្រោមនេះគឺជាទ្រឹស្តី របស់ស្រ្តីខ្លាំងទាំង១០ ក្នុងពិភពពាណិជ្ជកម្ម។ អ្នកទាំងអ...
-
ថ្មកំបោរ (ភាសារអង់គ្លេសហៅថា Lime, Lime store, aglime) គឺជាគ្រឿងផ្សំសម្រាប់កែ PH របស់ដី។ ថ្មកំបោរត្រូវបានគេកិនឲ្យម៉ដ្ឋច្រកដា...
-
មនុស្សមួយចំនួនបានមើលរំលង នូវគុណប្រយោជន៍របស់តូចតាច ដែលអ្នកទាំងអស់គ្នា ប្រើប្រាស់រៀងរាល់ថ្ងៃ ដូចជាក្រូចឆ្ឆារជាដើម។ តើប្រិយមិត្តទាំងអស់គ្នា មា... -
នៅពេលដែលក្នុង មួយជីវិតរបស់អ្នកមានរឿងជាច្រើនរង់ចាំអ្នកដោះស្រាយ នៅពេលដែល២៤ម៉ោងក្នុយមួយថ្ងៃមិនគ្រប់គ្...
អត្ថបទដែលពេញនិយម
-
ខាងក្រោមនេះគឺជាទ្រឹស្តី របស់ស្រ្តីខ្លាំងទាំង១០ ក្នុងពិភពពាណិជ្ជកម្ម។ អ្នកទាំងអ...
-
មនុស្សមួយចំនួនបានមើលរំលង នូវគុណប្រយោជន៍របស់តូចតាច ដែលអ្នកទាំងអស់គ្នា ប្រើប្រាស់រៀងរាល់ថ្ងៃ ដូចជាក្រូចឆ្ឆារជាដើម។ តើប្រិយមិត្តទាំងអស់គ្នា មា...
-
ការសិក្សាភាសាបរទេស ពិតជាពេញនិយមយ៉ាងខ្លាំងមិនថាតែនៅប្រទេសកម្ពុជា ឬក៏បណ្តាប្រទេសនៅជុំវិញពិភពលោក។ ទាំងក្មេងទាំងចាស់ នាំគ្នាសង្វាតទៅ...
-
កាលពីព្រេងនាយ មានបុរសពីរនាក់ ម្នាក់ឈ្មោះ អាខិល ម្នាក់ឈ្មោះ អាខូច នៅស្រុកទីទៃពីគ្នា គំនិតដោយខ្លួន ។ អាខូច ជុះអាចម៍ដាក់ពេញ...
អាត្រាប្តូរប្រាក់រៀលថ្ងៃនេះ
0 comments:
Post a Comment