Hard Disk Drive (HDD ឬ HD) ហាដឌីស
គឺជាវត្ថុដ៏សំខាន់បំផុតមួយរបស់កុំព្យូទ័រ ទោះជាយើងប្រើវានៅផ្ទះ
ឬនៅកន្លែងធ្វើការក៏ដោយ ពីព្រោះវាគឺជាកន្លែង (Space)
សម្រាប់ឲ្យយើងរក្សាទុកនូវអ្វីៗទាំងអស់ដែលយើងមាននិងធ្វើ
គឺនៅក្នុងនោះទាំងអស់ ។ ជួនកាលកិច្ចការខ្លះយើងបាន Save ទុកទៅក្នុង
Media ណាមួយផ្សេងវិញ ដោយសារហេតុផលផ្សេងៗ ។
ការប្រមូលផ្តុំរក្សាទុកទិន្នន័យ
បានកើតឡើងជាលំដាប់ពីមួយថ្ងៃទៅមួយថ្ងៃ រហូតពេលមួយទំហំ Space របស់
Hard Disk ដែលយើងមានលែងមានកន្លែងគ្រប់គ្រាន់សម្រាប់ប្រើការបានទៀត
បញ្ហានេះជួនកាលវាបានបង្កើតជាផលវិបាកធ្ងន់ធ្ងរមួយចំពោះយើងជា
អ្នកប្រើ ។
ក្នុងរវាងប៉ុន្មានឆ្នាំកន្លងមកនេះទំហំរបស់ Hard
Disk ត្រូវបានគេបង្កើនកាន់តែច្រើនឡើងៗ ហើយនិងបន្តកើនឡើងថែមទៀត
ដើម្បីបំពេញតាមសេចក្តីត្រូវការរបស់អ្នកប្រើ
ពីព្រោះតម្លៃនៃការផលិតកាន់តែមានតម្លៃថោកទៅៗ
ជាហេតុធ្វើឲ្យគេអាចផលិតវាបានកាន់តែធំនិងតម្លៃកាន់តែទាបជាង
មុន ។
ប៉ុន្តែ Hard Disk
មានចំណុចខ្សោយរបស់វាមួយគឹវាជាគ្រឿងឧបករណ៍មួយបែបដែលមានចលនា
(វិល) ។ ការដំណើរការរបស់វាគឺអាស្រ័យដោយប្រព័ន្ធមេកានិច
តែត្រូវបានបញ្ជារដោយគ្រឿងអេឡិចត្រូនិច ។
ថាសមូលសំប៉ែតតិច
ឬច្រើនត្រូវបានគេរៀបដាក់ត្រួតលើគ្នាឲ្យវិលបាននៅរាល់ពេលយើង
ប្រើកុំព្យូទ័រ ដូចនេះពេលមួយ, ថ្ងៃមួយ វានិងខូចដោយជៀសពុំរួចឡើយ
។
ក្រៅពី Hard Disk
គ្រឿងដទៃផ្សេងទៀតគឺសុទ្ធសឹងជាគ្រឿងអេឡិចត្រូនិច
មិនមានគ្រឿងណាមួយធ្វើចលនាដូចជា Hard Disk ឡើយ
លើកលែងតែកង្ហារសម្រាប់បន្ថយកំដៅចេញ
ដូច្នេះគ្រឿងអេឡិចត្រូនិចទាំងនោះមានអាយុកាលនៃការប្រើប្រាស់បានយូរ
ជាង និងកម្រមានខូចណាស់ ។
សម្រាប់ Hard Disk វិញ
សូម្បីតែត្រូវបានគេធ្វើឲ្យមានអាយុកាលបានយូរនិងត្រូវបានដាក់
ក្នុងប្រអប់ការពារយ៉ាងណាក៏ដោយ
ក៏នៅតែពុំអាចជៀសផុតពីការខូចខាតបានដែរ ។ ជារឿយៗ Hard Disk
តែងកើតជាបញ្ហាខូចលែងដំណើរការបានក្នុងរយៈពេលមួយ ។
ក្រុមហ៊ុនផលិត Hard Disk
ភាគច្រើនមានភាពស្មោះត្រង់ក្នុងមុខរបររបស់ខ្លួនដោយព្រមទទួលប្តូរ
ថ្មីឲ្យបើសិនជា Hard Disk ត្រូវខូច
ប៉ុន្តែត្រូវស្ថិតនៅក្នុងរយៈពេលនៃការធានារ៉ាប់រងរបស់ក្រុមហ៊ុន ។
ទោះបីជាយ៉ាងដូច្នេះក៏ដោយ
ក៏ការប្រព្រឹត្តទៅនៃកិច្ចការប្រចាំថ្ងៃរបស់យើងត្រូវមានវិធីមួយចេះ
ការពាររាល់អ្វីៗដែលយើងបានធ្វើ :
+ បើសិនជាកិច្ចការនោះមានទំហំតូចគួរ Save ទុកនៅក្នុង Memory Card, Flash Memory, External Hard Disk, CD or DVD
+ ក្រៅពីនេះយើងអាច Save ចូល Drive D:\ ឬ Drive
ណាមួយផ្សេងទៀតនៅក្នុងកុំព្យូទ័ររបស់យើង ប៉ុន្តែសូមជៀសវាងកុំ Save
ទុកនៅក្នុង Drive C:\ នៅលើ Desktop, នៅក្នុង Mydocument
ជាដាច់ខាតពីព្រោះមិនត្រឹមតែគ្មានសុវត្ថិភាពប៉ុណ្ណោះទេ
ប៉ុន្តែបណ្តាលឲ្យម៉ាស៊ីនយើងដំណើរការយឺតផងដែរ ពីព្រោះវាត្រូវ Load
អ្វីៗទាំងអស់នោះចូលទៅក្នុង Memory ត្រៀមចាំការហៅប្រើរបស់យើង ។
Hard Disk
ភាគច្រើនត្រូវបានគេកំណត់អាយុកាលរបស់វាតាមការតម្រូវរបស់ស្ថាប័ន
ត្រួតពិនិត្យគុណភាព FCC ហៅថា �MTBF� (Mean Time Between Failure)
ចំនួនម៉ោងនៃការប្រើប្រាស់របស់ Hard Disk
គឺពុំដូចគ្នាឡើយពីក្រុមដែលជាអ្នកផលិត ។
Hard Disk ខ្លះត្រូវបានគេកំណត់ឲ្យចំនួន 300,000
ម៉ោង
តែតាមការពិតគឺវាពុំគណនាតាមរយៈពេលនៃការប្រើគឺច្រើនគិតពី
អាយុកាលដែលវាត្រូវបានគេចាប់ផ្តើមប្រើវា
ហេតុនេះសុំកុំយល់ច្រឡំឲ្យសោះ ។
តើយើងអាចដឹងថា Hard Disk របស់យើងរកកលចង់ខូចនៅពេលណា ?
មានកត្តាមួយចំនួនដែលយើងអាចសង្កេតដឹងថា Hard
Disk
របស់យើងនិងលែងប្រើការបានអាស្រ័យដោយការបង្ហាញឲ្យដឹងមួយចំនួន
ដូចខាងក្រោមនេះ :
- កើតឡើងនូវការមិនដំណើរការដូចជាពិបាក Boot,
ពេលខ្លះ Boot បាន តែពេលខ្លះទៀត Boot ពុំបានសោះ
បញ្ហានេះទៀតសោតកើតមានឡើងពុំទៀងទាត់ រកសន្មត់ឲ្យច្បាស់លាស់ពុំបាន
។
-
ពេលយើងកំពុងធ្វើកិច្ចការច្រើនកើតមានការចេញផ្ទាំង Dialog
មកបង្ហាញពីបញ្ហាមួយចំនួនដូចជាពេលដែលយើងធ្វើកិច្ចការអ្វីមួយធំ ឬ
Copy File ធំៗ វាបង្ហាញឲ្យឃើញ Error ខ្លះដែលពុំសមគួរ
- ឈ្មោះរបស់ Folder ឬ File ខ្លះក៏បាត់ទៅព្រមជាមួយដែរ
- ត្រូវការពេលយ៉ាងយូរដើម្បីបើក File ឬ Folder
- Hard Disk ពុំបានបង្ហាញសញ្ញាណមួយសោះដូចជាចេញភ្លើងភ្លឺបង្ហាញជាដើម ពេលយើង Copy ឬ Move File
- File ខ្លះដែលយើងបានធ្វើមានលក្ខណៈត្រឹមត្រូវធម្មតា ប៉ុន្តែបែរជាខូចមើលពុំបាន ពេលបើកយកមកប្រើការជាថ្មី
- ចាប់ផ្តើមឮសំឡេងចម្លែកដដែលៗ ឬលាន់ឮសម្លេងខ្លាំង ឬស្ងាត់ឈឹងគ្មានសកម្មភាពអ្វីសោះ ។
ទាំងអស់នេះគឺជាសញ្ញាប្រាប់យើងថា Hard Disk
នេះកំពុងមានបញ្ហាហើយ យើងគួរចាប់ផ្តើម Backup
អ្វីដែលយើងមានជាសំខាន់ចេញពីទីនោះ ។ បើមាន Hard Disk
តែមួយតែហែកជាពីរ C:\ និង D:\ ក៏គួរតែ Backup File ចេញ D:\ ផងដែរ
ពីព្រោះវាជា Hard Disk តែមួយទេ ។ គួរបង្ការជាមុនដោយប្រើប្រាស់ Hard
Disk ចំនួន 2 ឬ ច្រើនជាងនេះជាជាងប្រើ Hard Disk តែមួយតែហែកជាពីរ
។
* Smart (ស្មាត) SelfMonitoring Analysis and Reporting Technology
បច្ចេកទេសមួយនៃការស្វែងយល់ពីសកម្មភាពនិងស្ថានភាពរបស់ HD
ម្យ៉ាងត្រូវបានគេបង្កើតឲ្យមាននៅគ្រប់ Hard Disk ទាំងអស់
វាអាចដំណើរការ
និងផ្តល់ព័ត៌មានឲ្យយើងដឹងបានគឺតាមរយៈប្រូក្រាមតូចមួយដែលច្រើន
ភ្ជាប់មកជាមួយ Mainboard ។ វាអាចគណនាពីស្ថានភាពទូទៅរបស់ Hard Disk
រួចបញ្ចូនព័ត៌មាននោះទៅឲ្យប្រូក្រាម Smart មួយរបស់ MB
ដើម្បីពញ្ញាក់ស្មារតីយើងដែលជាអ្នកប្រើឲ្យដឹងពីអ្វីៗដែលកើតឡើង
ចំពោះ Hard Disk ។
យើងអាចដាក់ឲ្យ Smart-Active (Enable)
បានដោយយើងត្រូវចូលទៅកាន់ System Bios របស់ Mainboard រួច Enable
វាគឺជាការស្រេច ។ Mainboard ខ្លះអាចឲ្យយើងចូល System Bios
តាមរយៈការចុច F2 ខ្លះចុច F10 ខ្លះចុច Del ។
សូមសង្កេតមើលពេលយើងបើកកុំព្យូទ័រប្រើតើយើងត្រូវចុចអ្វីវា
និងប្រាប់តាមនោះឲ្យយើងដឹង ។
0 comments:
Post a Comment