Thursday, August 08, 2013

របៀបដោនឡូត Video ពី YouTube ដោយប្រើ Internet Download Manager

5:27:00 PM leaklifes.blogspot.com No comments

ជំហានទី១

បើកកម្មវិធី Fire Fox ចុចលើ មីនុយ FireFox - > បន្ទាប់មក ចុច មីនុយ add on -> Search (FVD) - > Install (Fast Video Download។
របៀបដោនឡូត Video ពី YouTube ដោយប្រើ Internet Download Manager

របៀបដោនឡូត Video ពី YouTube ដោយប្រើ Internet Download Manager

ជំហានទី២

Restart Browser -> មើល Icon ដែលនៅខាងស្តាំ (FVD) -> ជ្រើសរើស ប្រភេទ Extension ដែលអ្នកចង់បាន
Ex: .mp4, Flv…
របៀបដោនឡូត Video ពី YouTube ដោយប្រើ Internet Download Manager

ជំហានទី៣

Save ទៅកាន់កន្លែងដែលអ្នកចង់ទុក - > បន្ទាប់មក វានិងលេចឡើង Internet Download Manager .
សូមចុចសញ្ញា ខ្វែងដែលយើងបានដោនឡូតនៅលើ Broswer FireFox ពីព្រោះយើងបានដោនឡូតពី Internet Download Manager រួចហើយ .
របៀបដោនឡូត Video ពី YouTube ដោយប្រើ Internet Download Manager

ចំណាំ:": វាអាចដំនើរការតែFireFox

វិធីសាស្ត្រក្នុងការបង្កើនជំនាញគិតពិចារណា

6:40:00 PM leaklifes.blogspot.com No comments

ការចេះគិត ពិចារណាគឺជាសមត្ថភាពដែលមិនអាចខ្វះបាននៅក្នុង ជីវិតប្រចាំថ្ងៃ ពាណិជ្ជកម្ម វិទ្យាសាស្ត្រ សិល្បៈច្នៃប្រឌិត និងនៅក្នុងកិច្ចការជាច្រើនទៀត។ ការគិតពិចារណា ឬក៏វិភាគគឺជាដំណើរទាញរកសេចក្តីសន្និដ្ឋានដោយផ្អែកលើភាព ជាក់ស្តែងណាមួយ ឬក៏ព័ត៌មានណាមួយ ដើម្បីឲ្យអ្នកធ្វើការសម្រេចចិត្តថាតើត្រូវ ឬគួរធ្វើយ៉ាងណាដើម្បីដោះស្រាយបញ្ហាដែលកើតមានឡើងនេះ។ ការគិតពិចារណាអាចយកទៅអនុវត្តទៅលើការអាន អក្សរសិល្ប៍ ដោះស្រាយលំហាត់គណិត ឬក៏សិក្សាប្រវត្តិវិទ្យាជាដើម។ វាតម្រូវឲ្យមានការប្រមូលរាល់នូវភស្តុតាងដែលមានតាមរយៈការសង្កេត ដើម្បីអាចធ្វើការសម្រេចចិត្តធ្វើការសនិ្នដ្ឋានដ៏ត្រឹមត្រូវមួយ។ ការចេះគិតពិចារណាគឺមានប្រយោជន៍ណាស់សម្រាប់គ្រប់ជំហ៊ាននៃជីវិតទាំង អស់ ហើយវាជាគំនិតល្អមួយប្រសិនបើអ្នកចង់បង្កើនសមត្ថភាពផ្នែកនេះ។ ដូចនេះ ថ្ងៃនេះ «គំនិត»សូមលើកយកនូវវិធីសាស្ត្រមួយចំនួនក្នុងចំណោមវិធីសាស្ត្រ ជាច្រើនមកចែកជូនដល់ប្រិយមិត្តអ្នកអាន។
១-ប្រមូលអារម្មណ៍ឲ្យ បានមូល
ការដែលមានអារម្មណ៍ស្ងប់ និងមូលគឺជាផ្នែកមួយដ៏សំខាន់សម្រាប់ការគិតពិចារណានៅក្នុងគ្រប់ ស្ថានការណ៍និងកាលៈទេសៈ។ អ្នកអាចរៀនធ្វើឲ្យ អារម្មណ៍ខ្លួនឯងមូលបានតាមរយៈវិធីជាច្រើន។ ក្នុងនោះមានដូចជាជ្រើសរើសសៀវភៅប្រលោមលោកដែលស្មុគស្មាញ ឬក៏រឿងអ្វីមួយដែលអ្នកមិនសូវចូលចិត្ត។ ប្រសិនបើអ្នកអាចយកឈ្នះ ដោយការចងចាំថាតើមានហេតុការណ៍សំខាន់ៗអ្វីខ្លះកើតមាននៅក្នុងសៀវភៅនោះ សមត្ថភាពការប្រមូលអារម្មណ៍របស់អ្នកនឹងមានការរីកចម្រើន។ ក្រៅពីនេះ ដើម្បីបង្កើនសមត្ថភាពនេះឲ្យកាន់តែល្អនោះ ត្រូវអនុវត្តវាឲ្យបានញឹកញាប់ ដាក់ចេញនៅគោលដៅមួយ ហើយព្យាយាមធ្វើវាឲ្យបានសម្រេចតាមកាលកំណត់។
២-ផ្អែកទៅលើភាពជាក់ស្តែង
ការគិតពិចារណាគឺផ្អែកទៅលើភាពជាក់ស្តែងជាជាងគំនិតផ្ទាល់ខ្លួន របស់អ្នក។ វាទាក់ទងទៅនឹងការប្រមូលផ្តុំភាពជាក់ស្តែង ភស្តុតាង និងព័ត៌មានដែលអ្នកមាន ហើយប្រើប្រាស់វាក្នុងការធ្វើការសម្រេចចិត្ត។ ត្រូវប្រុងប្រយ័ត្ននៅក្នុងស្ថានការណ៍ដែលអ្នកកំពុងតែស្ថិតនៅ។ កត់ត្រារាល់ស្ថានភាព និងភស្តុតាងដែលគិតថាពាក់ព័ន្ធ ឬមិនពាក់ព័ន្ធ។ នៅពេលខ្លះ ហេតុការណ៍ដែលអ្នកគិតថាមិនសូវជាសំខាន់អាចក្លាយទៅចំនុចមួយដែល ចាំបាច់ទៅវិញ។
៣-គ្រប់គ្រងអារម្មណ៍
អារម្មណ៍របស់អ្នកមានចំពោះស្ថានការណ៍ណាមួយអាចធ្វើឲ្យប៉ះពាល់ដល់ការ យល់ឃើញរបស់អ្នក។ ហើយទង្វើនេះអាចធ្វើឲ្យសមត្ថភាពការគិតពិចារណារបស់អ្នកទទួលរងនូវ ការប៉ះពាល់ផងដែរ។ ធ្វើការវិភាគទៅលើអារម្មណ៍របស់អ្នកដើម្បីឲ្យដឹងថា ហេតុអ្វីបានជាអ្នកមានអារម្មណ៍យ៉ាងនេះទៅលើស្ថានការណ៍នោះ ឬក៏បញ្ហានោះ? ប្រសិនបើអ្នកអាចទប់ស្កាត់ អារម្មណ៍ ដោយមិនឲ្យ ប៉ះពាល់ដល់ការសម្រេចចិត្តនោះនឹងធ្វើឲ្យសមត្ថភាពការគិតពិចារណារបស់ អ្នកមានភាពកាន់តែប្រសើរ។
៤-ធ្វើការវិភាគព័ត៌មានដែលអ្នកទទួលបាន
ប្រភពព័ត៌មានគឺមានសារៈសំខាន់ណាស់ក្នុង ការសម្រេចចិត្តថាព័ត៌មានដែលអ្នកកំពុងតែអាននោះមានភាពត្រឹមត្រូវនោះ។ តើប្រភពព័ត៌មាននោះមកពីណា? តើស្ថាប័នដែលជាអ្នកបោះពុម្ភនោះគួរឲ្យទុកចិត្តបានដែរឬទេ? តើព័ត៌មាននោះបោះពុម្ភផ្សាយយូរហើយឬនៅ? តើអ្នកអាចរកព័ត៌មាននេះពីប្រភពផ្សេងដែរឬទេ? សំណួរទាំងនេះអ្នកគួរតែយកមកគិតពិចារណាមុននឹងធ្វើការវាយតម្លៃទៅ លើព័ត៌មាន ឬក៏ឯកសារណាមួយ។ ត្រូវស្វែងរកព័ត៌មានដែលដូចគ្នា ឬស្រដៀងគ្នាពីប្រភពផ្សេងៗឲ្យបានច្រើន មុននឹងធ្វើការសម្រេចចិត្តវិនិច្ឆ័យទៅលើព័ត៌មានទាំងនោះ។
៥- គួរយល់ដឹងខ្លះៗទាក់ទងនឹងមូលដ្ឋានគ្រឹះស្ថិតិ
ប្រសិនបើអ្នកទទួលព័ត៌មានថានៅសប្តាហ៍នេះ គ្រោះថ្នាក់ចរាចរណ៍ចំនួន១០បានកើតឡើងនៅលើផ្លូវជាតិ។ តើនេះមានន័យយ៉ាងម៉េចទៅ? ដើម្បីឲ្យ ស្ថិតិនេះមានន័យ វាពិតជាសំខាន់ណាស់ដែលយើងត្រូវដឹងអំពីចំនួនគ្រោះថ្នាក់នៅលើផ្លូវនេះ នៅក្នុងសប្តាហ៍នីមួយៗនៃខែមុន ឬក៏ឆ្នាំមុន ឬក៏ទស្សវត្សមុនដើម្បីឲ្យយើងដឹងថាតើអត្រានៃគ្រោះថ្នាក់បានថយចុះ ឬក៏អត់។ ក្រៅពីនោះ នៅពេលខ្លះ តួរលេខទាំងនេះអាចធ្វើឲ្យយើងមានការភ័ន្តច្រឡំផងដែរ ឧទាហរណ៍ក្នុងកំឡុងពេលរដូវបុណ្យទៀន អត្រានៃគ្រោះថ្នាក់អាចមានចំនួនកើនឡើង ដោយសារតែមានប្រជាជនធ្វើដំណើរច្រើន។ ដូចនេះអ្នកត្រូវតែគិតពិចារណាអំពីករណីនេះផងដែរដោយធ្វើការប្រៀប ហេតុការណ៍មួយទៅនឹងហេតុការមួយទៀត។
៦- ព្យាយាមអនុវត្ត
អ្នកនយោបាយចក្រភពអង់គ្លេសមួយរូបបាននិយាយថា “គិត គិត គិត! វានឹងធ្វើឲ្យអ្នកធុញទ្រាន់យ៉ាងខ្លាំងនៅពេលចាប់ផ្តើម ប៉ុន្តែអ្នកនឹងទម្លាប់ធ្វើដូចនេះ”។
៧-កុំបារម្មណ៍ប្រសិនបើការគិតពិចារណាច្រើនធ្វើឲ្យអ្នកមានការភ័ន្តច្រឡំ
ជីវិតតែងជួបបញ្ហា។ អ្នកទស្សនៈវិទូរក្រិចសូក្រាតបាននិយាយថា “ការភ័ន្តច្រឡំគឺជាចំនុចចាប់ផ្តើមនៃភាពថ្កុំថ្កើន”។
៨-ហេតុអ្វី?
ចូរចាំថា ការគិតពិចារណាគឺបញ្ចប់ដោយសំណួរ “ហេតុអ្វី?”។ ពាក្យថា”ហេតុអ្វី” គឺជាពាក្យដែលមានឥទ្ធិពលបំផុត។ ត្រូវសួរសំណួរ “ហេតុអ្វី?”គ្រប់ពេលទាំងអស់ ។ ហេតុអ្វីបានជាគាត់សរសេររឿងនេះឡើងនៅក្នុងកាសែតមួយនេះ? ហេតុអ្វីបានជាអ្នកនយោបាយរូបនេះលើកឡើងពីឃ្លានេះ? ហេតុអ្វីបានជាអ្នកនិពន្ធរូបនេះប្រើប្រាស់ពាក្យស្លោកមួយនេះ មិនប្រើឃ្លាផ្សេង? ហេតុអ្វីបានជាគាត់សម្រេចចិត្តបែបនេះ? ហេតុអ្វីបានជាខ្ញុំសួរនូវសំណួរទាំងនេះ?
ឯកសារយោង៖
http://www.rogerdarlington.co.uk/thinking.html
http://www.ntlf.com/html/lib/suppmat/103chap7.pdf
http://www.criticalthinking.org/articles/sts-ct-everyday-life.cfm

វត្ថុសំខាន់ក្នុងជីវិត!

6:14:00 PM leaklifes.blogspot.com No comments

នៅពេលដែលក្នុង មួយជីវិតរបស់អ្នកមានរឿងជាច្រើនរង់ចាំអ្នកដោះស្រាយ នៅពេលដែល២៤ម៉ោងក្នុយមួយថ្ងៃមិនគ្រប់គ្រាន់សម្រាប់អ្នក អ្នកគួរចងចាំរឿងមួយ “ធុងម៉ាយូណេសមួយ និងស្រាបៀរពីរដប”!
សាស្ត្រាចារ្យម្នាក់បានមកដល់ក្នុងថ្នាក់មុនពេលដែលម៉ោង ទស្សនៈវិជ្ជារបស់គាត់ចាប់ផ្តើម ដែលនៅចំពោះមុខគាត់មានវត្ថុមួយចំនួនដែលគាត់ត្រៀមនឹងបង្ហាញដល់ សិស្ស។
នៅពេលចូលរៀន៖
លោកសាស្ត្រាចារ្យបានលើកយកធុងម៉ាយ៉ូណេសដ៏ធំមួយមកដាក់នៅលើតុ ហើយចាក់បំពេញដោយគ្រាប់បាល់ ហ្គុលហ្វ៍ (Golf balls)។ គាត់ក៏បានសួរទៅសិស្សរបស់គាត់ថា តើធុងនេះពេញហើយឬនៅ?
កូនសិស្សរបស់គាត់ទាំងអស់បានឆ្លើយថាពេញហើយ!
បន្ទាប់មកលោកសាស្ត្រាចារ្យបានយកគ្រាប់ក្រួសមួយប្រអប់ចាក់ ចូលទៅក្នុងធុងម៉ាយ៉ូណេសនោះ។ គាត់រលាក់ធុងម៉ាយ៉ូណេសតិចៗដើម្បីឲ្យគ្រាប់ក្រួសអាចធ្លាក់ចូលទៅ ក្នុងប្រហោងរវាងបាល់ហ្គុលហ្វ៍។
គាត់ក៏សួរទៅកាន់សិស្សរបស់គាត់ម្តងទៀត ថាតើធុងនេះពេញហើយឬនៅ?
សិស្សទាំងអស់គ្នាយល់ស្របថាធុងនោះពេញហើយ។
ក្រោយមកទៀត លោកសាស្ត្រាចារ្យបានលើកយកប្រអប់ខ្សាច់មួយប្រអប់ហើយចាក់ចូល ទៅក្នុងធុងម៉ាយ៉ូណេសនោះ។ គ្រាប់ខ្សាច់ទាំងនោះបានចូលទៅបំពេញចន្លោះប្រហោងដែលមាននៅសេសសល់ ក្នុងធុងម៉ាយ៉ូណេសនោះ!
លោកសាស្ត្រាចារ្យក៏បានលើកសួរម្តងទៀតថាតើធុងនោះពេញឬនៅ?
សិស្សទាំងឆ្លើយទាំងស្ទាក់ស្ទើរថា ធុងនោះពេញហើយ!
បន្ទាប់មកទៀត លោកសាស្ត្រាចារ្យបានយកស្រាបៀរពីដបពីក្រោមតុរបស់គាត់ហើយចាក់ ស្រាបៀរទាំងពីរដបនោះទៅក្នុងធុងម៉ាយ៉ូណេសដើម្បីទៅបំពេញចន្លោះ ដែលមានសេសសល់។
សិស្សក្នុងថ្នាក់ទាំងអស់បាននាំគ្នាសើច!
ក្រោយពីសម្លេងសើចកងរំពងបានរំងាប់ទៅ លោកសាស្ត្រាចារ្យបាននិយាយថា “លោកគ្រូចង់ឲ្យអ្នកទាំងអស់គ្នាចាត់តុធុងម៉ាយ៉ូណេសនេះ ប្រៀបដូចជាជីវិតរបស់ប្អូនៗទាំងអស់គ្នា!”
យើងប្រៀបគ្រាប់បាល់ហ្គុលហ្វ៍ទៅនឹងវត្ថុសំខាន់ក្នុងជីវិតរបស់យើង ដូចជាគ្រួសារ កូនចៅ សុខភាព មិត្តភក្តិ និងចំណង់ចំណូលចិត្តរបស់យើង។ ប្រសិនបើអ្វីៗទាំងអស់បាត់បង់ទៅ តែនៅសល់តែវត្ថុសំខាន់ៗដូចដែលបានរៀបរាប់ខាងលើ ជីវិតរបស់យើងគឺនៅតែអាចមានភាពរីករាយ។
យើងអាចចាត់ទុកគ្រាប់ក្រួសគឺជារបស់ចាំបាច់ដូចជាការងារ ផ្ទះ ឡាន ។ល។ រីឯគ្រាប់ខ្សាច់គឺជាវត្ថុបន្ទាប់បន្សំ ដែលមិនសំខាន់។
លោកសាស្ត្រាចារ្យបានបន្តទៀតថា “ប្រសិនបើប្អូនៗចាក់ខ្សាច់ចូលទៅក្នុងធុងមុននោះ យើងនឹងមិនមានកន្លែងសម្រាប់ដាក់គ្រាប់គ្រួស និងគ្រាប់ហ្គុលហ្វ៍នោះទេ!”
ក្នុងជីវិតពិតរបស់យើងក៏ដូចគ្នាផងដែរ! ប្រសិនបើប្អូនៗចំណាយពេលវេលា និងថាមពលទាំងអស់ជាមួយកិច្ចការណាដែលមិនសំខាន់ ប្អូននឹងមិនមានពេលណាសេសសល់សម្រាប់កិច្ចការសំខាន់ៗក្នុងជីវិតនោះទេ។ ត្រូវយកចិត្តដាក់និងចំណាយពេលឲ្យបានច្រើនជាមួយនឹងកិច្ចការ ដែលសំខាន់ដែលអាចជះឥទ្ធិពលដល់សុភមង្គលរបស់យើងទៅថ្ងៃអនាគត។
ចំណាយពេលជាមួយនឹងកូនរបស់ប្អូន!
ចំណាយពេលជាមួយនឹងឪពុកម្តាយរបស់ប្អូន!
សួរសុខទុក្ខលោកយាយលោកតារបស់ប្អូន!
នាំក្រុមគ្រួសារទៅញ៉ាំអាហារជាមួយគ្នា!
យើងនឹងមានពេលបោសសម្អាត និងរៀបចំផ្ទះជានិច្ច។
ធ្វើកិច្ចការណាដែលសំខាន់មុនគេ និងប្រើប្រាស់ពេលដែលសេសល់សម្រាប់ធ្វើកិច្ចការផ្សេងៗ។
មានសិស្សម្នាក់បានលើកដៃឡើង ហើយសួរថា ចុះស្រាបៀរតំណាងឲ្យអ្វីដែរ?
លោកសាស្ត្រាចារ្យញញឹមហើយតបថា “លោកគ្រូពិតជារីករាយណាស់ ដែលប្អូនបានសួរ!”
ស្រាប្រៀរគឺចង់បង្ហាញថា ទោះបីជាជីវិតរបស់យើងរវល់យ៉ាងណាក៏ដោយ យើងនៅតែមានពេលញ៉ាំស្រាបៀរជាមួយមិត្តភក្តិជានិច្ច។

ដំណើរវិវត្តន៍របស់ iOS

10:12:00 PM leaklifes.blogspot.com No comments

iOS ដែលមុនដំបូងឡើយមានឈ្មោះថា iPhone OS គឺជាប្រព័ន្ធប្រតិបត្តិការទូរស័ព្ទរបស់ក្រុមហ៊ុន Apple Inc ។ ដើមឡើយiOSបានបង្កើតឡើងសម្រាប់តែទូរស័ព្ទ iPhone ប៉ុណ្ណោះបន្ទាប់មកបានពង្រីកខ្លួនឲ្យប្រើបានជាមួយ device ផ្សេងៗមួយចំនួនទៀតរបស់ក្រុមហ៊ុន Apple ដូចជា៖ iPod Touch, iPad, និងApple TV។ iOS ខុសពីប្រព័ន្ធប្រតិបត្តិការ Windows CE (Mobile និង Phone) របស់ Microsoft និង Android របស់ក្រុមហ៊ុន Google ត្រង់ថា Apple មិនផ្ដល់សិទ្ធិឲ្យផលិតផលផ្សេងដំឡើង iOS ឡើយ។

ប្រវត្តិ

ប្រព័ន្ធ ប្រតិបត្តិការមួយនេះបានបង្ហាញខ្លួនជាលើកដំបូងជាមួយនឹងទូរស័ព្ទ iPhone នៅក្នុងសន្និសីទMacworld Conference & Expo នាថ្ងៃទី៩ ខែមករា ឆ្នាំ២០០៧ និងចេញជាផ្លូវការណ៍ខែមិថុនាឆ្នាំដដែល។ ដំបូងឡើយទីផ្សារអក្សរសាស្ត្ររបស់ក្រុមហ៊ុន Apple មិនបានចែកឈ្មោះជាក់លាក់ណាមួយសម្រាប់ប្រព័ន្ធប្រតិបត្តិការនេះទេ ដោយចាប់ផ្ដើមពីឈ្មោះធម្មតាថា “iPhone runs OS X” តែមិនអាចប្រើជាមួយកម្មវិធីជំនួយមួយចំនួនធំ។

បន្ទាប់ មកលោក Steve Jobs ស្ថាបនិក និងជានាយកប្រតិបត្តិរបស់ក្រុមហ៊ុន Apple បានលើកឡើងថា developer គួរតែបង្កើតកម្មវិធីវិបដែលដំណើរការដូចកម្មវិធីដើមនៅលើទូរស័ព្ទ iPhone។ នៅថ្ងៃទី ១៧ខែតុលាឆ្នាំ ២០០៧ ក្រុមហ៊ុន Apple បានប្រកាសថាកម្មវិធីដើម Software Development Kit (SDK) កំពុងស្ថិតនៅក្រោមការ develop ហើយក្រុមហ៊ុនគ្រោងដាក់ឲ្យក្រុម developer សាកល្បងប្រើនៅខែកុម្ភៈឆ្នាំ២០០៨។

ថ្ងៃ ទី៦ ខែមិនា ឆ្នាំ២០០៨ ក្រុមហ៊ុន Apple បានចេញ version beta ដំបូងជាមួយនឹងឈ្មោះ “iPhone OS” រួចបានប្ដូរឈ្មោះទៅជា “iOS” វិញនៅក្នុងខែមិថុនាឆ្នាំ ២០១០។ សូមបញ្ជាក់ថា “iOS” ដំបូងឡើយជាឈ្មោះប្រព័ន្ធប្រតិបត្តិការដែលក្រុមហ៊ុន Cisco បានប្រើនៅលើ router អស់រយៈពេលជាច្រើនទសវត្សរ៍មកហើយ ដូច្នេះដើម្បីចៀសវាងការប្ដឹងផ្ដល់ក្រុមហ៊ុន Apple បានទិញយកឈ្មោះ “iOS” ពី Cisco មកប្រើរហូតដល់សព្វថ្ងៃ។

ប្រវត្តិជំនាន់ iOS

បន្ទាប់ ពីបានប្ដូរឈ្មោះពី “iPhone OS” ទៅជា “iOS” រួចមកនៅថ្ងៃទី ២១មិថុនាឆ្នាំ២០១០ក្រុមហ៊ុន Apple បានចេញជំនាន់ដំបូងនៃ iOS និងចេញកំណែប្រែជំនាន់ថ្មីៗបន្តបន្ទាប់ជាច្រើនដូចជា៖

- iOS 4 ចេញថ្ងៃទី២១ ខែមិថុនា ឆ្នាំ២០១០ ចេញមុន iPhone 4 ចំនួន ៣ថ្ងៃ។
- iOS 4.0.1 ចេញថ្ងៃទី១៥ ខែកក្កដា ឆ្នាំ២០១០ ជាកំណែប្រែថ្មីដើម្បីដោះស្រាយបញ្ហាអង់តែនរបស់ទូរស័ព្ទ iPhone 4។
- iOS 4.1 ចេញថ្ងៃទី៨ ខែកញ្ញា ឆ្នាំ២០១០ ជាកំណែប្រែដើម្បីធ្វើឲ្យថ្មកាន់បានយូរជាងមុន និងបន្ថែម feature ជាច្រើនទៀតដូចជា៖ Game Center, HDR photography (មានលើ iPhone 4 និង 4S), Spell checking និង Ping។
- iOS 4.2.1 ចេញថ្ងៃទី២២ ខែវិច្ឆិកា ឆ្នាំ២០១០ ជាកំណែប្រែដែលអាចដំឡើងលើ iPad បាន។
- iOS 4.2.5 ចេញថ្ងៃទី១០ ខែកុម្ភៈ ឆ្នាំ២០១១ ជាកំណែប្រែសាកល្បងសម្រាប់ iPhone 4 ប្រភេទ CDMA និងក្រោយមកចេញ iOS 4.2.6 ដោយបន្ថែម “Personal Hotspot” នៅក្នុង Setting។
- iOS 4.3 ចេញថ្ងៃទី៩ ខែមិនា ឆ្នាំ ២០១១ ចេញពីរថ្ងៃមុន iPad 2 ដាក់លក់នៅសហរដ្ឋអាមេរិកជាមួយនឹងកំណែប្រែ Nitro JavaScript engine នៅក្នុង Safari, Personal Hotspot សម្រាប់ iPhone 4 ធម្មតា ឬ iPhone ប្រើប្រព័ន្ធ GSM។
- iOS 5.0 ចេញថ្ងៃទី១២ ខែតុលា ឆ្នាំ២០១១ ជាកំណែប្រែដ៏ធំជាងគេបន្ថែមពីលើ iOS ជំនាន់មុនៗដែលមានដូចជា៖ iCloud, Notification Center, iMessage, Reminders, Newsstand និង feature ជាច្រើនទៀតសរុបជាង២០០។
- iOS 5.1 ចេញថ្ងៃទី៧ ខែមិនា ឆ្នាំ២០១២ ជាមួយនឹងកំណែប្រែបន្ថែមភាសាជប៉ុនឲ្យ Siriនិងលុបរូបភាពចេញពី Photo Stream។

ឈ្មោះ Device ប្រើប្រព័ន្ធប្រតិបត្តិការ “iPhone OS” និង “iOS”

- Original iPhone (iPhone OS)
- iPhone 3G (iPhone OS)
- iPhone 3GS (iPhone OS)
- iPhone 4 (iOS)
- iPhone 4S (iOS)
- iPod Touch 1st Generation (iPhone OS)
- iPod Touch 2nd Generation (iOS)
- iPod Touch 3rd Generation (iOS)
- iPod Touch 4th Generation (iOS)
- Original iPad (iOS)
- iPad 2 (iOS)
- The new iPad (iOS)
- Apple TV 1st Generation (iPhone OS)
- Apple TV 2nd Generation (iOS)
- Apple TV 3rd Generation (iOS)

ប្រភព៖ wikipedia
រូបភាព៖ hardwareinsight

ធុញThemeហ្នឹងណាស់ ចង់ប្ដូរថ្មី?

9:11:00 PM leaklifes.blogspot.com No comments

Firefox (Mozilla) ជាBrowser មួយប្រភេទដែលពេញនិយម និងផ្ដល់លក្ខណៈពិសេសដល់បណ្ដាអ្នកប្រើប្រាស់អាចបន្ថែមAdd-Ons បានយ៉ាងសម្បូរបែប ហើយក្នុងនោះក៏មានThemes សម្រាប់សម្រាប់ឲ្យអ្នកប្រើប្រាស់ផ្លាស់ប្ដូរទៅតាមការស្រលាញ់ ពេញចិត្តដែរ។ Theme ដដែលៗ មានអារម្មណ៍ថាធុញទ្រាន់ណាស់មែនទេ?
១.ដំបូងសូមចូលទៅកាន់គេហទំព័រAdd-Ons ដើមរបស់Firefox ដែលមានអាសយដ្ឋានhttps://addons.mozilla.org ។

២.ជំហាន បន្ទាប់សូមចុចលើពាក្យTHEMES។ ក្រោយពីមកដល់Page THEMES ហើយ មិត្តទាំងអស់អាចស្វែងរកTHEME ដែលខ្លួនពេញចិត្ត ឬគ្រាន់តែចុចលើបណ្ដុំTHEMES ណាមួយដែលស្ថិតនៅខាងក្រោមពាក្យCATEGORIES ផ្នែកខាងឆ្វេងក៏បាន។

ប៉ុន្តែក្នុងករណីដែលអ្នក ស្គាល់ឈ្មោះ ឬចំណងជើងប្រហាក់ប្រហែល គ្រាន់តែវាយឈ្មោះក្នុងប្រអប់ស្វែងរកជាការស្រេច

៣. ក្រោយពីជ្រើសរើសTHEME ណាមួយដែលខ្លួនពេញចិត្តហើយ សូមចុចលើប៊ូតុងពណ៌បៃតងដែលសរសេរថា «Add to Firefox»។

៤. រង់ចាំបន្តិច…បន្ទាប់ពីដំណើរការនៃការAdd Theme រួចរាល់ នោះFirefox Broswer នឹងលោតផ្ទាំងមួយទាមទារឲ្យអ្នកRestart ដើម្បីActivate Theme ថ្មីដែលអ្នកទើបតែបានជ្រើសរើសមុននេះ។

5.Restart Firefox to activate the new theme

ក្រោយពីRestart Firefox រួច នោះអ្នកនឹងទទួលបានTheme ថ្មីហើយ។ តោះសាកល្បងមើល…
ប្រភពអត្តបទ : http://news.sabay.com.kh

Windows Phone 7 ប្រកួតជាមួយ ios និង Android

9:05:00 PM leaklifes.blogspot.com No comments

ក្រុមហ៊ុននានាដែលជាអ្នកបង្កើតគ្រឿង Hardware ជាពិសេសគឺនៅក្នុងចំណោម Computer និង Mobile Phone ត្រូវធ្វើអ្វីៗទាំងអស់ឲ្យស្របត្រូវតាម OS ដែលចេញលក់ ដោយក្រុមហ៊ុនមួយចំនួន ដូចតួយ៉ាង MS. Windows ផលិតដោយក្រុមហ៊ុន Microsoft ios ផលិតដោយ Apple និង Android ដោយក្រុមហ៊ុន google ជាដើម ។ កន្លងទៅនេះមានក្រុមហ៊ុនផលិតកុំព្យូទ័រមួយចំនួនបានសាកល្បងយក Linux open souree មកធ្វើជា OS ឲ្យ Laptop និង Mobile Phone ខ្លះៗដែរ តែមិនបានទទួលជោគជ័យឡើយ ពីព្រោះមិនទទួលបានការនិយមពីអ្នកទិញតែ google បានឈានមួយជំហានទៅឆ្ងាយជាងគេគឺ ការយក Linux មកកែ ដោយបានរៀបចំជា Feature មួយចំនួនដែលខ្លួនចង់បាន រួចប្រកាសធ្វើការប្រកួតប្រជែងរកបុគ្គល ឬក្រុមណាមួយដែលអាចបង្កើត OS មួយថ្មីដែលត្រូវបានគេឲ្យឈ្មោះថា Android ។ នៅពេលនេះ Android ទោះបីជាមិនបានចាប់ផ្តើមប្រកួតពីទីដំបូងដូច Windows Mobile និង Apple OS ក្តី ប៉ុន្តែវាបានក្លាយទៅជា OS ដ៏ថ្មីមួយដែលទទួលបានការនិយមយ៉ាងច្រើនពីសំណាក់អ្នកប្រើទូរស័ព្ទរហូតបានឈរយ៉ាងរឹងមាំ អាចប្រកួតជាមួយ Apple និង Microsoft ក្នុងទីផ្សារទូរស័ព្ទចល័ត ដែលជាទីផ្សារមួយមានចំណូលយ៉ាងច្រើនបំផុត ។
ក្រុមហ៊ុនផលិតទូរស័ព្ទល្បីៗ ដូចតួយ៉ាង HTC (តៃវ៉ាន់) ក្រុមហ៊ុន Motorola (អាមេរិក) LG (កូរ៉េ) Samsung (កូរ៉េ) រួមទាំងក្រុមហ៊ុនផលិតទូរស័ព្ទផ្សេងទៀតបានសម្លឹងឃើញ Android ថាជាជំនាន់មួយថ្មីទៀតនៃ OS សម្រាប់ទូរស័ព្ទ ក្រៅពី Windows Mobile, ចំណែក Apple ios វិញគឺពុំបានផ្តល់អាជ្ញាប័ណ្ណឲ្យអ្នកដទៃឡើយ ដូច្នេះ Android និង WM គឺជាគូប្រជែងគ្នា ។
នៅក្នុងនោះក្រុមហ៊ុន Microsoft ដែលជាក្រុមហ៊ុនមួយធ្លាប់មានកិត្យានុភាព និងឧត្តមភាពក្នុងទីផ្សារទូរស័ព្ទចល័តបានកំពុងទទួលរងសម្ពាធយ៉ាងច្រើនពី Android OS របស់ក្រុមហ៊ុន google នៅក្នុងរវាង ២ឆ្នាំចុងក្រោយនេះ ។ សូម្បីក្រុមហ៊ុន HP ដែលបានដាក់បញ្ចូល Windows Mobile 7 សម្រាប់ islate Tablet ដែលជា OS សម្រាប់ Mobile device ថ្មីបំផុតនោះ ក៏បានអល់អែក និងងាកមកធ្វើ OS ដោយខ្លួនឯងវិញដែរ ព្រមជាមួយនឹងការផ្អាកចេញលក់ islate Tablet ដែលត្រូវបានគេយកមកប្រកាសឲ្យដឹងនៅក្នុងពិពណ៌អេឡិចត្រូនិចកាលពីឆ្នាំមុននេះ ។
ក្រុមហ៊ុនផ្សេងៗទៀតហាក់បានងាកមករក Android ជាជំនួសឲ្យការប្រើ Mobile OS របស់ Microsoft នៅពេលនេះ, ម្យ៉ាងវិញទៀតនោះគេនៅមិនទាន់ឃើញ device ណាមួយប្រកាសលក់ មានបញ្ចូល Windows Mobile 7 នៅឡើយទេ មានក្រុមហ៊ុនខ្លះបានបង្ហាញការមិនពេញចិត្តរួចទៅហើយជាមួយ Windows Mobile 7 ទើបចេញថ្មីនេះ ព្រោះគេបានគិតថាវាមិនទាន់សមល្មមតាមអ្វីដែលគេចង់បាននៅឡើយទេ យើងនៅមិនទាន់ដឹងនៅឡើយទេថា តើមាន device ណាមួយនៅក្នុងពេលដ៏ខ្លីខាងមុខនេះ ដែលនឹងចេញលក់មានភ្ជាប់ OS Windows Mobile 7 មកជាមួយ !
អ្នកប្រើ Notebook Tablet Music Player និងទូរស័ព្ទចល័តរមែងសម្លឹងទៅលើទាំងរូបរាងរបស់ Hareware និង software (OS) ព្រមជាមួយ និង Application នានា ដែលអាចឲ្យគេយកមកប្រើការបានជាមួយគ្រឿង Hardware ដែលគេទិញមកនោះ ជួនកាលអ្នកប្រើខ្លះបានទិញគ្រឿង Hardware ណាមួយមកប្រើ ដោយសារតែប្រូក្រាមណាមួយ ដែលគេត្រូវការបំផុត ឬដោយសារតែ Feature ដ៏សំខាន់ណាមួយរបស់គ្រឿង Hardware នោះប៉ុណោះ, តែជាភាគច្រើនគឺបានសម្លឹងទៅរកភាពងាយស្រួលនៃការប្រើ និងមានអ្វីគ្រប់យ៉ាង ដែលគេយល់ថាគួរមាន ។
Android ហាក់បានធ្វើកិច្ចការនេះបានយ៉ាងល្អ អាចនិយាយបានថា គឺជាអ្នកទី២ បន្ទាប់ពី Apple iPhone ios4 ឯចំណែកទី៣ គឺបានទៅលើ WM របស់ក្រុមហ៊ុន Microsoft ។
តាមការអង្កេតទៅលើអ្នកប្រើនាពេលកន្លងមកនេះគេបានរកឃើញថា ភាពងាយស្រួលនៃការប្រើគុណភាព និងចំនួនដ៏ច្រើននៃ software សម្រាប់ប្រើគឺជាកត្តាសំខាន់ជាងគេ ត្រង់នេះហើយដែលបានធ្វើឲ្យ iPhone ក្លាយទៅជាទូរស័ព្ទចល័ត ដែលលក់ដាច់ជាងគេបំផុតក្នុងពិភពលោក ។ តែ ios របស់ Apple បានកម្រិត OS របស់ខ្លួនសម្រាប់តែ Hardware ផលិតដោយក្រុមហ៊ុន Apple តែប៉ុណ្ណោះមិនបានឲ្យអ្នកផ្សេងយកទៅដាក់នៅ Hardware របស់អ្នកដទៃឡើយ នេះគឺជាចំណុចសំខាន់មួយរបស់ Apple ដើម្បីរក្សាទីផ្សារដ៏ល្អរបស់ខ្លួន ។
តាំងពីពេលចាប់ផ្តើមដំបូង, Android បានបង្កើតប្រូក្រាមដែលមានទម្រង់ជា Multiasking រួចជាស្រេច នោះគឺ ការដំណើរការប្រូក្រាមច្រើនក្នុងពេលតែមួយ មិនមែនមួយនៅមុខមួយនៅក្រោយនោះទេ គឺប្រូក្រាមដែលប្រើ អាចដំណើរព្រមគ្នាក្នុងពេលតែមួយ ។ Apple iOS មាន Multiasking service រួចជាស្រេចដែរ តែវាដំណើរការព្រមៗគ្នា រហូតយើងមិនបានដឹងថាមាន Program ច្រើនកំពុងដំណើរការឡើយ ។
តែពេលនេះ Android បានឈរនៅក្នុងលំដាប់មួយដែលអាចធ្វើឲ្យ Apple និង Microsoft ព្រួយបារម្ភដែរ ឯចំណែក WM7 របស់ Microsoft វិញក៏ពុំទាន់មានគោលដៅច្បាស់លាស់ថានឹងត្រូវបានយកទៅធ្វើជា OS សម្រាប់ Smart Phone ឬសម្រាប់គ្រឿងអ្វីផ្សេងទៀត ក៏គ្មានអ្នកណាដឹងនៅឡើយ តែក្នុងពេលនេះ Windows Mobite 7 ហាក់កំពុងឈរតែឯងរង់ចាំរកមើលដៃគូរនៅឡើយទេ ពុំដឹងថា HP, LG, Samsung HTC ឬក្រុមហ៊ុនណាដែលព្រមទទួលយក Windows Mobite 7 សម្រាប់បំពាក់ឲ្យ Hareware របស់ខ្លួន ។
ទោះបីយ៉ាងណាក៏ដោយ Android 2.2 នឹងត្រូវបានក្រុមហ៊ុនជាច្រើនសម្លឹងឃើញថា ជារសជាតិថ្មីមួយទៀតសម្រាប់គ្រាខាងមុខ និងអាចក្លាយទៅជាគោលដៅសម្រាប់គ្រឿង Hardware ផ្សេងៗដូចជា Smart Phone, Tablet Portable Music Player ហើយក៏អាចក្លាយទៅជា OS មួយថ្មីទៀតសម្រាប់ Laptop ក៏ថាបាន ។ Microsoft ក៏បានដឹងពីអនាគតរបស់ Android ដែរ ប៉ុន្តែ Windows Mobite 7 ដែលទើបនឹងចេញថ្មីៗនេះ អាចនិងត្រូវបានប្រើប្រាស់ដោយក្រុមហ៊ុនតែមួយចំនួនប៉ុណ្ណោះ ពីព្រោះក្រុមហ៊ុនច្រើនទៀតបានងាកចេញទៅ Android របស់ google បាត់ទៅហើយ ។
ហេតុផលមួយដែលចាស់ជាងគេនោះគឺ ក្រុមហ៊ុន HP បានផ្អាកមិនចេញលក់ islate (Tablet) របស់ខ្លួន ទោះបីបានប្រកាសជាផ្លូវការហើយក៏ដោយចុះ នេះក៏ព្រោះតែមានប្រការជាច្រើនដែល HP មិនពេញចិត្តជាមួយ WM7 ក្នុងពេលជាមួយគ្នានេះដែរ HP បានទិញយក Palm OS ធ្វើជា Core OS ផ្ទាល់ខ្លួន អាចថានេះគឺជាវិធីមួយ ដើម្បីចៀសវាងការប្រើ ឬពឹងទៅលើ OS បង្កើតទាំងស្រុងទៅលើ OS Windows Mobite ទាំងស្រុងសម្រាប់ Device ទាំងឡាយរបស់ខ្លួន ។
អ្នកខ្លះបានគិតថា WM7 អាចជាដំណោះស្រាយជួយឲ្យ Microsoft អាចឈរជើងក្នុងទីផ្សារ Mobite Device តែនេះគ្រាន់តែជាការយល់ឃើញប៉ុណ្ណោះ ។
យោងតាមការវិភាគជាច្រើនបានរកឃើញថា Apple ios4 នឹងឈរនៅក្នុងលំដាប់ទី១ Android ក្នុងលំដាប់ទី២ ឯ WM7 អាចនឹងស្ថិតក្នុងលំដាប់ទី៣ ។ ពេលនេះការពិតបានបង្ហាញចេញរួចទៅហើយគឺ iPhone 4 ដើរដោយ ios4 Apple លក់ដាច់បំផុត បើទោះបីវាមានបញ្ចូលអង់តែនបន្តិចបន្តួចក្តី Motorola Droid X និងអាចជាទីចាប់អារម្មណ៍ និងកំពុងទទួលបានការសារទរយ៉ាងច្រើន ហើយក៏ជាអ្វីដែលបង្ហាញថា Android គឺជាអ្វីដែលគេចង់បានបន្ទាប់ពី Apple ios4, HTC ឯណោះទៅវិញទេ ដែលបានជួយធ្វើឲ្យ WM6.5 របស់ Microsoft ទទួលបានជោគជ័យជាមួយការកែ UI (User Interface) ឲ្យមានលក្ខណៈយ៉ាងពិសេសជាមួយ HTC HD2 ដែលទទួលបានការនិយមយ៉ាងច្រើនពីអ្នកប្រើ ៕

ការស្ទាបស្ទង់ៈ មហាកំផែងចិន មានប្រវែងរហូត ដល់២១១៩៦ គីឡូម៉ែត្រ

1:01:00 AM leaklifes.blogspot.com No comments

ប៉េកាំង៖ យោងតាមទីភ្នាក់ងារ ព័ត៌មានចិន ស៊ិនហួ បានចេញផ្សាយនៅ ថ្ងៃអង្គារ ទី០៥ ខែ មិថុនា ឆ្នាំ២០១២ នេះថា មហាកំផែង ដ៏អស្ចារ្យរបស់ប្រទេសចិន ដែលមានអាយុកាល តាំងពី ២២០០ឆ្នាំមុននោះ គឺមានប្រវែង រហូតទៅដល់ ២១១៦៩ គីឡូម៉ែតឯណោះ ។ នេះបើតាមលទ្ធ ផលនៃការ ស្ទាបស្ទង់ចុងក្រោយ ដែលចេញដោយ រដ្ឋបាលផ្នែក បេតិកភណ្ឌវប្បធម៌ SACH នៅថ្ងៃអង្គារនេះ ។
ការស្ទាបស្ទង់ផ្នែកបូរាណវត្ថុវិទ្យាមួយ ត្រូវបានចូលរួមដោយ SACH ជាមួយនឹងអតីត ស្ថាប័ន រដ្ឋចិនមួយដែល ស្រាវជ្រាវលើ ផ្នែក ផែនទី តាំងពីឆ្នាំ២០០៧ មកម្ល៉េះ ដោយគេបានរក ឃើញថា មហាកំពែងចិន បានអូសបន្លាយ លើខេត្តប្រមាណជា ១៥, តំបន់ស្វយ័ត្រមួយចំនួន និងទីក្រុង ជា ច្រើនផងដែរ ។ ដោយឡែក វត្ថុបូរាណ ប្រមាណជា ៤៣៧២១ ក៏ត្រូវបានគេរកឃើញ អំឡុង ពេលនៃការស្រាវជ្រាវ នោះដែរ ដូចជា ប្រដាប់ប្រដារការពារ ពេលធ្វើការ, ឧបករណ៍ សម្រួល ដល់ការងារផ្សេងៗ នៅ ក្នុងកំផែង, ព្រមទាំងឧបករណ៍បែកបាក់ មួយចំនួនទៀត ផងដែរ ។ នេះ បើតាមការអះអាង របស់អនុប្រធាន SACH នៅថ្ងៃអង្គារ នេះ ។
គួរបញ្ជាក់ផងដែរថា នេះជាលទ្ធផលចុងក្រោយហើយ ក្រោយពីការសិក្សារយៈពេល ជាង៥ ឆ្នាំមកនេះ ដែលកាលពី ឆ្នាំ២០០៨ គេអាចត្រឹមតែដឹងថា មហាកំផែងនេះ ត្រូវបានកសាង បន្ថែមនៅសម័យកាល របស់រាជការមីង ឆ្នាំ១៣៦៨ ដល់ ១៦៤៤ ដោយ បន្ថែមប្រវែង ប្រមាណ ជា៨៨៥០ គីឡូម៉ែត្រទៀត ។ ចំពោះមហាកំផែង នេះដែរ បានកសាង រួចរាល់រយៈពេល ជាង២២០០ឆ្នាំ មកហើយ ដោយវាត្រូវបានប្រទេស ចិនតាំងពីសម័យនោះ មកប្រើប្រាស់ជាកំផែង ការពារពីការ វាយប្រហាររបស់សត្រូវ ហើយវាត្រូវបានរាជវង្ស ជំនាន់ក្រោយ កសាងបន្ថែម ៕

ដកស្រង់ចេញពី : http://www.dap-news.com/morokatmagazine.html?start=476

Google ដាក់រូប ឧបករណ៍តន្ត្រី អបអរខួបកំណើត ស្ថាបនិកបង្កើត ឧបកណ៍តន្ត្រី អេឡិចត្រូនិច មុនគេបង្អស់

12:34:00 AM leaklifes.blogspot.com No comments

នៅថ្ងៃនេះ លោកអ្នកប្រាកដ ប្លែកភ្នែកជាមួយនឹង គេហទំព័រ Google ដែល មានដាក់រូបភាព ឧបករណ៍ ភ្យាណូ និងឧបករណ៍ថត សម្លេង ដែលពី មុនមក លោកអ្នកមិនដែល បានឃើញរូបភាព ទាំងនេះនោះទេ នៅគេហទំព័រ Google ។
ជាមួយនឹងការដាក់រូបភាពនេះ គឺធ្វើឡើងដើម្បីអបអរសារទខួបកំណើត របស់តន្ត្រីករដ៏ ល្បីល្បាញ លោក Robert Moog ដែលឈានចូលវ័យ ៧៨ឆ្នាំ ដើម្បីរំលឹកដល់កេរ្ត៍ឈ្មោះ របស់លោក ដែលជា វិស្វករជំនាញ ក្នុងការបង្កើត ឧបកណ៍តន្ត្រីអេឡិចត្រូនិច មុនគេបង្អស់ ។
រូបភាពឧបករណ៍ព្យាណូ និងឧបករណ៍ថតសម្លេងនោះ ត្រូវបានគេដាក់នៅ ថ្ងៃពុធ ទី២៣ ខែឧសភា នេះ ។
នៅពេលលោកអ្នកឃើញនូវរូបភាពឧបករណ៍តន្រ្តីភ្យាណូនេះ លោកអាចយក Mouse កុំព្យូទ័រ ឬក៏ប្រើប្រាស់នូវ Keyboad របស់លោកអ្នក ដើម្បីចុច ឧបករណ៍នោះ ឲ្យចេញ ជាសម្លេង ភ្លេងបាន ហើយលោកអ្នកអាច ចុចបើក បិទឧបករណ៍នោះ បានដោយសេរីដូច មានឧបករណ៍ភ្លេងពិតៗ នៅពី មុខលោកអ្នកអីច៊ឹងដែរ ។ ជាមួយគ្នានេះ លោកអ្នក អាចថតសម្លេង និងស្តាប់ សម្លេងដែលលោកអ្នកថតទៀត ។
សូមបញ្ជាក់ថា លោក Robert Moog កើតនៅថ្ងៃទី២៣ ខែឧសភា ឆ្នាំ១៩៣៤ លោកបានទទួល មរណៈភាពនៅថ្ងៃទី២១ ខែសីហា ឆ្នាំ២០០៥ ពោលគឺលោកមានអាយុត្រឹមតែ ៧១ឆ្នាំប៉ុណ្ណោះ។ គិតមកថ្ងៃទី ២៣ ខែឧសភា ឆ្នាំ ២០១២ នេះ គឺជាខួបកំណើតរបស់លោក គម្រប់ ៧៨ឆ្នាំ៕

ដកស្រង់ពី : http://www.dap-news.com/morokatmagazine.html?start=560

ក្រុមហ៊ុន Qool រៀបចំសិក្ខាសាលា ស្ដីពី បច្ចេកវិទ្យាថ្មី របស់ HTC One Series នៅBBU

12:24:00 AM leaklifes.blogspot.com No comments

ភ្នំពេញៈ ក្រុមហ៊ុន Qool ដែលជាក្រុមហ៊ុន នាំចូល និងចែកចាយទូរស័ព្ទ HTC នៅក្នុងទីផ្សារកម្ពុជា កាលពីថ្ងៃទី២១ សីហា ឆ្នាំ២០១២ បានសហការជាមួយ សាកលវិទ្យាល័យបៀលប្រាយ (BBU) រៀបចំ សិក្ខាសាលាមួយ ស្ដីពីបច្ចេកវិទ្យាថ្មី របស់ទូរស័ព្ទ HTC One Series រួមមាន HTC One S និង HTC One V ជាដើម។
សិក្ខាសាលានេះ មានការអញ្ជើញចូលរួមដោយ លោក មាស រ៉េនរិទ្ធ សកលវិទ្យាធិការរង នៃសាកលវិទ្យាល័យបៀលប្រាយ លោក ខ្លូត ពិសិដ្ឋ ប្រធានផ្នែកលក់ក្រុមហ៊ុន Qool ព្រមទាំងនិស្សិត និងសាស្រ្តាចារ្យ នៃសាកលវិទ្យាល័យនេះ ប្រមាណ១០០នាក់។
តំណាងក្រុមហ៊ុន Qool បានបញ្ជាក់ថា សិក្ខាសាលានេះ ធ្វើឡើង ដើម្បីចែក រំលែកនូវចំណេះដឹង បទពិសោធន៍ ព្រមទាំងបច្ចេកវិទ្យាទំនើបៗ ដែលមាននៅ ក្នុងទូរស័ព្ទ HTC One Series ជូន ដល់និស្សិត និងសាស្ដ្រាចារ្យ BBU ទាំងអស់ បានស្វែងយល់កាន់ តែច្បាស់ និងធ្វើតេស្ដិ៍ ដោយផ្ទាល់ មុននឹងសម្រេច ជ្រើសរើសប្រើប្រាស់ ផលិតផលនីមួយៗ ពីព្រោះថា សព្វថ្ងៃនេះ ទូរស័ព្ទដៃ HTC One Series គឺមិនត្រឹមតែ មានការពេញនិយម ពីសំណាក់អ្នកប្រើប្រាស់ជាច្រើន នៅប្រទេសកម្ពុជា នោះទេ ។
តំណាងក្រុមហ៊ុន Qool បានឱ្យដឹងទៀតថា បន្ទាប់ពីសិក្ខាសាលានេះ នៅពេលថ្ងៃត្រង់ ទី២១ សីហា ឆ្នាំ ២០១២នេះ ក្រុមហ៊ុន បានរៀបចំឡើង នូវកម្មវិធីពិសេសៗ ជាច្រើនសំរាប់និស្សិត និងសាស្ដ្រាចារ្យ BBU រហូតដល់ថ្ងៃទី ១៥ សីហា ឆ្នាំ ២០១២ ពេញមួយថ្ងៃតែម្ដង នៅក្នុងនោះ រួមមានដូចជា កម្មវិធីលក់ជាកញ្ចប់ ទៅលើទូរស័ព្ទដៃ HTC One Series ដែលជាមួយនឹង ការជាវទូរស័ព្ទមួយគ្រឿង នៅក្នុង ចំណោមម៉ូដែល ទាំងនេះ នឹងទទួលបាននូវការបន្ថែម កាសស្ដាប់ត្រចៀក Beat Solo (Original) ដ៏ស្រស់ស្អាតមួយ ដែលកម្មវិធីនេះ គឺផ្ដល់ជូនសម្រាប់តែ និស្សិត និងសាស្ដ្រាចារ្យ សាកលវិទ្យាល័យបៀលប្រាយ តែប៉ុណ្ណោះ ៕

ដកស្រង់ចែញពី គេហៈទំព័រ : dap-news.com http://www.dap-news.com/2011-06-14-02-43-39.html?start=21

ទ្រឹស្តីដែលត្រូវតែអាន!

5:24:00 PM leaklifes.blogspot.com No comments

ខាងក្រោមនេះគឺជាទ្រឹស្តី របស់ស្រ្តីខ្លាំងទាំង១០ ក្នុងពិភពពាណិជ្ជកម្ម។ អ្នកទាំងអស់គ្នា ត្រូវតែអាន:

២៥ ហេតុផលចំបងដើមប្បី WordPress សម្រាប់ វិបសាយ និង ប្លក់ របស់អ្នក

6:29:00 AM leaklifes.blogspot.com No comments

Top 25 Reasons To Use WordPress For Your Website-Business & Blog

Versatility Supports Creativity

Top 25 Reasons To Use WordPress For Your Business Website Or Blog

Although WordPress was designed for blogging, it can be used for business websites as well because it is built on PHP/MySQL. To help make sense of the concept, PHP originally was the acronym for “Personal Home Page,” but now stands for “PHP: Hypertext Preprocessor“. PHP is a processing language that is embedded into HTML and interpreted by a web server. MySQL (Structured Query Language) is a relational database management system that runs as a server.
Although PHP and MySQL can be used independently of one another, together than can do what neither can do alone. By combining PHP and MySQL, your website will be able to

អានអត្ថបទពេញ »

Friday, August 10, 2012

អត្ថប្រយោជន៍ទាំង១០នែទឹកក្រូចឆ្មារ

2:14:00 AM leaklifes.blogspot.com No comments

មនុស្សមួយចំនួនបានមើលរំលង នូវគុណប្រយោជន៍របស់តូចតាច ដែលអ្នកទាំងអស់គ្នា ប្រើប្រាស់រៀងរាល់ថ្ងៃ ដូចជាក្រូចឆ្ឆារជាដើម។
តើប្រិយមិត្តទាំងអស់គ្នា មានដឹងអំពីអត្ថប្រយោជន៍ របស់ក្រូចឆ្មារដែររឺទេ?
ថ្ងៃនេះប្រិយមិត្តនឹងបានជ្រាបច្បាស់ពីគុណប្រយោជន៍របស់វា

វាអាច ជួយសំរួល ដល់ការរំលាយអាហារ នៅពេលដែល យើងលាយវាជាមួយនឹងទឹកក្ដៅ

អានអត្ថបទពេញ »

Thursday, July 19, 2012

គន្លឹះដើម្បីបង្កើនសមត្ថភាពខួរក្បាល

12:42:00 AM leaklifes.blogspot.com No comments

នៅពេលអ្នកមានអាយុកាន់តែច្រើនការចងចាំរបស់អ្នកក៏មានការ ធ្លាក់ចុះទៅតាមនោះដែរ ដូចជាមានការភ្លេចភ្លាំងច្រើនជាងមុន។ ដើម្បីបង្កើនសមត្ថភាពចងចាំរបស់ខួរក្បាលឲ្យបានល្អប្រសើរ ការបរិភោគអាហារ និង ធ្វើលំហាត់ប្រាណឲ្យបានត្រឹមត្រូវគឺជាកត្តាសំខាន់បំផុត ។ ខួរក្បាលមានតម្រូវការជាតិខ្លាញ់ជាចាំបាច់ព្រោះថា ៦០ភាគរយ នៃខួរក្បាលគឺផ្សំឡើងពីសារជាតិខ្លាញ់។ សារជាតិខ្លាញ់ដូចជា DHA (DecosaHexaenoic Acid) វាជួយក្នុងដំណើរការរបស់ខួរក្បាលឲ្យបានល្អ ។ បន្ថែមពីការបរិភោគអាហារ

អានអត្ថបទពេញ »

តើរៀនភាសាបរទេសយ៉ាងម៉េចឲ្យឆាប់ចេះ?

12:25:00 AM leaklifes.blogspot.com No comments

ការសិក្សាភាសាបរទេស ពិតជាពេញនិយមយ៉ាងខ្លាំងមិនថាតែនៅប្រទេសកម្ពុជា ឬក៏បណ្តាប្រទេសនៅជុំវិញពិភពលោក។ ទាំងក្មេងទាំងចាស់ នាំគ្នាសង្វាតទៅសិក្សាភាសាទីពីរ ឬទីបីណាដែលខ្លួនគិតថាចាំបាច់ ដើម្បីឲ្យទាន់សម័យកាល និងសម្របតាមតម្រូវការសង្គម។ ការរៀនភាសា ក៏ដូចជារៀនមុខវិជ្ជាផ្សេងៗទៀតផងដែរ គឺទាមទារឲ្យយើងខំប្រឹងយកចិត្តទុកដាក់ និងអនុវត្ត

អានអត្ថបទពេញ »

Wednesday, July 18, 2012

ការពិត ១០យ៉ាងអំពីធាតុកាបូន

11:31:00 PM leaklifes.blogspot.com No comments

ការផ្លាស់ប្តូរពីក្រាហ្វីតទៅជាពេជ្រ

១ កាបូនគឺជាមូលដ្ឋានគ្រឹះនៃសរីរាង្គគីមីដោយសារតែវាកើតមាននៅក្នុងគ្រប់ភាវៈរស់ ។
២ កាបូនជាអលោហៈដែលអាចតភ្ជាប់ជាមួយកាបូនគ្នាឯងបាន និង ភ្ជាប់ជា មួយធាតុផ្សេងៗជាច្រើនទៀតដែលបង្កើតបានជាង ១០ លានសមាសធាតុ ។

អានអត្ថបទពេញ »

តើធ្វើយ៉ាងម៉េចទើបស៊ុតអណ្តែតក្នុងទឹក?

11:14:00 PM leaklifes.blogspot.com No comments

ស៊ុតប្រាកដជាលិចទៅក្នុងទឹកនៅពេលដែលអ្នកដាក់វាទៅក្នុងកែវ ដែលមានទឹកសុទ្ធធម្មតា។ ប៉ុន្តែថ្ងៃនេះ យើង នឹងលើកយកមកនូវវិធីមួយជូនប្រិយមិត្តដើម្បី ពិសោធលេងកម្សាន្ត ឬក៏អាចយកទៅល្បងប្រាជ្ញាជាមួយនឹងមិត្តភក្តិ ឬបងប្អូនបាននោះគឺ វិធីធ្វើឲ្យស៊ុតអណ្តែតក្នុងទឹក ។ វិធីធ្វើ គឺពិតជាងាយស្រួល ហើយឧបករណ៍ក៏ងាយរកផងដែរពីព្រោះវាសុទ្ធ

អានអត្ថបទពេញ »

ហេតុអ្វីបានជាយើងត្រូវការគេងឲ្យបានគ្រប់គ្រាន់នៅពេលយប់?

11:12:00 PM leaklifes.blogspot.com No comments

តើអ្នកមានដែលធ្លាប់ងងុយគេង រឺគេងតែម្តងនៅពេលដែលអ្នកកំពុងតែរៀននៅក្នុងថ្នាក់ ឬក៏កំពុងតែប្រជុំដែរឬទេ? មានមនុស្សមិនតិចទេដែលមានបញ្ហានេះ។ មានការសិក្សាស្រាវជ្រាវជាច្រើនបានតភ្ជាប់ដំណេកមិនគ្រប់គ្រាន់ទៅ នឹងជម្ងឺនានា ដូចជាការបាត់បង់ការចងចាំ និងជម្ងឺលើសទម្ងន់ជាដើម។ តើមានមូលហេតុចំបងអ្វីខ្លះដែល យើងគួរទទួលទានដំណេកឲ្យបានគ្រប់គ្រាន់នោះ?

អានអត្ថបទពេញ »

Tuesday, July 17, 2012

រឿងរ៉ាវ ១៨ យ៉ាងដែលខ្ញុំសង្ឃឹមថាមានគេប្រាប់ខ្ញុំនៅពេលដែលខ្ញុំមានអាយុ១៨ឆ្នាំ

4:21:00 PM leaklifes.blogspot.com No comments

ព្រឹកមិញ នៅ ពេលដែលខ្ញុំកំពុងតែអានសៀវភៅនៅហាងកាហ្វេមួយ មានក្មេងម្នាក់អាយុ១៨ឆ្នាំបានមកអង្គុយជិតខ្ញុំហើយសួរខ្ញុំថា “សៀវភៅនេះវាពិតជាល្អអានណាស់មែនទេបង?” បន្ទាប់មកពួកយើងទាំងពីរនាក់ក៏ចាប់ផ្តើមនូវការសន្ទនារជាមួយគ្នា។

ក្មេងនោះបានប្រាប់ខ្ញុំថា គេបានរៀបចំខ្លួនរួចជាស្រេចដើម្បីបញ្ចប់ថ្នាក់មធ្យមសិក្សា ទុតិយភូមិនៅប៉ុន្មានសប្តាហ៍ខាងមុខនេះ ហើយគេនឹងចាប់ផ្តើមជីវិតរបស់គេក្នុងសាកលវិទ្យាល័យនៅរដូវស្លឹកឈើ

អានអត្ថបទពេញ »

កាត់បន្ថយភាពភ័យខ្លាចលើវេទិកាពេលធ្វើបទបង្ហាញ

4:05:00 PM leaklifes.blogspot.com No comments

ក្នុងការសិក្សា ឬ ការធ្វើការគឺចៀសមិនផុតឡើយពីការធ្វើបទបង្ហាញ។ ដើម្បីធ្វើបទបង្ហាញមួយឲ្យបានល្អ គឺវាទាមទារការរៀបចំ និង ការបង្ហាញយ៉ាងម៉ត់ចត់ហើយទាក់ទាញ។ ហើយកត្តាមួយដែលយើងជួបប្រទះជាញឹកញាប់នោះគឺភាពភ័យខ្លាចនៅលើវេទិកា។ ខាងក្រោមនេះជាគន្លឹះខ្លះៗដែលជួយ ឲ្យអ្នកកាត់បន្ថយភាពភ័យខ្លាចលើវេទិកា ៖

អានអត្ថបទពេញ »

តើផ្លែដូងមានសារៈប្រយោជន៍អ្វីខ្លះនៅក្នុងវេជ្ជសាស្ត្រ?

1:58:00 AM leaklifes.blogspot.com No comments

ប្រទេសកម្ពុជាគឺជាប្រទេសមួយដែលសម្បូរទៅដោយផ្លែដូង ហើយយើងសង្កេតឃើញផ្លែប្រភេទនេះមានស្ទើរតែគ្រប់ទីកន្លែងពាសពេញ ផ្ទៃប្រទេស។ ទឹកដូង សាច់ដូងក៏ជាភេសជ្ជៈនិងអាហារដែលទទួលការពេញនិយមផងដែរពីសំណាក់ ប្រជាជនខ្មែរ។ អ្នកប្រាកដជាដឹងខ្លះៗ ហើយ ពីសារៈប្រយោជន៍របស់វា តែសម្រាប់វិទ្យាសាស្ត្រវិញ តើគេគិតយ៉ាងណាចំពោះផ្លែដូងនេះ? ថ្ងៃនេះ យើងសូមលើកយកអត្ថបទស្តីពីសារៈប្រយោជន៍របស់ដូង

អានអត្ថបទពេញ »