វិធីបញ្ជូន File Computer ទំហំធំៗតាមរយៈ Internet ~ Leak4learn

Tuesday, July 03, 2012

វិធីបញ្ជូន File Computer ទំហំធំៗតាមរយៈ Internet

11:57:00 AM leaklifes.blogspot.com No comments

ដើម្បីបញ្ជូន File ផ្សេងៗពី Computer មួយទៅកុំព្យូទ័រមួយទៀត ជាធម្មតាយើងច្រើនធ្វើតាមរយៈ E-mail តែតាមរយៈនេះ យើងអាចត្រឹមតែបញ្ជូន file ទំហំត្រឹម 5Mb (ទៅ 20Mb ប៉ុណ្ណោះ) បើទំហំធំជាងនេះ យើងចាំបាច់ត្រូវរកវិធីផ្សេងទៀត ។
ទោះបីជាវិធីបញ្ជូន file អាចត្រូវធ្វើឡើងតាមរយៈវិធីច្រើនយ៉ាងណាក្តី ក៏ប៉ុន្តែមានវិធីមួយចំនួនមានសុវត្ថភាពចំពោះ file ដែលយើងបានបញ្ជូន ឬទទួលយក ឯវិធីខ្លះទៀតមិនមានសុវត្ថភាពឡើយ ។
ដើម្បីជាការឆ្លើយតបចំពោះបញ្ហានេះ យើងខ្ញុំបានធ្វើការជ្រើសរើសរកមើល File (Program) មួយចំនួន ដែលយើងខ្ញុំសន្មត់ថាល្អ ល្មមគ្រប់គ្រាន់អាចឲ្យយើងប្រើការបាន និងមានសុវត្ថិភាពល្មមអាចទទួលយកបាន ។
បន្ទាប់ពីការជ្រើសរើសជាច្រើនខែ យើងខ្ញុំរកបានប្រូក្រាមតែមួយគត់ ដែលមានសមត្ថភាពទាំងការបញ្ជូន និងទទួលយក (Upload និង Download) ក្នុងល្បឿនមួយលឿន ងាយស្រួលប្រើ អាច Upload និង Download បានច្រើនប្រភេទនៃ file អ្នកអាច Download យក file ពីយើងមិនចាំបាច់ត្រូវ Install Program អ្វីទាំងអស់ គឺងាយស្រួលបំផុត ។
File ដែលយើងអាចបញ្ជូនបាន អាចមានទំហំរហូតដល់ជាច្រើនរយ Mb, អាចរហូតដល់ Gb ឬធំជាងនេះ ។
ប្រូក្រាមនេះមានឈ្មោះថា cc file transfer លោកអ្នកនាង អាច Download យកបាន (Free) តាមរយៈ Link ខាងក្រោមនេះ :
www.cc-file-transfer.com ឬ click (មានរូប)

មានទាំង Manual ពន្យល់ពីវិធីប្រើជា .pdf file នៅទីនោះស្រាប់ ។
តើអ្នកណាខ្លះដែលត្រូវការប្រូក្រាមនេះ ?
- សម្រាប់បញ្ជូនឯកសារផ្សេងៗដែលមានទំហំធំៗ
- សម្រាប់បញ្ជូនរូបថតច្រើនៗក្នុងពេលតែមួយ
- សម្រាប់បញ្ជូន File ជាវីឌីអូធំៗ
- សម្រាប់បញ្ជូន File ចម្រៀងគ្រប់យ៉ាង
- នៅពេល File ដែលយើងត្រូវបញ្ជូនមិនអាចធ្វើតាមរយៈ E-mail បាន
- យើងចង់បញ្ជូន ឬចែករំលែក File របស់យើងឲ្យដល់អ្នកខ្លះ តែអ្នកខ្លះទៀតមិនអនុញ្ញា ដោយការកំណត់ឈ្មោះ និងលេខសំងាត់ឲ្យចំពោះអ្នកដែលត្រូវទទួល ។
យើងខ្ញុំសង្ឃឹមថា ប្រូក្រាមនេះអាចជួយដោះស្រាយបញ្ហាលំបាកៗមួយចំនួនរបស់លោកអ្នកនាង នាពេលកន្លងមកក្នុងការបញ្ជូន File ឲ្យមានភាពងាយស្រួលជាងមុន ហើយប្រកបដោយសុវត្ថិភាព ។
* សូមបញ្ជាក់ថា ប្រូក្រាមនេះត្រូវបាន Test សាកល្បងរួចហើយ និងអាចប្រើការបាន ៕