សារពេលទូរស័ព្ទបិទ
មីង លុន ជាស្រីមេម៉ាងយូរមកហើយ
គាត់រស់នៅតែជាមួយកូនស្រីគាត់ ឈ្នោះផល្លា ។
ការរស់នៅរបស់អ្នកស្រុកស្រែស្ងប់ស្ងាត់ នឹងពួកគាត់ពិបាកនឹងទទួលយក
នៅបច្ចេកវិទ្យាថ្មី នឹង ជីវិតហឺហាណាស់!មីងលុន បានទិញទូរស័ព្ទមួយទុកគ្រាន់ទាក់ទងជាមួយកូនស្រីគាត់ ។ ថ្ងៃមួយនាងផល្លាបានមកធ្វើការនៅភ្នំពេញ ពេលនោះទូរស័ព្ទរបស់នាងបានបិទ ។ មីងលុន បានទូរស័ព្ទទៅប្រាប់កូនស្រីគាត់ឲ្យទិញត្រីខ្លះឲ្យគាត់ពេលគាត់ ទូរស័ព្ទគាត់បានលឺមានមនុស្សស្រីឆ្លើយមកគាត់វិញថា:
សំលេងក្នុងទូរស័ព្ទ: ទូរស័ព្ទដែលោកអ្នកកំពុងហៅមិនដំណើរការទេនៅពេលនេះ សូមហៅម្តងទៀតនៅពេលក្រោយ!
មីងលុន:(ឆ្លើយកាត់ភ្លាម) អើរ!! មីនាងចាំជួយប្រាប់ ផល្លា កូនស្រីមីងផងថា ពេលវាមកវិញទិញត្រីឲ្យមីង ២-៣ គីឡូផង!
ពេលនាងផល្លាត្រលប់មកវិញគាត់បានសួរ។
មីងលុន: ឯណាត្រីម៉ែឲ្យទិញ?
ផល្លា: ម៉ែប្រាប់ខ្ញុំពីពេលណា?
មីងលុន: ម៉ែផ្តាំតាមមីនាងដែលលើកទទួលស័ទ្ទឯងនោះអី!!!
ផល្លា:?????
ទុកពេលឱ្យពិចារណា
បុរសកំណាញ់ស្វិតម្នាក់សួរប្រពន្ធ ៖-នៅតែ២ថ្ងៃទៀតដល់ថ្ងៃខួបកំណើតអូនហើយ, អូនចង់ឱ្យបងជូនកាដូអី?
-ខ្ញុំក៏មិនដឹងដែរ ។
-អ៊ីចឹងបងទុកពេលឱ្យអូនពិចារណាមួយឆ្នាំទៀតចុះ ។
ដូរប្រពន្ធយកឡាន
ថ្ងៃមួយប្រពន្ធសួរប្តីថាៈ
បងសម្លាញ់ ព្រឹកមិញខ្ញុំអានកាសែតឃើញនិយាយថានៅអឺរ៉ុបមានគេដូរប្រពន្ធយកសេះ។ប្រសិនបើបងវិញ បងធ្វើអញ្ជឹងដែរទេ?
ប្តីឆ្លើយថាៈ បើបងវិញមិនធ្វើអញ្ជឹងទេ វាមិនសមសោះ! ព្រោះថាសេះវាមិនសូវជាមានតំលៃអ្វីទេ បងមិនធ្វើអញ្ជឹងជាដាច់ខាត ក្រែងតែដូរជាមួយឡាន...ទើបបងព្រម។
សួរព្រះជាម្ចាស់
បុរស : សួរទៅព្រះជាម្ចាស់ថា ព្រះអង្គ ហេតុអ្វីបានជាព្រះអង្គបង្កើតមនុស្សស្រ្តីមានសម្រសស្រស់ស្អាតម្លេះ ?ព្រះជាម្ចាស់ : ដូច្នេះ អ្នកនិងស្រលាញ់នាង
បុរស : ប៉ុន្តែព្រះអង្គ ហេតុអ្វីព្រះអង្គ បង្កើតនាងមកមិនចេះនិយាយ
ព្រះជាម្ចាស់ : ដូច្នេះ នាងនិងស្រលាញ់អ្នក
ខ្ញុំចង់ដូរលុយដុំយកលុយរាយ
បុរសពីរនាក់ដើរជួបគ្នាត្រង់កំណាត់ផ្លូវងងឹត
។
បុរសម្នាក់ហូតកាំបិតស្នៀតពីចង្កេះ ស្រែកគំរាម ៖
-យកលុយទាំងអស់ចេញមក!
បុរសម្នាក់ទៀតហូតកាំភ្លើងខ្លីចេញពីចង្កេះដែរ ៖
-ឯងចង់ធ្វើអី?
-អូ, ខ្ញុំចង់ដូរលុយដុំយកលុយរាយ បាទ។
ខ្ញុំចូលចិត្តនូវអ្វីដែលអ្នកកំពុងគិត
អ្នកគ្រូបង្រៀន
បានសួរទៅសិស្សនៅក្នុងថ្នាក់ (ប្រសិនបើមានសត្វស្លាប ៥ កំពុងឈរលើរបង ហើយអ្នកបាញ់ ១ក្នុងចំណោមទាំងនោះ
តើសត្វស្លាបចំនួនប៉ុន្មាននិងហើរចេញ
?) អ្នកគ្រូក៏ហៅក្មេងតូច សុផាសួរ
ក្មេងតូច : (ទេ សត្វទាំងនោះនិងហើរ ជាមួយនិងសំលេងបាញ់ដំបូងបំផុត)
អ្នកគ្រូ : ឆ្លើយថា ចំលើយដែលត្រឹមត្រូវនោះគឺ ៤ ប៉ុន្តែខ្ញុំចូលចិត្តនូវអ្វីដែលអ្នកកំពុងគិត ក្មេងតូច : ចឹងខ្ញុំមានសំណួរមួយសួរអ្នកគ្រូ (មានស្ត្រី ៣នាក់កំពុងអង្គុយលើជើងម៉ា កំពុងញុំាការ៉េម ១ លិតការ៉េមគ្រប់កន្លែងទាំងអស់យ៉ាងផ្ចិតផ្ចង់ ២ បឺទជញ្ជក់អោនងើបៗ នៅខាងចុង ហើយទី ៣ ញុំាខាងចុងនៃការ៉េម) តើស្ត្រីមួយណាដែលរៀបការហើយ ? អ្នកគ្រូមុខឡើងក្រហមហើយឆ្លើយថា : អ្នកគ្រូគិតថា ស្ត្រីទី២
ក្មេងតូច : ចំលើយដែលត្រឹមត្រូវគឺស្ត្រីដែលពាក់ជញ្ជៀនរៀបការ ប៉ុន្តែខ្ញុំចូលចិត្តនូវអ្វីដែលអ្នកកំពុងគិត
បុរសកំលោះ នឹង ចិញ្ចៀន
មានបុរសកំលោះម្នាក់បានទិញចិញ្ចៀនពេជ្យ មួយវង់ឲ្យសង្សាររបស់គាត់ ដើម្បីជាការបញ្ចាំចិត្ត ពេលនោះជាងទងបានសួរកំលោះ:ជាងទង: តើលោកចង់ឆ្លាក់ ឈ្នោះនាងលើចិញ្ចៀននេះទេ?
បុរសសញ្ជឹងគិតមួយសន្ទុះ រួចក៏ឆ្លើយទៅវិញ
កំលោះ: មិនបាច់ឆ្លាក់ឈ្នោះនាងក៏បានដែរ ប៉ុន្តែគ្រាន់តែឆ្លាក់ថា ‹ដើម្បីនារីដែលខ្ញុំស្រលាញ់តែម្នាក់គត់› ដើម្បីជាការងាយស្រួលនៅពេលដែលនាងខឹងខ្ញុំ នាងនឹងបោះចិញ្ចៀននេះមកឲ្យខ្ញុំវិញ ដូច្នេះខ្ញុំអាចប្រើវាម្តងទៀតបាន ។
ជាងទង: លោកពិតជាគិតបានវែងឆ្ញាយមែន!
សំណួរចម្លើយខ្លីៗ ៣
សំណួរ: តើក្របី នឹង មនុស្សខុសគ្នាត្រង់ណា?ចម្លើយ: ខុសគ្នាត្រង់មនុស្សកើតមកមានអាច៍ក្របីលើក្បាល តែក្របីកើតមកអត់មានអាច៍មនុស្ស លើក្បាល ។
សំណួរ: ពីទីនេះទៅឋានព្រៈច័ន្ទ និង ពីទីនេះទៅ សហរដ្ឋអាមេរិច តើមួយណាឆ្ងាយជាង?
ចម្លើយ: ពីទីនេះទៅសហរដ្ឋអាមេរិចឆ្ងាយជាង ព្រោះថា ពីទីនេះទៅឋានព្រៈច័ន្ទ យើងមើលឃើញព្រះច័ន្ទ ប៉ុន្តែ ពីទីនេះទៅ សហរដ្ឋអាមេរិច យើងមើលមិនឃើញសហរដ្ឋអាមេរិចទេ ។
សំណួរ: តើចំងាយពីកំពង់សោម ទៅភ្នំពេញ ស្នើចំងាយពីណាទៅណា?
ចម្លើយ: គឺស្នើ ពីភ្នំពេញ ទៅ កំពង់សោម ។
មានគេលួចតង់!
លោកបណ្ឌិតសុក នឹងលោកបណ្ឌិតព្រូច
បានទៅលំហែកាយនៅខាងក្រៅ ។ ពួកគេបានបោះតង់នៅក្រោម ដួងតារារយលាន
ហើយបាននាំគ្នាសំរាកយ៉ាងស្កប់ស្កល់ ។ នៅវេលាពាក់កណ្តាលអាធ្រាត
លោកបណ្ឌិតសុកបានដាស់លោកបណ្ឌិតព្រូច ឲ្យភ្ញាក់ ហើយនិយាយថា:លោកបណ្ឌិតសុក: លោកបណ្ឌិត សូមលោកមើលទៅតារាទាំងនោះ ហើយប្រាប់ខ្ញុំតើលោកបានឃើញអ្វីខ្លះ?
លោកបណ្ឌិតព្រូច: ខ្ញុំបានឃើញដួងតារារាប់រយលានសែន ពាសពេញលំហ
លោកបណ្ឌិតសុក: តើលោកយល់យ៉ាងដូចម្តេចបានឃើញហ្វូងតារា?
លោកបណ្ឌិតព្រូច: ប្រសិនបើមានដួងតារារាប់រយលាន ដូច្នេះមានន័យប្រហែលក្នុងចំនោមនោះបានភពខ្លះដូចភពផែនដីយើងហើយ បើដូច្នេះមែនក៏បានន័យថាក៏មានជីវិតរស់នៅលើភពទាំងនោះផងដែរ ។
លោកបណ្ឌិតសុក: លោកឯងចោលម្សៀតណាស់, គឺមានន័យថាមានគេលួចយកតង់របស់យើងអស់ហើយ!
លោកបណ្ឌិតព្រូច: អើ មែនវី!!!!!!
សុំខ្ចីឆ្កែកាច
ថ្ងៃនេះប្រលឹមស្រាងៗ ពូសៀងចេញមកឈរមុខផ្ទះ
គាត់បានសង្កេតឃើញ ឡានហុងដាស្រកានាគ (ឡានដឹកសព) ពីរបើកយឺតៗ
ជាធម្មតាគាត់ឃើញមានតែមួយទេ ដែលឡានមួយបើកពីមុខ
នឹងឡានមួយទៀតបើកជាប់ពីក្រោយ បន្ទាប់មកមានមនុស្សប្រុស ស្លៀកពាក់សម្នាក់ដើរពីក្រោយដោយដឹកឆ្កែមួយ ហើយនៅពីក្រោយនឹងទៀត ពូសៀងឃើញសុទ្ធតែមនុស្សប្រុសប្រហែល ២០០នាក់ដើរតែមួយជួរយ៉ាងវែង គាត់ឆ្ងល់ណាស់គាត់បានដើរសរសៀរទៅជិត
បុរស ដឹកឆ្កែហើយសួរ:
ពូសៀង: តើឡានទីមួយដឹកសពអ្នកណាគេ លោកប្អូន?
បុរស: គឺប្រពន្ធរបស់ខ្ញុំ
ពូសៀង: ខ្ញុំសុំចូលរួមរំលែកទុក្ខផង, តើហេតុអីបានគាត់ស្លាប់?
បុរស: គឺឆ្កែរបស់ខ្ញុំខាំ នាងរហូតដល់ស្លាប់
ពូសៀង: ចុះឡានមួយទៀតដឹកសពរបស់អ្នកណាដែរ?
បុរស: គឺម៉ែក្មេករបស់ខ្ញុំ គាត់ក៏ត្រូវឆ្កែរបស់ខ្ញុំខាំដែរ
ពូសៀង មានចំណាប់អារម្មណ៏នឹងឆ្កែ ហើយគាត់សួរបុរសនោះទៀតថា:
ពូសៀង: តើខ្ញុំអាចខ្ញីឆ្កែរបស់ប្អូន ពីរ បី ថ្ងៃបានដែរទេលោកប្អូន?
បុរស: មិនអីទេបង តែបងចូលឈរក្នុងជួរនឹងគេសិនទៅ!
ពូសៀង: អ៎ៗៗៗ!!!!!!
លក់ប្រពន្ធ
បុរសប្រមឹកម្នាក់បានដើរទៅក្នុងបារមួយទាំងអាការ:យំ, មានបុរសម្នាក់ទៀតនៅក្នុងហាងបានសួរគាត់ថា មានរឿងអី?បុរសប្រមឹក: ខ្ញុំ បានធ្វើរឿងគួរឲ្យខ្លាចមួយ! (គាត់លើកដបស្រាឡើងហើយផឹកមួយក្អឹក ហើយនិយាយបន្ត) កាលពីមុននេះ ខ្ញុំបានលក់ប្រពន្ធរបស់ខ្ញុំ ដូរយកស្រា Southern Comfort!
បុរសក្នុងហាង: អាក្រក់ណាស់ ហើយឥឡូវនាង ចង់ឲ្យលោកយកនាងត្រលប់មកវិញមែនទេ?
បុរសប្រមឹក: ត្រូវហើយ (បុរសប្រមឹកឆ្លើយទាំងយំ)
បុរសក្នុងហាង: អ្នកសោកស្តាយ ដែលអ្នកបានលក់នាង ពីព្រោះថាអ្នកជាមនុស្សប្រកដប្រជា, ហើយលោកនៅតែស្រលាញ់នាង មែនទេ?
បុរសប្រមឹក: អូ! អត់ទេ, ខ្ញុំចង់បាននាងមកវិញ ព្រោះថាឥឡូវខ្ញុំឃ្លានស្រាម្តងទៀត!
បុរសក្នុងហាង:!!!!!!!!!
ភាពខុសគ្នារវាងប្រូក្រាម Boyfriend 5.0 and Husband 1.0
កាលពីឆ្នាំមុន នាងខ្ញុំបាន Upgraded from Boyfriend 5.0 ទៅHusband 1.0 តាំងតែពីពេលដែលនាងខ្ញុំបានប្ដូរមកប្រើប្រូក្រាមថ្មីនេះមក នាងខ្ញុំសង្កេតឃើញថា
មានបញ្ហាជាច្រើនបានកើតឡើង ព្រោះវាប្រើមិនស្រួលដូចប្រូក្រាមមុនសោះ, ជាពិសេសវាបានប្ដូរ
របៀបគ្រប់គ្រងគណនេយ្យទាំងស្រុង ដូចជា កំហិតទៅលើការទទួលបានផ្កាកូឡាប កំហិតទៅលើ
ការទទួលបានគ្រឿងអលង្កា និងលុយកាក់សម្រាប់ការចាយវាយ ក៏ត្រូវបានកំហិត, ជាមួយប្រូក្រាម
មុន Boyfriend 5.0 នាងខ្ញុំមិនដែលមានបញ្ហាបែបនេះសោះ វាដំណើរការយ៉ាងល្អបំផុត ។
ជាបន្ថែម, ប្រូក្រាម Husband 1.0 វាបានដកចេញប្រូក្រាមមួយចំនួនផ្សេងទៀតដូចជា Romance 9.9
រួចវាដាក់ប្រូក្រាមផ្សេងដែលនាងខ្ញុំមិនត្រូវការ ដូចជា Never Stay Home 5.0 (មិនដែលនៅផ្ទះ) and Never Home At Night 3.0 (យប់ឡើងដើរបាត់ៗ) សូម្បីប្រូក្រាម Conversation 8.0 (សន្ទនាគ្នា) ក៏លែងអាចប្រើការបានដូចមនុទៀតដែរ, ក្រៅពីនេះ មានប្រូក្រាមមួយទៀត គឺលែងអាច
ប្រើការបានតែម្ដង គឺប្រូក្រាមសំរាប់សំអាត (Cleaning 2.6) នាងខ្ញុំបានព្យាយាមប្រើប្រូក្រាមមួយ
ឈ្មោះ Nagging 5.3 (រករឿង) ដើម្បីដោះស្រាយបញ្ហាទាំងនោះ តែគ្មានបានការអ្វីទាំងអស់...
សូមលោកខាង Tech Support មេត្ដាជួយដោះស្រាយបញ្ហារបស់នាងខ្ញុំដូចខាងលើនេះ តាម
ការគួរ...!
ជូនចំពោះអ្នកនាងដែលអស់សង្ឃឹមជាមួយប្រូក្រាម Husband 1.0 ជាទីរាប់អាន !
ខ្ញុំសូមជំរាបជូនអ្នកនាងថា ប្រូក្រាម Boyfriend 5.0 គឺជាប្រូក្រាម សម្រាប់ការកំសាន្ដអារម្មណ៍
ឬសម្រាប់ការសប្បាយប៉ុណ្ណោះ ឯចំណែកប្រូក្រាម Husband 1.0 វិញវាជាប្រភេទ Operating System ត្រូវតែទ្រាំប្រើមិនអាចខ្វះបានឡើយ ព្រោះវាជាមូលដ្ឋានប្រព័ន្ធកំព្យូទ័រដ៏ចាំបាច់បំផុត ។
សូមអ្នកនាងសាកល្បងប្រើ command : C:/I THOUGHT YOU LOVED ME រួចដាក់
ប្រូក្រាម ទឹកភ្នែក វឺរស្សុន ៦.២ (Tears 6.2) ចូល បន្ទាប់ពីបានដាក់ប្រូក្រាមទឹកភ្នែកចូលហើយនោះ
ប្រូក្រាម Husband 1.0 វានឹងចាប់ដំណើរការប្រូក្រាមមួយទៀតឈ្មោះ Guilty 3.0 (ស្គាលកំហុសខ្លួនឯង) ប្រូក្រាម ផ្កាកូឡាបក៏ប្រហែលជាអាចនឹងដំណើរការមកជាធម្មតាវិញ តែសូម
អ្នកនាងចាំថា ការប្រើប្រូក្រាមទឹកភ្នែកច្រើនពេក អាចបណ្ដាលឱ្យប្រូក្រាម Husband 1.0 ប្ដូរប្រូក្រាម
មួយចំនួនឱ្យទៅជាប្រូក្រាមដើរជាអចិន្ដ្រៃយ៍បាន ដូចជា GrumpySilence 2.5 (មួម៉ៅ), Happyhour 7.0 (លែងសូវនៅផ្ទះ ) ឬប្រូក្រាម Beer 6.1 (ផឹកស្រាបៀរ) សូមអ្នកនាងចាំថាប្រូក្រាម Beer 6.1 ជា
ប្រូក្រាមមួយមិនល្អទេ ព្រោះវាបញ្ចេញ សម្លេងស្រមុកដ៏ខ្លាំងៗមួយ ។ សូមកុំព្យាយាម ដាក់ប្រូក្រាម
MotherInLaw 1.0 (ម៉ែក្មេក ១.០)ឬ Boyfriend program (ប្រុសថ្មីឬសង្សាថ្មី) ណាមួយផ្សេងទៀត
ចូលឱ្យសោះ, ព្រោះប្រូក្រាមទាំងនោះ ក្រុមហ៊ុនយើងខ្ញុំ អត់មានលទ្ធភាពជួយបានឡើយ មួយវិញទៀត
វាថែមទាំងអាចធ្វើឱ្យប្រូក្រាម Husband 1.0 ឈប់គាំងលែងដំណើរការសោះតែម្ដង ។
ជាការពិតទៅ, ប្រូក្រាម Husband 1.0 នេះគឺជាប្រូក្រាមមួយល្អណាស់ ភាពកំសោយរបស់វាគឺនៅត្រង់ វាមានកំណត់ទៅលើមេម៉ូរី និងមិនអាចប្រើជាមួយប្រូក្រាមផ្សេងៗស្រួលឡើយ, ដោយសារហេតុនេះ សូមអ្នក
នាងរកជាវប្រូក្រាមផ្សេងទៀតមកដោះស្រាយបញ្ហានេះ ដូចជាប្រូក្រាម HotFood 3.0 (ម្ហូបក្ដៅ) and Lingerie 5.3 (ប្រូក្រាមបញ្ចេញរាង), ប្រូក្រាមទាំងពីរនេះអាចប្រហែលដោះស្រាយបញ្ហាបានខ្លះមិន
ខានឡើយ ។
Tech Support: (ក្រុមផ្នែកដោះស្រាយបញ្ហាបច្ចេកទេស)
អាត្រាប្តូរប្រាក់រៀលថ្ងៃនេះ
0 comments:
Post a Comment