ជួយព្រួយពីរឿងលុយ
បុរសម្នាក់ដែលទើបបញ្ចប់ការសិក្សាផ្នែកគណនេយ្យ
បានដាក់ពាក្យសុំចូលធ្វើការក្នុងក្រុមហ៊ុនតូចមួយ
ដែលបានប្រកាសរើសបុគ្គលិកតាមកាសែត។ នៅថ្ងៃចូលទៅសម្ភាសន៍យុវជននេះបានជួបផ្ទាល់ជាមួយម្ចាស់ក្រុមហ៊ុន ដែលជាអ្នកសម្ភាសន៍ផ្ទាល់តែម្តង :
ម្ចាស់ក្រុមហ៊ុន : ខ្ញុំត្រូវការអ្នកពូកែខាងគណនេយ្យម្នាក់ ដែលអាចជួយរំលែកបញ្ហាលុយកាក់របស់ក្រុមហ៊ុនខ្ញុំ។
អ្នកដាក់ពាក្យ : បញ្ហាគណនេយ្យ! ខ្ញុំអាចដោះស្រាយបានទាំងស្រុង។
ម្ចាស់ក្រុមហ៊ុន : ល្អ! ខ្ញុំមានបំណងផ្ទេរការព្រួយបារម្ភពីរឿងលុយកាក់នេះ ជូនទៅលោកជាអ្នកដោះស្រាយឲ្យខ្ញុំ ដើម្បីឲ្យខ្ញុំបានធូរស្រាលក្នុងចិត្តខ្លះ! បើលោកអាចធ្វើការ ខ្ញុំជូនប្រាក់ខែលោកក្នុង ១ខែ ៧៥០០០ដុល្លារ!
អ្នកដាក់ពាក្យ : យី! លោកប្រាក់ខែនេះច្រើនណាស់សម្រាប់ខ្ញុំ ប៉ុន្តែក្រុមហ៊ុនលោកតូចមួយបែបនេះធ្វើម៉េចអាចផ្តល់ប្រាក់ខែឲ្យ ខ្ញុំបានច្រើនបែបនេះទៅកើតទៅ!
ម្ចាស់ក្រុមហ៊ុន : នេះហើយជាការព្រួយបារម្ភ ដែលខ្ញុំត្រូវផ្ទេរឲ្យលោកជាអ្នកដោះស្រាយ! ព្រោះខ្ញុំបារម្ភរឿងនេះច្រើនជាងគេ បើលោកដោះស្រាយបានជារឿងល្អណាស់!
អ្នកដាក់ពាក្យ : ....????
តើបងជាទីមួយ
ព្រះច័ន្ទចោលរស្មីព្រិចៗឆ្លុះចូលក្នុងទឹកបឹងគួរឲ្យ
គយគន់ លាយឡំជាមួយជំនោររាត្រី
ដែលកំពុងអង្រន់ទងស្មៅឲ្យរេរាំតាមខ្យល់ជំនោរ
អមដោយសម្លេងសត្វបន្ទរតាមឥតដាច់
បង្កើតបានជាសម្រស់រាត្រីមួយយ៉ាងត្រកាល តែទាំងអស់នេះ
វាមិនផ្អែមល្ហែមជាងគូស្នេហ៍ក្មេងខ្ចីមួយគូ
ដែលកំពុងផ្តោះផ្តងស្នេហាគ្នានៅក្រោមដើមឈើធំមួយដើមប្របមាត់បឹង
នោះ។ កម្លោះយើងខំពត់សម្លេងឲ្យទន់សួរទៅស្រីស្នេហ៍សំណប់ចិត្ត :
- បណ្តូលចិត្តបង! បងពិតជាបុរសដែលមានសំណាងបំផុតក្នុងលោកនេះ ដេលមានវាសនាបានរូបកាយអូន...! ឈប់បន្តិច ទើបកម្លោះយើងបន្តទៀត។
- អូនអាចប្រាប់បងបានទេថា តើបងនេះ! ពិតជាបុរសកំពូលស្នេហ៍ទីមួយរបស់អូនមែនៗឬយ៉ាងណា?
ស្រីស្អាតរកបានគគោកក្នុងលោក មិនមែនមានតែមួយ ឆ្លើយដោយសម្លេងទន់ភ្លន់តបវិញ :
- ពិតណាស់! បងសម្លាញ់! បងមិនត្រឹមតែជាកំពូលដួងចិត្តរបស់អូនទីមួយប៉ុណ្ណោះទេ ប៉ុន្តែជាប្រុសដែលអូនស្រឡាញ់គ្មានថ្ងៃណាភ្លេចបានឡើយ! តែអូនមិនយល់សោះថា ហេតុអ្វីបានជាប្រុសៗពេលបាននៅក្បែរអូនចូលចិត្តសួរសំនួរឆ្កួតៗ បែបនេះដាក់អូននោះ! បងដឹងទេ?
ដាក់កណ្តឹងគោក្នុងបាល់
លោកគ្រូប្រចាំសាលាក្មេងពិការភ្នែក
បានរៀបចំនាំយកសិស្សពិការភ្នែកមួយក្រុមដែលមានជំនាញយ៉ាងពិសេសអាច
លែងបាល់ទាត់បានយ៉ាងល្អ ទៅប្រកួតជាមួយសាលារៀនមួយទៀត
នៅក្រៅក្រុង។ នៅតាមផ្លូវធ្វើដំណើរលោកគ្រូបានឲ្យរថយន្តដឹក ក្រុមសិស្សពិការភ្នែកឈប់សម្រាក់នៅទីក្បែរទីវាលក្បែរផ្ទះអ្នកចំការ មួយ។ នៅខណៈក្មេងៗនាំគ្នារត់លេងបាល់លោកគ្រូរូបនោះឆ្លៀតយកពេលជជែក លេងជាមួយអ្នកភូមិរស់នៅទីនោះ ។ អ្នកភូមិម្នាក់បានសួរទៅលោកគ្រូ៖
- លោកគ្រូ! ខ្ញុំមើលទៅកូនសិស្សទាំងនោះ ឃើញដូចជាពួកគេពិការភ្នែករូចចុះពួកគេអាច លេងបាល់បានយ៉ាងម៉េចទៅកើត!
លោកគ្រូរបស់សិស្សិពិការភ្នែកព្យយាមពន្យល់ៈ
- ពីដំបូងខ្ញុំគិតថាវាពិបាកដែរ ប៉ុន្តែរ បន្ទាប់ពីស្រាវជ្រាវសាកល្បងអស់ជាច្រើនលើកច្រើនសារ យើងក៏បានសម្រេចចិត្តបង្កប់កណ្តឹងគោនៅក្នុងបាល់ ដូច្នេះពួកគេដឹងថាបាល់នៅទីណា ក្រោយមកពួកគេក៏អាចលេងបាល់ និងទាត់បានយ៉ាងល្អ!
អ្នកភូមិ
- យីរ! ចំជាឆ្លាត់មែន ចេះរកនឹកឃើញ !
កំពុងតែជជែកគ្នាលេងស្រាប់តែមានអ្នកភូមិម្នាក់ទៀតស្រែកចេញមកតាមបង្អួច៖
-លោកគ្រូ ! លោកគ្រូ! គួរហៅពួកគេ(សិស្ស)ត្រឡប់មកវិញភ្លាមមក!
លោកគ្រូតបវិញៈ
-ទុកឲ្យពួកគេលេងបន្តិចសិនទៅ !
អ្នកភូមិរូបនោះ ឆ្លើយតបវិញទាំងកំហឹងៈ
-បើលោកគ្រូមិនឆាប់ហៅពួកគេត្រឡប់មកវិញទេ មេគោខ្ញុំច្បាស់ជាស្លាប់មិនខាន!
ហេតុអ្វីទៅៈ
អ្នកភូមិ
-ពួកសិស្សទាំងនោះឮកណ្តឹងមេគោខ្ញុំទៅដល់ណាពួកគេទៅដល់នោះដែរ ទាត់មេគោខ្ញុំឡើងទក់សាច់ហើយ .....! ។
តើប្រពន្ធជាអ្នកត្រួតប្តី
មនុស្សគ្រប់គ្នានៅលើផែនដីយើងនេះ
កាលបើកើតមកហើយរមែនតែងស្លាប់ទៅវិញហើយបាន
កើតជាថ្មីនៅឯឋានសួគ៌ ។ មានថ្ងៃមួយនោះព្រះមានបំណងចងដឹងថាតើ
បុរសដែលព្រះបានជប់
ឲ្យកើតជារូបរាងឡើងនោះត្រូវបានប្រពន្ធរបស់ខ្លួនប្រព្រឹត្តល្អ
ជាមួយដែរ ឬអត់ !
ដើម្បីបានយល់ពីរឿងនេះ ព្រះបានបញ្ជាទៅបុរសទាំងអស់ដែលបានមកកើតជាថ្មីនៅឋានសួគ៌ៈ
មើល៎! អ្នកទាំងអស់គ្នា
ខ្ញុំចង់ឲ្យបុរសណាដែលត្រូវប្រពន្ធត្រួតត្រាបាន ឈរមួយជួរ
ឯអ្នកដែលអាចត្រួតប្រពន្ធបាន ឈរមួយជួរ
ដូចបំណងបុរសដែលត្រូវប្រពន្ធត្រួតបានចេញមកឈរមួយជួរមានប្រវែង
រាប់រយគីឡូម៉ែត្រ ឯចំណែកប៉ែកខាងបុរស
ដែលអាចត្រួតប្រពន្ធបានមានតែបុរសម្នាក់គត់នៅក្នុងជួរ ។
ព្រះតូចចិត្តខ្លាំងណាស់
ព្រោះបុរសភាគច្រើននេះតំណាងឲ្យរូបរបស់ព្រះតែបែរជាត្រូវប្រពន្ធ
ត្រួតត្រាបានទៅវិញ
ភ្លាមនោះព្រះបាននិយាយទៅកាន់បុរសដែលត្រូវប្រពន្ធត្រួត ៖
វាជារឿងមួយគួរឲ្យខ្មាស់ជាទីបំផុត
សម្រាប់អ្នកទាំងអស់គ្នាដែលកំពុងរស់ដោយការ ត្រួត ត្រារបស់ប្រពន្ធ
ខ្ញុំសោកស្តាយណាស់ដែលអ្នកទាំងអស់គ្នាបានធ្វើឲ្យខ្ញុំត្រូវអាប់
មុខ មាត់ ដោយសារតែភាពកម្សោយរបស់អ្នកឯង!
ព្រោះអ្នកទាំងអស់
គ្នា តំណាងឲ្យខ្ញុំក្នុងនាមជាព្រះ! ចូរអ្នកមើលចុះ
នោះទើបជាកូនព្រះពិតប្រាកដ
(ព្រះចង្អុលទៅបុរសដែលកំពុងឈរក្នុងជួរតែម្នាក់ឯង
ដែលមិនត្រូវប្រពន្ធត្រួតត្រា) ព្រោះគេមិនបានរស់
ដោយការបញ្ជាឬត្រួតត្រាដោយប្រពន្ធរបស់គេនោះឡើយ!
នេះទើបបានសមជាកូនព្រះពិតៗ....!
បន្ទាប់មកព្រះប្រាប់ទៅបុរសនោះ ៖
ចូលឯងនិយាយប្រាប់អ្នកទាំងនោះចុះ ថាហេតុយ៉ាងណាបានជាឯងអាចត្រួតត្រាប្រពន្ធបាន....និយាយទៅ!
បុរសដែលមិនខ្លាចប្រពន្ធ ឆ្លើយតបទៅព្រះវិញ
ខ្ញុំអត់ដឹងឆ្លើយយ៉ាងណាទេព្រះអង្គ! ខ្ញុំគ្រាន់ទេដឹងថា
ប្រពន្ធខ្ញុំប្រាប់ឲ្យមកឈរក្នុងជួរនេះ!
"ទីប្រឹក្សាជម្លោះ"
បន្ទាប់ពីរៀបការហើយបានចំនួនត្រឹមតែប៉ុន្មានឆ្នាំ
ប៉ុណ្ណោះ ប្តីប្រពន្ធមួយគូរបានសម្រេចចិត្តថា
ត្រូវតែរកអ្នកជួយដោះស្រាយបញ្ហាវិវាទរវាងពួកគេទាំងពីរនាក់
ព្រោះតែការនិយាយមិនចូលខ្ទុងគ្នា ។អត់ទាន់ចប់
"ផ្លែឈើស្លាប់រស់''
មានថ្ងៃមួយបុរសបីនាក់បានជួបគ្នានៅក្នុងព្រៃ
អ្នកទាំងបីសឹងជាអ្នកចូលចិត្តដើរកំសាន្តតាមព្រៃ
ដើម្បីបានឃើញអ្វីៗប្លែកពីអ្វី ដែលមាននៅក្នុងក្រុង ។
បន្ទាប់ពីបានជួបគ្នា បុរសទាំងបីបានព្រមព្រៀងរួមដំណើរជាមួយគ្នា
មិនយូរប៉ុន្មានពួកគេបានជួបជាមួយមនុស្សរស់នៅក្នុងព្រៃមួយក្រុមធំ
ពួកមនុស្សព្រៃទាំងនោះបានវាយឲ្យសន្លប់បុរសទាំងបីរួចនាំយកទៅកាន់
មូលដ្ឋានរបស់ពួកគេ ។បន្ទាប់ពីពួកបុរសទាំងបីដឹងខ្លួនវិញពួកគេបានស្ថិត....ជាស្រេចនៅចំពោះមុខមេកន្ទ្រាញរបស់ពួកមនុស្សព្រៃ ។
ភ្លាមនោះមេកន្ទ្រាញរូបនោះបានប្រាប់បុរសទាំងបី:
- បើពួកអ្នកឯងរៀងៗខ្លួនអាចរកផ្លែឈើបានចំនួន ១០ផ្លែ រួចនាំយកវាត្រឡប់មកវិញនោះជីវិតពួកអ្នកឯងប្រហែលជាអាចនៅរស់ទៅមុខទៀត ។
បន្ទាប់ពីមួយរយះពេលកន្លងទៅ បុរសទីមួយបានត្រឡប់មកមុនគេជាមួយផ្លែក្រសាំងចំនួន ១០ផ្លែ ភ្លាមនោះមេកន្ទ្រាញបានបញ្ជាឲ្យបុរសនោះដាក់ផ្លែក្រសាំងទាំង ១០ ចូលតាមរន្ធគូថដោយមិនឲ្យបង្ហាញទឹកមុខប្លែកពីធម្មតាឡើយ គឺគ្មានយំ ស្រែក ឬសើចអ្វីទាំងអស់ !
ជាដំបូងបុរសទីមួយមានការពិ កបាកខ្លាំងដើម្បីដាក់ក្រសាំងចូលតែវាបានទៅផុតដល់ផ្លែក្រសាំងទី ពីរ បុរសទីមួយនេះទ្រាំមិនបានក៏ស្រែកចេញសំសំដែងនូវការឈឺចាប់ ភ្លាមនោះបុរសនេះត្រូវបានគេយកទៅសម្លាប់ចោល ។
បន្ទាប់ពីនោះបន្តិច បុរសទីពីរបានមកដល់ជាមួយផ្លែពុទ្រាចំនួន ១០ផ្លែ មេកន្ទ្រាញក៏បានបញ្ជារឲ្យបុរសរូបនេះធ្វើដូចបុរសទីមួយដែរ បន្ទាប់ពីផ្លែពុទ្រាដាក់ចូលបាន ៩ផ្លែហើយនោះ ស្រាប់តែបុរសនេះផ្ទុះសំណើចដោយឯកឯងទប់មិនជាប់ បុរសទីពីរក៏មានវាសនាដូចបុរសទីមួយដែរ គឺត្រូវគេយកទៅសម្លាប់ចោល ។
បន្ទាប់ពីត្រូវស្លាប់បុរសទាំងពីររូបបានជួបគ្នានៅឯឋានសួគ៍បុរសទីមួយបានសួរទៅបុរសទីពីរ:
-ហេតុអ្វីបានជាលោកឯងសើច វានៅសល់តែផ្លែពុទ្រាមួយគ្រាប់ទៀតសោះ លោកឯងនឹងត្រូវបានគេលែងទៅហើយ !
បុរសទីពីរតបវិញ
- បើមិនឲ្យខ្ញុំសើចយ៉ាងម៉េច បើពេលដែលខ្ញុំកំពុងតែហៀបដាក់ផ្លែពុទ្រាទី១០នោះចូលទៅហើយ តែជួនជាក្រឡេកឃើញបុរសទី៣ ត្រឡប់មកវិញជាមួយផ្លែម្នាស់ ១០ផ្លែឯណោះនោះ...!!!
"រឹងដូចថ្ម"
ឪពុករបស់ក្មេងប្រុសម្នាក់ទើបត្រឡប់មកពីធ្វើការនិងបានសួរទៅប្រពន្ធរបស់គាត់រក កូនប្រុសតាមទម្លាប់របស់គាត់ : - ម៉ែវា! កូនយើងទៅណាបាត់ហើយ
- វានៅខាងក្រោយផ្ទះឯណោះ! ប្រពន្ធឆ្លើយតបវិញ
មិនបង្អង់យូរគាត់ក៏ដើរទៅខាងក្រោយផ្ទះ ពេលហៀបទៅជិតដល់ក៏ឮសូរសម្លេងដំប៉ូកៗ.....
បុរសជាឪពុកក៏សួរទៅកូន
- កូនឯងម៉េចយកដែកគោលទៅដំលើជញ្ជាំងអីញ្ជឹង?
ក្មេងប្រុសឆ្លើយវិញ
- អត់ទេប៉ា! តាមពិតខ្ញុំបានយកសារធាតុគីមីស្រាវជ្រាវឃើញពីសាលាមកដាក់លើជន្លេន ស្រាប់តែវាក្លាយជារឹងដូចថ្ម ខ្ញុំក៏យកវាទៅដំសាកមើល! គិតមួយសន្ទុះបុរសជាឪពុកប្រាប់ទៅកូនប្រុសគាត់វិញ :
- កូនឯងអាចឲ្យវាមកប៉ាបានទេ ចាំប៉ាទិញឡានវ៉ុលវ៉ាហ្គែនថ្មីឲ្យមួយ!
- ខ្ញុំអាចឲ្យប៉ាបានមិនអីទេ......!
ស្អែកឡើងក្មេងប្រុសរូតរះទៅរោងចតឡានដើម្បីរកមើលឡានថ្មីរបស់វា តែមិនឃើញ បែរជាឃើញបែរស៊ឺដេសមួយថ្មីទៅវិញ វាក៏សួរទៅឪពុករបស់វា :
កូន : ប៉ា! ឯណាឡានខ្ញុំ
ឪពុក : អូ!ឡានកូនឯងនៅខាងមុខឡាននេះ
កូន : ចុះឡានបែរស៊ឺដេសនេះរបស់អ្នកណា?
ឪពុក : អាបែរស៊ឺដេសនេះ ម៉ាក់កូនឯងទើបទិញឲ្យប៉ាជារង្វាន់ណា៎!
(គិតមើលបន្តិចយល់ហើយ)
សំណើច "កម្តៅពីធម្មជាតិ ក្នុងរដូវត្រជាក់"
នៅប្រទេសលោកខាងលិច
គេបានចាត់ទុកថារដូវក្តៅគឺជាពេលវេលាមួយដ៏ស្រស់
ស្រាយបំផុតសម្រាប់ជីវិត
ព្រោះនៅពេលរដូវក្តៅចូលមកដល់ភ្លាមគ្រប់សកម្មភាពទាំងអស់ហាក់ដូចជារស់
រវើកជាងនៅក្នុងរដូវត្រជាក់ដែលមានភាពស្ងាត់ជ្រងំ
សឹងគ្មានមនុស្សដើរនៅតាមដងផ្លូវ។ ដោយសារហេតុផលនៃភាពត្រជាក់ក្នុងរដូវធ្លាក់ព្រិលធ្វើឲ្យពួកគេ ភាគច្រើនស្ថិតនៅ តែក្នុងផ្ទះ អង្គុយមើលទូរទស្សន៍ ព្រោះពុំដឹងថាទៅណា។ អ្នកមានប្រាក់កាសគេចេញ ទៅកម្សាន្តនៅប្រទេសក្រៅដែលមានអាកាសធាតុក្តៅ ដូចជានៅអាស៊ីយើងជាដើម ប៉ុន្តែសម្រាប់អ្នកដែលមិនមានលុយកាក់ ជាប់នៅតែក្នុងផ្ទះ ការមើលទូរទស្សន៍បំបាត់ភាពអផ្សុកបានក្លាយទៅជាទម្លាប់របស់គេទៅហើយ។
ឯក្រុមហ៊ុនដែលផលិតកម្មវិធីសម្រាប់ទូរទស្សន៍ក៏មិនភ្លេចរកវិធី បង្កើតកម្តៅឲ្យអ្នកដែលមិនបានចេញទៅណានោះដែរ មើលចុះសូម្បីតែអ្នកផ្សាយពីព័ត៌មានអាកាសធាតុប្រចាំថ្ងៃ ក៏ខំប្រឹងឆ្លៀតជួយបង្កើនកម្តៅឲ្យដល់អ្នកមើលដែរ បើបានមើលយូរប៉ុន្មានក៏កើនកម្តៅចេញពីក្នុងខ្លួនច្រើនប៉ុននោះ ហើយបើមិនមើលក៏មិនកើតព្រោះជាកម្មវិធីសំខាន់ និយាយប្រាប់ពីអាកាសធាតុដែលពលរដ្ឋនៅលោកខាងលិចចូលចិត្តតាមដានជាងគេ ព្រោះវា "សំខាន់ណាស់" មិនអាចរំលងកម្មវិធីនេះចោលបានឡើយ។
នៅលើអេក្រង់ទូរទស្សន៍បានបង្ហាញថា អាកាសធាតុត្រជាក់ធ្លាក់មកនៅត្រឹម ១៥ ដឺក្រេ តែអ្នកមើលវិញអាចមានកម្តៅភាយចេញពីក្នុងខ្លួនមកខ្ពស់ជាងនេះ ហើយសូមអរគុណផងដែរដល់កម្មវិធីផ្សាយពីអាកាសធាតុដែលបានជួយរកវិធី បង្កើនកម្តៅឲ្យដល់អ្នកមើល ដោយមិនចាំបាច់ចំណាយប្រាក់ទិញម៉ាស៊ីនកម្តៅដាក់ផ្ទះ៕
សំណើច "បើកតាមល្បឿនលេខផ្លូវ"
ប៉ូលិសមួយរូបបានបញ្ឈប់រថយន្តមួយគ្រឿងដែលបើកបរក្នុង
ល្បឿន ២០ Km ក្នុងមួយម៉ោងនៅលើ Highway លេខ ២០។
បន្ទាប់ពីរថយន្តត្រូវបានបញ្ឈប់គាត់ឃើញអ្នកនៅក្នុងរថយន្តសឹងជាម
នុស្សតឿទាំងអស់។ ប៉ូលិស : អ្នកស្រីបើកក្នុងល្បឿនត្រឹមតែ ២០ Km ក្នុងមួយម៉ោងនៅលើផ្លូវ Highway.....!
ស្ត្រីអ្នកបើកបរ : ខ្ញុំបានបើកតាមផ្លាកសញ្ញាយ៉ាងត្រឹមត្រូវ, លោកមើលទៅចុះន៎ោះ (ស្ត្រីអ្នកបើកចង្អុលទៅផ្លាកមួយ) ផ្លាកនោះហើយ !
ប៉ូលិស : មិនមែនទេអ្នកស្រី នោះគឺជាលេខផ្លូវ មិនមែនផ្លាកល្បឿនឲ្យបើកបរទេ ! អ្នកស្រីច្រឡំហើយ !
បន្ទាប់ពីបានសូមទោសភ្នាក់ងារប៉ូលិសរួចស្ត្រីអ្នកបើកបរបាន ចូលក្នុងឡានវិញ តែចៃដន្យប៉ូលិសក្រឡេកមើលទៅអ្នកនៅក្នុងឡានផ្នែកខាងក្រោយ ឃើញពួកគេហាក់ដូចជាភិតភ័យខ្លាំង ប៉ូលិសក៏សួរ :
ប៉ូលិស : ហេតុម៉េច ! បានជាអ្នកទាំងនោះភ័យខ្លាំងម្ល៉េះ?
ស្ត្រីអ្នកបើកបរ : ពួកគេមិនអីទេ លោកប៉ូលិស ! ពួកយើងទើបបើកចេញមកពីផ្លូវលេខ ១៥៥ មុននេះបន្តិច.......
ប៉ូលិស : ...................!!!
"បើថើបខ្ញុំនឹងស្លាប់ភ្លាម"
មានក្មេងប្រុសមួយរូបរស់នៅជាមួយឪពុកម្តាយដែលមានវិន័យ
គ្រួសារយ៉ាងតឹងរឹងបំផុត
ដោយមិនអនុញ្ញាតឲ្យកូនប្រុសនេះជួបជាមួយនារីណាផ្តេសផ្តាសឡើយ
លើកលែងតែមនុស្សនៅក្នុងក្រុមគ្រួសារឬបងប្អូនតែប៉ុណ្ណោះ។
មានថ្ងៃមួយនោះក្មេងប្រុសនេះបានឃើញ
មិត្តភក្តិជិតស្និទ្ធរបស់វាម្នាក់ថើបគ្នាជាមួយស្ត្រីម្នាក់
ឃើញបែបនេះវាបានសួរទៅម្តាយរបស់វា ! ម្តាយរបស់ក្មេងប្រុសនេះបានប្រាប់មកវាវិញថា:
- ការធ្វើបែបនេះគេហៅថា "ថើបគ្នា" ហើយក្មេងប្រុសណាក៏ដោយឲ្យតែធ្វើបែបនេះជាមួយមនុស្សស្រី ប្រុសនោះត្រូវតែស្លាប់ភ្លាមៗ........!!!
មានថ្ងៃមួយនៅក្នុងថ្ងៃបុណ្យខួបកំណើតចូលអាយុ ២១ឆ្នាំ របស់ក្មេងប្រុសនោះ មិត្តភក្តិរបស់វាបានណែនាំឲ្យស្គាល់មិត្តស្រីម្នាក់របស់គេដែលមាន រូបឆោមយ៉ាងស្រស់សោភាមកពីទីក្រុងមួយនៅជិតនោះដែរ។ អ្វីដែលគួរឲ្យអស់សំណើចសម្រាប់ក្មេងស្រីរូបស្អាតនោះគឺនាងបានដឹងថា ក្មេងប្រុសកម្លោះយើងមិនដែលបានថើបនារីណាបានម្តងឡើយ។
មានពេលមួយនាងជាក្មេងស្រីមានឱកាសបាននៅក្បែរក្មេងប្រុសកម្លោះយើងតែពីរនាក់ នាងបានព្យាយាមថើបប្រុសកម្លោះរូបនេះ តែគេបានគេចមុខចេញមិនឲ្យនាងថើបបានឡើយ
ក្មេងស្រីស្អាតសួរ :
- ហេតុអីបានជាមិនឲ្យខ្ញុំថើប ! វាមានឈឺឯណា ! បងឯងខ្លាចមែនទេ?
- ម៉ាក់របស់ខ្ញុំប្រាប់ថា បើខ្ញុំថើបខ្ញុំនឹងស្លាប់ភ្លាមមួយរំពេច ! ក្មេងស្រីនិយាយមកកម្លោះយើងវិញ
- កុំធ្វើដូចកូនក្មេងឥចឹង ! ឥឡូវបងមកថើបខ្ញុំមក ! ថាមិនទាន់ផុតពីមាត់ផងក្មេងស្រីនោះងាកយ៉ាងរហ័សមកថើបប្រុសក ម្លោះយើងដោយមិនឲ្យគេចរួចដូចលើកមុនឡើយ។ តែក្មេងប្រុសបែរជាភិតភ័យ និយាយទាំងញ័រមាត់
- ខ្ញុំពិតជាស្លាប់ហើយ ពុទ្ធោអើយ ខ្ញុំពិតជាស្លាប់ !
- ហេតុអីបងឯងត្រូវស្លាប់ ខ្ញុំមិនយល់សោះនេ៎ !
- នាងដឹងទេគ្រាន់តែនាងថើបខ្ញុំអម្បាញ់មិញ កន្លែងមួយនោះរបស់ខ្ញុំវាឡើងរឹងបាត់ទៅហើយ........ដូចនាងដឹង ស្រាប់មនុស្សស្លាប់តែងរឹងមែនទេ? "សូឡានី"
" នៅតែមិនចេញ! "
លោកតាចំណាស់មួយរូបអាយុ ៧៥ឆ្នាំ
បានមកជួបលោកគ្រូពេទ្យដើម្បីសុំឲ្យគ្រូពេទ្យជួយរាប់មេជីវិត
របស់គាត់,
បន្ទាប់ពីបានពិនិត្យសុខភាពទូទៅជារួមមួយត្រួសរួចមកលោកគ្រូពេទ្យ
បានប្រគល់កូនកែវមួយឲ្យលោកតាយើងដោយប្រាប់ថា : - សូមតាយកកែវនេះទៅផ្ទះរួចយកគំរូទឹកកាមលោកតាដាក់ក្នុងនេះហើយឲ្យខ្ញុំវិញនៅវេលាស្អែក !
ថ្ងៃស្អែកឡើងលោកតាយើងបានត្រឡប់មកជួបលោកគ្រូពេទ្យវិញរួចប្រគល់ កូនកែវនោះឲ្យទៅគ្រូពេទ្យ តែនៅក្នុងកែវនោះ គ្មានអ្វីទាំងអស់គឺទទេដូចកាលពេលយកទៅដែរ។ លោកគ្រូពេទ្យសួរលោកតាយើង :
- ហេតុអីគ្មានអីនៅក្នុងនេះសោះអីចឹង !
លោកតាយើងព្យាយាមពន្យល់លោកគ្រូពេទ្យ :
- តាមពិតទៅ ! លោកគ្រូពេទ្យរឿងគឺវាយ៉ាងនេះ ! ដំបូងខ្ញុំសាកល្បងជាមួយដៃខាងស្តាំតែគ្មានបានការអីទេ រួចមកខ្ញុំសាកជាមួយដៃខាងឆ្វេងទៀតក៏នៅតែមិនបានការដដែល បន្ទាប់មកខ្ញុំឲ្យប្រពន្ធខ្ញុំជួយ.......ប្រពន្ធខ្ញុំប្រើដៃ ខាងឆ្វេងផងដៃខាងស្តាំផងក៏នៅតែគ្មានបានការដដែល អស់តម្រេះខ្ញុំនិងប្រពន្ធខ្ញុំក៏សុំឲ្យអ្នកជិតខាងគេជួយ.....! ព្រោះវាមិនព្រមចេញសោះ?
លោកគ្រូពេទ្យស្រឡាំងកាំងសួរវិញភ្លាម
- លោកតាឲ្យអ្នកជិតខាងជួយ? ស្លាប់ហើយ......!!!
- បាទ ! លោកគ្រូពេទ្យ ! ទោះបីពួកយើងទាំងអស់គ្នាព្យាយាមយ៉ាងណាក៏ដោយក៏វានៅតែមិនចេញដដែល គឺបើកអាគម្របកូនដបនេះអត់បានសោះ!៕ "សូឡានី"
"មកជួបគ្រូពេទ្យ"
បុរសស្ត្រីវ័យចំណាស់មួយគូបានមកជួបលោកគ្រូពេទ្យ! លោកគ្រូពេទ្យបានសួរអ្នកទាំងពីរ:
-តើមានការអីត្រូវឲ្យខ្ញុំពិនិត្យទេ?
បុរសចំណាស់ឆ្លើយទៅគ្រូពេទ្យវិញ
-ទេ! ខ្ញុំទាំងពីរនាក់គ្មានអ្វីត្រូវពិនិត្យទេ តែពួកខ្ញុំចង់ឲ្យលោកគ្រូពេទ្យជួយពិនិត្យមើលពេលពួកខ្ញុំទាំងពីរ រួមរក្សគ្នាផងតើបានទេ!
ជាដំបូងលោកគ្រូពេទ្យហាក់រួញរាដែរ តែទីបំផុតក៏យល់ព្រមឲ្យគូស្នេហ៍វ័យចំណាស់ទាំងពីររួមរក្សគ្នា។ បន្ទាប់ពីអ្វីៗបានចប់សព្វគ្រប់ លោកគ្រូពេទ្យបានសុំថ្លៃសេវាពិនិត្យការរួមរក្សនោះចំនួន 20 ដុល្លារ។
ក្រោយៗមកទៀតគូសេ្នហ៍វ័យចំណាស់តែងតែមកធ្វើបែបនេះជារឿយៗ ធ្វើឲ្យគ្រូពេទ្យមានចម្ងល់ជាខ្លាំងក៏ដាច់ចិត្តសួរ:
-តើលោកមកធ្វើបែបនេះ ចង់ឲ្យខ្ញុំពិនិត្យតាមដានរឿងអីទៅ!
បុរសចំណាស់តបវិញ:
-លោកដឹងទេ! ស្ត្រីខាងណេះនាងរៀបការមានប្តីហើយ ខ្ញុំមិនអាចទៅធ្វើបែបនេះនៅផ្ទះរបស់នាងបានទេ ឯខ្ញុំវិញក៏មានប្រពន្ធដែរ! លោកគិតទៅមើលតើខ្ញុំអាចនាំនាងទៅផ្ទះខ្ញុំបានទេ? គឺមិនបានទេ! ដូច្នេះមានតែទីនេះប៉ុណ្ណោះ.....! បើទៅ Sheraton មួយយប់ត្រូវការ 52 ដុល្លារ ហើយបើទៅ Hilton មួយយប់គេយក 37 ដុល្លារ, ទីនេះលោកយកតែ 20 ដុល្លារ មួយវិញទៀតក្រុមហ៊ុនធានារ៉ាប់រងសុខភាពគេឲ្យខ្ញុំវិញ 18 ដុល្លារ រាល់ពេលខ្ញុំមករកគ្រូពេទ្យឲ្យពិនិត្យ! ខ្ញុំបានចំណេញ លោកក៏បានប្រាក់........!!!មានអីខាត!៕
អាត្រាប្តូរប្រាក់រៀលថ្ងៃនេះ
0 comments:
Post a Comment