មេប៉ិនចាំ
កំលោះ ជាមិត្តរួមការងារពីរនាក់បានជជែកគ្នា។ កំលោះទី១: អាពួកម៉ាក មេយើងមានខួរក្បាលពូកែចាំណាស់វ៉ី ។ ឯងដឹងទេកាលពីឆ្នាំ២០០៨ គ្នាមាន កំហុសពីរដង។ ប៉ុន្តែ ២០១០ ហើយគាត់នៅតែចាំ ម្សិលម៉ិញអង្គប្រជុំដែលឯងមកយឺត គាត់នៅលើកមកនិយាយ ទៀត ។
កំលោះទី២: ពូកែអី មេចាស់របស់គា្នឯណោះវិញ ប៉ិនចាំជាង។ ឯងដឹងទេគ្នាឈប់ពីក្រុមហ៊ុនគាត់៦ ឆ្នាំមកហើយ ឯកន្លែងស្នាក់នៅក៏ដូរ៣ដងទៅទៀត។ ប៉ុន្តែកាលពីការកូនគាត់ មេចាស់គ្នានៅរកគ្នាឃើញ ហើយ ហុចធៀបឱ្យមួយផងវើយ។
មូលហេតុ
សាស្ត្រចារ្យល្បីៗពីររូបជជែកគ្នា:សាស្ត្រចារ្យទី១ : អូយ! ឆ្លងកាត់ការស្រាវជ្រាវច្រើនឆ្នាំណាស់មក ហើយក្រុមអ្នកវិទ្យាសាស្ត្រនៅតែមិន ទាន់រកឃើញពីមូលហេតុធ្វើឱ្យក្បាលទំពែកទៀត។
សាស្ត្រចារ្យទី២: អូ! លោកសាស្ត្រចារ្យច្រឡំទេដឹង? គេរកឃើញមូលហេតុរបស់វាតាំងពីយូរមកហើយ។
សាស្ត្រចារ្យទី១: តាំងពីអង្កាល់ទៅ? ហើយហេតុអ្វី?
សាស្ត្រចារ្យទី២: បាទ! តាំងពីច្រើនរយឆ្នាំកន្លងមកហើយ។ ពោលគឺ ក្រោយពេលសក់ចាស់ជ្រុះ សក់ថ្មី មិនដុះវិញនោះអី!...
ត្រូវផ្គាប់ចិត្តដោយរបៀបណា?
ពីរនាក់ប្តីប្រពន្ធទើបរៀបការថ្មោងថ្មី
បាននាំគ្នាទៅមើលបន្ទប់ផ្ទះក្នុងខុនដូកាលីបមួយ។ ក្រោយពេល
ពិនិត្យចប់សព្វគ្រប់ នាងជាប្រពន្ធនិយាយទៅកាន់អ្នកលក់ថា "
អ្វីៗល្អត្រូវចិត្តពួកយើង។ ប៉ុន្តែទាស់ត្រង់ជញ្ជាំងទ្រង់
ស្តើងពេក។ ពួកយើងខ្លាចអ្នកជិតខាងឮពីអ្វីៗដែលពួកយើងនិយាយ "
អ្នកលក់តប " មិនអីទេ អ្នកនាង។ ខ្ញុំឱ្យជាង
រៀបឥដ្ឋជញ្ជាំងថែមមួយជាន់ទៀត តែរក្សាតម្លៃដដែលជូនបាទ "
បុរសជាប្តីនិយាយ " វិធីហ្នឹងល្អហើយ។ ប៉ុន្តែធ្វើ
អញ្ចឹងពួកខ្ញុំក៏មិនអាចស្តាប់ឮសម្លេងគ្រប់យ៉ាងនៅផ្ទះអ្នកដទៃដែរ
មិនថាអញ្ចឹង "។
ឯងប្រាប់គេទៅមីស្រីនោះនិយាយអីខ្លះ!
ក្បាលព្រលប់ថ្ងៃសុក្រមួយ នារីមាឌឌាំង
និងកាចអស្ចារ្យមា្នក់ ក្រោយពីចម្អិនអាហារ រួចមើលម៉ោង ឃើញថា
ម៉ោង៧យប់ហើយ ប្តីដ៏សំគមរបស់គាត់មិនទាន់មកដល់ផ្ទះ
ដើម្បីហូបបាយជុំគ្រួសារឡើយ។ ក្តៅចិត្តដូចភ្លើង
ស្ត្រីនោះប្រើកូនប្រុស "
អាក្អូនរត់ទៅថ្នល់យកទូរស័ព្ទសាធារណៈតេហៅឪឯងមកហូបបាយលឿន
ម៉ាក់ចាំផ្លូវ"។ក្រោយពីទៅបាត់មួយសន្ទុះកូនប្រុសរត់ត្រហេបត្រហបមកប្រាប់ម៉ែ " ម៉ែៗ កូនតេទៅ៥-៦ដង តែមាន ស្រីម្នាក់ឆ្លើយរហូត..." កូននិយាយមិនទាន់ចប់ ម្តាយគំហក " បានហើយ! ទៅមើលទូរទស្សន៍ទៅ "។ ប្រមាណជា១៥នាទី ក្រោយមកប្តីសំគមមកដល់ទើបចុះផុតពីឡានភ្លាម គាត់ក៏ត្រូវប្រពន្ធដាល់តប់ផាំងៗ រកគេចមិនទាន់ ដោយ មិនបានត្រៀមមុន ណាមួយមាឌតូច បុរសនោះក៏ប្រះខ្លួនលើទីធ្លាស្រែកដូចក្មេងហៅគេឯងជួយ។
ញាតិជិតខាងឈូរឆមកជួយ ស្ត្រីជាប្រពន្ធខឹងណាស់ ស្រែកដាក់កូនថា " អាក្អូន ប្រាប់អ៊ំៗទៅ មីស្រីនោះ ថាម៉េចខ្លះ! " កូនតប " ម៉ែៗ ស្រីនោះនិយាយថា លេខដែលលោកអ្នកហៅមិនអាចទទួលការហៅចូលបានទេ "។
ពីរនាក់ដណ្តើមគ្នាដេកកណ្តាល
វេលាថ្ងៃអាទិត្យមួយ
បុរសជាប្តីចូលចិត្តមើលការប្រដាល់គុនខ្មែរផ្សាយផ្ទាល់តាម
ទូរទស្សន៍ ឯនាង
ប្រពន្ធក៏ចង់មើលការប្រគំតន្ត្រីផ្សាយតាមទូរទស្សន៍ដែរ។
ពួកគេទាស់ទែងគ្នា ព្រោះដណ្តើមទូរទស្សន៍ ហើយ
លទ្ធផលគឺមិនឈ្នះមិនចាញ់។ ដល់យប់រៀបចូលដំណេក ប្តីនឹកឃើញក៏និយាយទន់ភ្លន់មកកាន់នាងជាប្រពន្ធៈ
ប្តីៈ សូមទោសអូន! បងបានគិតឃើញហើយ...
ប្រពន្ធៈ អូ! ឈប់និយាយទៅ អូនក៏បម្រុងនឹងសូមទោសបងដែរ។
ប្តីៈ ទេ! អូនគ្មានកំហុស គ្រប់យ៉ាងមកពីបងឆេវឆាវពេកទេ។
ប្រពន្ធៈ មិនពិតទេ! រឿងកាលពីល្ងាចមកពីអូនទេ!
ប្តីៈ បងថា គឺបងទេខុសនោះ!
ប្រពន្ធៈ ហេតុអី! បងនៅតែមានៈទៀត? រឹងអី រឹងយ៉ាងហ្នឹងនោះ?
ប្តីៈ នាងឯងបិទមាត់បាន ឬអត់!...
អ៊ំយកទៅឱ្យខ្លួនឯង
ពេលព្រលប់ឮសូរគោះទ្វារតុកៗ ម្ចាស់ផ្ទះបើកទ្វារឃើញកុមារីវ័យ
៨-៩ឆ្នាំ ដែលជាកូនអ្នកនៅក្បែរខាង។ ម្ចាស់ផ្ទះសួរ: ម្ចាស់ផ្ទះ: នាងតូច! កូនមករកអីដែរ?
នាងតូចៈ ចាស លោកអ៊ំ លោកពុកឱ្យកូនមកខ្ចីប្រដាប់បើកគម្របដបស្រាបារាំង ។
ម្ចាស់ផ្ទះ: អូ មិនអីទេ! កូនទៅវិញប្រាប់ពុកទុកកន្លែងមួយផង អ៊ំយកទៅឱ្យដោយខ្លួនឯង។
ខ្ញុំមិនបង្ខំឯងផឹកទេ
នាយ ធា និងនាយ រឿន ជាក្លើម្រាក់។
ទាំងពីរនាក់នេះសុទ្ធតែអាចម៍ក្តាប់ដូចគ្នា ហើយវេលាថ្ងៃមួយ
គេនាំគ្នាទៅផឹកស្រាបៀនៅហាងរបស់នាងឃុន។ ខណៈទៅជិតដល់ហាង នាយ ធា
អេះអុញអត់ព្រមចូល នាយ រឿនសួរ: នាយរឿនៈ អាធា! ចុះថី បានជាឯងអត់ចង់ចូល?
នាយធាៈ អារឿន! គ្នាយកប្រាក់មកមិនគ្រប់ទេវ៉ី?
នាយរឿនៈ កុំភ័យអាពួកម៉ាក រឿងប្រាក់ទុកគ្នាចេញចំណែកគ្នា ឯឯងគ្នាមិនបង្ខំផឹកទេ អញ្ចឹងមាន អីត្រូវបង់លុយមែនអត់?
ពាក្យសម្តីគ្រូទាយ
គ្រូទាយបានមើលបាតដៃបុរសម្នាក់ រួចរាល់ក៏និយាយទៅកាន់បុរសនោះ : គ្រូទាយៈ ពាក់កណ្តាលដំបូងនៃជីវិតលោក ពិតជាយ៉ាប់យ៉ឺនណាស់ខ្វះខាតប្រាក់កាស ហើយក្រោយមក ទ្រង់គ្រាន់បើបន្តិចវិញ។
បុរសៈ ពិតឬ? គឺដោយសារខ្ញុំរកបានប្រាក់ច្រើនវិញមែនទេ?
គ្រូទាយៈ អូ! មិនអញ្ចឹងទេ គឺមកពីលោកទម្លាប់ខ្លួនបាននឹងភាពខ្វះខាតនោះ។
ពីព្រោះពួកគេរត់ចោលអស់
ពេទ្យធ្មេញនិយាយទៅកាន់ម្តាយរបស់ក្មេងប្រុសម្នាក់ៈ គ្រូពេទ្យៈ អ្នកស្រីខ្ញុំមិនចង់និយាយទេ! តែខ្ញុំត្រូវបង្ខំចិត្តសុំថ្លៃដកឆ្មេញអ្នកប្រុសតូចរបស់អ្នកស្រី គឺ ៥០ដុល្លារ។
ស្រីជាម្តាយៈ ស្អីគេ! អង្កាល់ចូលមកដកធ្មេញឱ្យវា ខ្ញុំសួរលោកថា ដកធ្មេញមួយតែ១០ដុលា្លរទេតើ?
គ្រូពេទ្យៈ បាទត្រូវហើយ គឺដកធ្មេញមួយ១០ដុល្លារ។ តែដោយសារអ្នកប្រុសស្រែកសម្បើមពេក អ្នកជម្ងឺ៤នាក់ ដែលនៅក្នុងបន្ទប់ភ្ញៀវចាំខ្ញុំរត់អស់ហើយបាទ ។
ត្រូវទៅមុន
អ្នកសរសេរកម្មវិធី Computer ពីររូបជជែកគ្នាពីនេះ ពីនោះ ពាក់ព័ន្ធមុខរបរតាមសម្មាអាជីវោ ។ បុរសទីមួយៈ អាពួកម៉ាកដឹងទេ គ្នាចង់តែស្លាប់មុនប្រពន្ធគ្នាទេវើយ!
បុរសទីពីរៈ ស្អីគេអានេះ ឯងស្រឡាញ់ប្រពន្ធដល់ថ្នាក់មិនអាចរស់នៅដោយគ្មាននាងបានឬ? បានជា ចង់ស្លាប់មុននាង។
បុរសទីមួយៈ ទេ! តែបើនាងឡើងឋានលើមុន ក្រែងនាងបូបាច់អ្វីៗរបស់គ្នាចំពោះមុខព្រះ ។ គ្នាត្រូវ ទៅមុននាង នឹងអាលលុបឱ្យអស់ Data ផ្សេងៗពាក់ព័ន្ធដល់គ្នាចោលឱ្យអស់ ។
សុបិនល្អ
បុរសពីរនាក់កំពុងជជែកគ្នាលេងនៅបៀរហ្គាដិនមួយ ។ កុសលបានរៀបរាប់ពីសុបិនល្អរបស់ខ្លួន ឱ្យដារារ័ត្នស្តាប់ៈ កុសលៈ គ្នាយល់សប្តិឃើញថា បានទៅស្ទូចត្រីនៅបឹងដ៏ធំ និងស្អាតមួយ ។ អូ ទិដ្ឋភាពក្នុងសុបិន នោះល្អស្អាតណាស់ ។
ដារារ័ត្នៈ យប់មិញខ្ញុំក៏មានសុបិនល្អមួយដែរ ។ ខ្ញុំយល់សប្តិឃើញថា ខ្ញុំបានរួមស្នេហានឹងនារីរូប ល្អពីរនាក់ក្នុងពេលតែមួយ ។
កុសលបើកភ្នែកធំៗសួរវិញៈ
កុសលៈ រួមស្នេហានឹងស្រីពីរនាក់ក្នុងពេលតែមួយ? ហេតុអីឯងមិនហៅខ្ញុំ ចែកខ្ញុំម្នាក់ផង?
ដារារ័ត្នៈ មានហៅឯងដែរតើ! តែសង្សារឯងប្រាប់ខ្ញុំថា ឯងចេញទៅស្ទូចត្រីបាត់ហើយ ។
ចំណុចចាប់ចិត្ត
ក្នុងសវនាការជម្រះក្តីសុំលែងលះគ្នាមួយ ។ ចៅក្រមសួរទៅស្ត្រីដើមបណ្តឹងៈ -គ្រាមុន ពេលអ្នកស្រីឯកភាពរៀបការនឹងបុរសនោះ ប្រាកដណាស់បុរសនោះមានចំណុចចាប់ ចិត្តណាមួយជាពុំខានមែនទេ?
-ចា៎ស! ជម្រាបប្រសាសន៍តុលាការ ពិតជាចំណុចចាប់ចិត្តមែន ។ ប៉ុន្តែចំណុចនោះ ត្រូវបានយើង ចាយវាដល់សន្លឹកចុងក្រោយហើយ ។
0 comments:
Post a Comment