វិធីច្រើនយ៉ាងនៃការប្រើ Internet ~ Leak4learn

Internet គឺជាបណ្តាញ Network ពិភពលោកតែមួយគត់ដែលបានភ្ជាប់មនុស្សពីគ្រប់ទីកន្លែងឲ្យអាចទាក់ទង គ្នាបាន ។ ដើម្បីឲ្យយើងអាចប្រើសេវា Internet នេះបានយើងចាំបាច់ត្រូវទទួលយកសេវានេះតាមរយៈក្រុមហ៊ុនណាមួយ ដែលមានផ្តល់សេវានេះដោយមធ្យោបាយផ្សេងៗ ។

ជាធម្មតាក្រុមហ៊ុនដែលផ្តល់សេវា Internet គេហៅថា ISP (Internet Service Provider), នៅប្រទេសកម្ពុជាយើងមានក្រុមហ៊ុនជាច្រើនកំពុងដំណើរការផ្តល់សេវា Internet នេះ ឯតម្លៃនៃការប្រើប្រាស់វិញ គឺមិនដូចគ្នាទេ ឯវិធីនៃការផ្តល់សេវា Internet នោះក៏មិនដូចគ្នាដែរ យើងអាចប្រើសេវា Internet នេះដោយផ្ទាល់នៅលើកុំព្យូទ័រយើង ឬយើងអាចប្រើវានៅលើទូរស័ព្ទប្រភេទខ្លះ ឬអាចប្រើទូរស័ព្ទធ្វើជាម៉ូដឹមភ្ជាប់សេវា Internet មក PC ឯមធ្យោបាយមួយទៀតនោះគឺប្រើ Card ដែលអាចដាក់ SIM ទូរស័ព្ទចូលហើយអាចមក PC តែម្តង ។

រឿងដែលយើងត្រូវគិតមុនគេនោះគឺ តើយើងនឹងប្រើសេវា Internet នេះដើម្បីប្រយោជន៍អ្វី បើការប្រើ Internet នោះយូរៗម្តងទេ យើងគួរប្រើ Internet នៅតាមហាង Internet កាហ្វេវិញ ប្រសើរជាងទទួលយកសេវានេះមកប្រើដោយបង់ខែ ឬទិញកាតប្រើ ពីព្រោះវាតម្រូវឲ្យយើងត្រូវមាន PC ឬទូរស័ព្ទ (អាចត្រូវមានទាំងពីរក្នុងករណីខ្លះ) ។

បើសិនការប្រើ Internet របស់យើងចាំបាច់ត្រូវប្រើញឹកញាប់ និងរាល់ៗថ្ងៃនោះ យើងក៏ត្រូវគិតផងដែរថា តើយើងនឹងប្រើវានៅមួយកន្លែង ឬត្រូវប្រើវានៅតាមទីកន្លែងខុសៗគ្នា ? បន្ទាប់ពីយើងបានសម្រេចចិត្តហើយ សូមជ្រើសរើសមធ្យោបាយទាំងឡាយដូចខាងក្រោម :

ក្រុមហ៊ុនដែលមានផ្តល់សេវា Internet នៅព្រះរាជាណាចក្រកម្ពុជា :

+ សំរាប់ PC :

1- Camintel

2- Camnet

3- Clicknet

4- EZE COM

5- CityLink

6- Online

7- Vietnet

8- Mekongnet

9- Telesouf

10- Wireless IP

+ សំរាប់ទូរស័ព្ទ :

1- Camshin

2- Mobitel

3- Qbmore

4- Hello

ដើម្បីឲ្យជ្រាបព័ត៌មានច្បាស់របស់ក្រុមហ៊ុននី មួយៗ សូមអញ្ជើញទាក់ទងផ្ទាល់ទៅកាន់ក្រុមហ៊ុនដូចបានបង្ហាញជូនខាងលើនេះ ។

តើយើងគួរជ្រើសរើសយកក្រុមហ៊ុនមួយណា ?

បញ្ហានេះគឺអាស្រ័យទៅលើការដែលយើងមានប្រាក់សំរាប់ចំណាយប៉ុណ្ណោះ ឯកត្តាផ្សេងទៀតមានដូចខាងក្រោមនេះ :

- BroadBand យើងទទួលយកសេវា Internet តាមរយៈឧបករណ៍ម្យ៉ាងដែលចាំបាច់ត្រូវដាក់តម្លើងវានៅលើដំបូលតតាម ខ្សែកាបចូលមកកាន់ប្រអប់សម្រាប់ទទួលមួយ បន្ទាប់មកទើបយើងតវាចូលមក PC តាមរយៈខ្សែ Network

+ យើងត្រូវទិញ ឬបង់រំលោះចំពោះគ្រឿងឧបករណ៍ ឬជួល

+ យើងត្រូវមានប្រាក់កក់ចាប់ពី ១០០ ដុល្លារឡើងទៅ

+ ត្រូវបង់ថ្លៃសេវាមុនមួយខែ

+ ត្រូវបង់ពន្ធនៃចំនួនទឹកប្រាក់ ត្រូវបង់សរុប

+ ការប្រើប្រាស់មានចំនួនកំណត់

+ ល្បឿននៃការប្រើមានកំណត់ចាប់ពី 64kbps ឡើងទៅ

+ ល្បឿនដែលអាច download មិនដូចគ្នានឹងល្បឿនប្រើធម្មតាឡើយ

+ ការប្រើប្រាស់លើសពីចំនួនកំណត់ត្រូវបង់លុយបន្ថែម

- ប្រើតាមរយៈទូរស័ព្ទ

តាមមធ្យោបាយនេះគឺយើងត្រូវបង់លុយសម្រាប់ពេលវេលានៃការប្រើទូរស័ព្ទផង បង់ទាំងថ្លៃប្រើ Internet ផងដល់ទៅពីរមុខ ។

ជាធម្មតាមធ្យោបាយនេះគឺយើងត្រូវមាន Modem របស់យើងផ្ទាល់ បើប្រើ Laptop យើងពុំចាំបាច់ត្រូវការ Modem ឡើយ ក្រុមហ៊ុនខ្លះតម្រូវឲ្យយើងទិញ Modem របស់គេ ឬបង់រំលោះ ឬជួល ហើយ Modem នោះប្រើមានតម្លៃថ្លៃបង្គួរដែរ ក្រុមហ៊ុនខ្លះទៀតមានផ្តល់ Modem ឲ្យយើងប្រើតែត្រូវកក់ប្រាក់ទុករហូតយើងឈប់ប្រើទើបអាចដកយកវិញ បាន ។

ការប្រើប្រាស់តាមរយៈ Modem នេះមាន២បែបដែរ មួយគឺយើង connect តាមរយៈ Modem ធម្មតា ឯវិធីមួយទៀតគឺតាមរយៈម៉ូដឹមកំណត់ឲ្យដោយក្រុមហ៊ុនផ្ទាល់ ។

ចំពោះល្បឿននៃការប្រើវិញគឺពុំដូចគ្នាឡើយទោះ ប្រើគ្រឿងឧបករណ៍ដូចគ្នាក្តី ប៉ុន្តែនោះក៏អាស្រ័យទៅលើទម្លាប់នៃការប្រើប្រាស់របស់យើងផងដែរ ។

- ប្រើប្រាស់តាមរយៈខ្សែកាប

បច្ចុប្បន្ននេះមានក្រុមហ៊ុនមួយចំនួនកំពុងផ្តល់សេវា Internet តាមរយៈខ្សែកាប, ល្បឿនប្រើតាមរយៈខ្សែកាបគឺលឿនជាងគេ បើប្រៀបធៀបជាមួយវិធីផ្សេងៗ ប៉ុន្តែតម្លៃនៃការប្រើវិញក៏មានតម្លៃថ្លៃដែរ ទាំង download និង upload គឺលឿនប្រហែលគ្នា ។ តំបន់មួយចំនួននៅទីក្រុងភ្នំពេញអាចប្រើសេវាខ្សែកាបនេះពុំបានទេ បើសិនជាគ្មានខ្សែកាបទៅដល់ ឬក្រុមហ៊ុនមិនទាន់បានរាយខ្សែទៅដល់ ត្រូវសាកសួរក្រុមហ៊ុននោះជាមុនសិន ទោះបីទីកន្លែងដែលយើងរស់នៅមានខ្សែកាបទូរទស្សន៍ទៅដល់ក្តី ប៉ុន្តែខ្សែកាបថ្មីប្រភេទ digital នេះ មិនទាន់រាយដល់ក៏ពុំអាចប្រើសេវាតាមរយៈខ្សែកាបនេះបានដែរ ។

ក្រៅពីវិធីដែលអាចភ្ជាប់សេវា Internet ដោយផ្ទាល់មក PC របស់យើង, យើងនៅមានវិធីមួយទៀតគឺ ប្រើទូរស័ព្ទដៃរបស់យើង ឬ Card ម្យ៉ាងសម្រាប់ភ្ជាប់ Internet មកប្រើនៅលើ PC ។

- ប្រើតាមរយៈក្រុមហ៊ុនទូរស័ព្ទ

បច្ចុប្បន្ននេះក្រុមហ៊ុនទូរស័ព្ទនៅក្នុង ព្រះរាជាណាចក្រកម្ពុជាយើងចំនួន ៤ បានផ្តល់សេវា Internet តាមបច្ចេកទេស 3G ។ ដូចនេះ បើសិនជាទូរស័ព្ទរបស់យើងមានប្រព័ន្ធ ហ្រេ្វកង់ 3G (មានដល់ 3.5G) នោះយើងអាចធ្វើដូចខាងក្រោមនេះ ។

ជាបឋមត្រូវទាក់ទងសួរសុំប្តូរស៊ីម (SIM) ពី SIM ធម្មតាមកប្រើ SIM ប្រភេទ 3G វិញ (លេខទូរស័ព្ទរបស់យើងនឹងត្រូវបានគេរក្សាទុកឲ្យនៅដដែល) ជាមួយ SIM ប្រភេទ 3G បូកជាមួយទូរស័ព្ទដៃរបស់យើងមាន 3G យើងអាចប្រើ Internet ក្នុងល្បឿនលឿនជាងប្រើតាមរយៈប្រព័ន្ធផ្សេងៗ ។ ការប្តូរយក SIM ថ្មីនេះអាចមិនត្រូវបង់លុយសោះ ឬត្រូវបង់បន្តិចបន្តួចប៉ុណ្ណោះ ។

ឆែកមើលថា តើទូរស័ព្ទរបស់យើងដែលមានស្រាប់ហើយ មានប្រព័ន្ធ 3G ដែរឬអត់? បើគ្មានទេ សូមពិចារណាតាមរយៈវិធីមួយទៀតគឺ ទិញកាតម្យ៉ាងមាន២សណ្ឋាន មួយអាចដោតតាមរយៈ USB Port ឯមួយទៀតយើងអាចស៊កចូលតាមរយៈ Express card (Computer Laptop ប្រភេទថ្មីទើបមាន Slot នេះ)

តាមរយៈ Card នេះ, យើងអាចស៊កស៊ីមទៅក្នុង Card ធ្វើឲ្យ card នេះដំណើរការបីដូចជាទូរស័ព្ទមួយគ្រឿងមាន 3G ដូច្នោះដែរ ។

សព្វថ្ងៃនេះការប្រើ Internet តាមរយៈ 3G មានភាពទូលំទូលាយច្រើន បើយើងមាន Laptop ពីព្រោះវាមានល្បឿនលឿន គិតប្រាក់ពីការប្រើជាមួយទឹកប្រាក់ទូរស័ព្ទតែម្តង មិនចាំបាច់ត្រូវបង់ថ្លៃសេវា Internet ផ្សេង បង់ឲ្យថ្លៃទូរស័ព្ទផ្សេងឡើយ ។ យើងអាចប្រើ Internet របស់យើងនៅទីណាក៏បាន នៅផ្ទះ កន្លែងធ្វើការ ក្នុងឡាន ឬទីណាទៀតក៏បានឲ្យតែមានសេវាទូរស័ព្ទរបស់ស៊ីមដែលយើងបានទិញអាច ទៅដល់ ។

បើយើងមិនមានទូរស័ព្ទដែលមានប្រព័ន្ធ 3G ទេ Card នេះគឺជាមធ្យោបាយតែមួយគត់, តម្លៃរបស់វា គឺមានចាប់ពី 120-170 ដុល្លារ យើងអាចរកទិញវាបានតាមរយៈហាងលក់កុំព្យូទ័រមួយចំនួនក្នុងទីក្រុង ភ្នំពេញ ។

សម្រាប់វិធីនៃការប្រើ ឬតភ្ជាប់វិញសូមទំនាក់ទំនងទៅកាន់ក្រុមហ៊ុនដែលជាម្ចាស់ SIM យើងបានទិញមក ដើម្បីសុំព័ត៌មានដើម្បីតភ្ជាប់ ។

សូមបញ្ជាក់ថា :

- Card នេះមាន Feature របស់វាមិនដូចគ្នាឡើយ យើងគួររកទិញ Card ណាដែលមាន Speed វាដល់ 7.2 Mbps (ជាប្រភេទ 3G ឬ 3.5G) ព្រមទាំងឲ្យវាអាចប្រើជាមួយ USB បាន (ពីព្រោះយើងអាចប្រើជាមួយ desktop ក៏បាន Laptop ក៏បាន) ។

- បើសិនជាយើងមាន Port USB ល្បឿនយឺត (Version 1.1) មិនមែន 2.0 នោះល្បឿនបញ្ជូន និងទទួលក៏យឺតទៅតាមនោះដែរ ហេតុនេះគួរធ្វើការកត់ចំណាំផង ។

ក្រុមហ៊ុនផ្តល់សេវា Internet តាមរយៈទូរស័ព្ទខ្លះអាចឲ្យយើងប្រើ Internet បានទោះនៅទីណាក៏ដោយឲ្យតែមានសេវាទូរស័ព្ទនោះទៅដល់ តែចំណែកក្រុមហ៊ុនខ្លះទៀតគឺអាចប្រើបានត្រឹមក្នុងទីក្រុងភ្នំពេញ ប៉ុណ្ណោះ ។

នៅមានវិធីភ្ជាប់ Internet មួយបែបផ្សេងទៀតគឺ ទីកន្លែងណាមួយជាកំណត់ យើងមិនចាំបាច់មានអ្វីទាំងអស់ ឲ្យតែ Laptop របស់យើងមាន wifi (wireless network) រួចយើងអាចទៅកាន់ទីកន្លែងណាមួយដែលបានកំណត់ឲ្យដោយក្រុមហ៊ុន ...។

សព្វថ្ងៃមានក្រុមហ៊ុនមួយចំនួនកំពុងផ្តល់សេវា Internet តាមបែបនេះនៅក្នុងទីក្រុងធំៗ មួយចំនួន និងនៅហាងលក់ទូរស័ព្ទមួយទឹក Parkway ។

- USB Modem

- HSDPA USB Card

- Mobidata (មានលក់នៅភ្នំពេញ)

- GSM 3G USB Card

យករូបខាងលើនេះមកដាក់ឲ្យបានចំនួន ៣ និងរូបទូរស័ព្ទខាងក្រោមណាមួយក៏បានដែលមាន 3G

- Nokia E61i

- LGKC 910 Renoir

បើមានប្រាក់យើងអាចទិញ HTC Shift តែម្តងក៏បាន ពីព្រោះវាជា PC ផង ជាទូរស័ព្ទសេរីខ្ពស់ផង តម្លៃពី 1300-1500 ដុល្លារ ។

HTC Shift

- USB Modem

តាមពិតទៅ Modem គឺជាគ្រឿងឧបករណ៍មួយប្រភេទត្រូវបានគេប្រើជាយូរយារណាស់មកហើយ ដើម្បីបញ្ជូនទិន្នន័យពីកន្លែងមួយទៅកន្លែងមួយផ្សេងទៀត វាអាចដំណើរការបានដោយស្ថិតនៅចន្លោះរវាងកុំព្យូទ័រ ២ គ្រឿង ។ យើងអាចតភ្ជាប់កុំព្យូទ័រពីរគ្រឿងឲ្យបញ្ជូនឯកសារឲ្យគ្នា ទៅវិញទៅមកបានតាមរយៈម៉ូដឹម នេះប៉ុណ្ណោះ នោះគឺជាពេលដែលពុំទាន់មាន Internet ។

ប៉ុន្តែសព្វថ្ងៃនេះ Modem ត្រូវបានគេច្នៃមកជាប្រព័ន្ធមួយផ្សេងវិញគឺវាអាចចាប់រលកសញ្ញា វិទ្យុនៃប្រព័ន្ធទូរស័ព្ទដៃ ព្រមទាំងមានទំហំតូចៗជាងមុនច្រើនណាស់ ។ Modem ប្រភេទនេះមានសមត្ថភាពអាចចាប់យករលកសញ្ញា 850, 900,1800, 2100Mbz ដែលជារលកសញ្ញារបស់ទូរស័ព្ទចល័ត ដើម្បីភ្ជាប់ទៅកាន់ Internet ។ សូមមើលរូបខាងក្រោម :

សព្វថ្ងៃនេះមាន USB Modem ជាច្រើនប្រភេទកំពុងលក់នៅទីក្រុងភ្នំពេញ មានប្រភេទនិងម៉ាកព្រមទាំងសមត្ថភាពប្រើប្រាស់បានខុសៗគ្នា ។ យើងខ្ញុំបានទំនាក់ទំនងទៅហាង USB Modem មួយនៅទីក្រុងភ្នំពេញ ដើម្បីសុំព័ត៌មានបន្ថែមស្តីពីវត្ថុនេះ ប៉ុន្តែយើងខ្ញុំបានទទួលមកវិញត្រឹមតែជា E-mail បញ្ជាក់ថា : ហាងរបស់គាត់មាននាំចូល និងលក់ចែកចាយ USB Modem នេះចំនួន២ម៉ូដែលខុសគ្នាគឺ មួយសេរី E169 និងមួយទៀតសេរី E220 គាត់គ្រាន់តែបញ្ជាក់នៅក្នុង e-mail ថា បើសិនជាអ្នកប្រើស្ថិតនៅក្នុងប្រព័ន្ធ Turbo Network ល្បឿនរបស់វាគឺអាចបានដល់ទៅ 3.6Mbps ។

Posted in: