មិនអាចទេលោក
ក្នុងរាត្រីឆ្លងឆ្នាំចាស់ចូលឆ្នាំថ្មី។
នគរបាលចរាចរណ៍បានផ្លុំកញ្ច្រែច្រេចៗហៅម្ចាស់រថយន្តលេខការ៉េ
ម្នាក់ មកពិន័យពីបទបើកលើសល្បឿនកំណត់ និងរេពេញទ្រូងផ្លូវ ។ នគរបាលៈ សូមលោកដកដង្ហើមចូលឧបករណ៍នេះ ដើម្បីយើងខ្ញុំត្រួតពិនិត្យកំរិតអាល់កុលតាមខ្យល់ ដង្ហើម ។
បុរសវ័យកណ្តាលដែលបញ្ជារថយន្តៈ ជម្រាបប្រសាសន៍! មិនអាចទេលោក ។
នគរបាលៈ ហេតុអីទៅ?
បុរសៈ ត្បិតអីខ្ញុំកើតរោគហឺត ។ ជម្ងឺខ្ញុំរើឡើងភ្លាម បើខ្ញុំដកដង្ហើមដាក់ឧបករណ៍ស្ទង់ហ្នឹង។
នគរបាលៈ អញ្ចឹង យើងខ្ញុំនឹងត្រួតពិនិត្យលើទឹកមាត់របស់លោកក៏បានដែរ។
បុរសៈ ជម្រាបប្រសាសន៍! ធើ្វអញ្ចឹងក៏មិនអាចទេលោក។
នគរបាលៈ ហេតុអ្វីទៀតហើយ?
បុរសៈ បាទលោកប៉ូលីស! ខ្ញុំបាទកើតរោគទឹកនោមផ្អែមធ្ងន់ធ្ងរ ។ បើពិនិត្យឃើញជាតិស្ករក្នុងទឹក នោមកើនខ្លាំង ខ្ញុំនឹងសន្លប់ភ្លាម។
នគរបាលៈ មិនថ្វីទេលោក។ យើងខ្ញុំសុំបូមឈាមលោកទៅពិនិត្យវិញម្តង។
បុរសៈ មិនអាចទេលោក!
នគរបាលៈ ហេតុអ្វីទៀតហើយលោកម្ចាស់ឡានលេខការ៉េ?
បុរសៈ ជម្រាបប្រសាសន៍លោកនគរបាល។ ខ្ញុំកើតរោគឈាមក្រកក បើបូមឈាមខ្ញុំនឹងហូរឈាម រហូតដល់ស្លាប់។
នគរបាលៈ អញ្ចឹងសូមអញ្ជើញលោកបងដើរឱ្យត្រង់តាមគំនូសសលើចិញ្ចើមផ្លូវនេះឱ្យបាន១៥ម៉ែត្រ ។
បុរសៈ មិនអាចទេលោកប៉ូលិស!
នគរបាលៈ ហេតុផលអីទៀតហើយលោក!
បុរសៈ ត្បិតអីខ្ញុំកំពុងតែស្រវឹង។ សូមបើកឡានទៅទៀតហើយ។
នគរបាលៈ មិនអាចទេលោក ។ ឡានស្ទូចមកដល់ហើយ!
គំនិតដូចគ្នា
ក្រោយពេលចូលនិវត្ដន៍
ពូសឿនបានរស់នៅនែបនិត្យជិតកាយមិនជិនណាយនឹងមីងសន ជាភរិយា
រៀងរាល់វេលាយប់ថ្ងៃ។ សម័យថ្ងៃមួយក្រោយពេលបរិភោគអាហារល្ងាចរួច
អ្នកទាំងពីរ អង្គុយជជែកគ្នានៅ រានហាលមុខផ្ទះ។
ខ្លឹមសារពាក្យពេចន៍រំលេចឡើងគ្រប់យ៉ាង ពោលគឺចប់រឿងមួយដល់រឿងមួយ
ស្រាប់តែ ពូសឿននឹកឃើញមិត្ដម្នាក់របស់គាត់ស្លាប់មុនប្រពន្ធ
ហើយស្ដ្រីនោះក៏មានប្ដីទៀត។ ពូសឿនសួរមីងសនៈ ម៉ាក់អូន អ្ហា! បើបងស្លាប់ទៅមុនអូន។ តើអូនរៀបចំខ្សែជីវិតចុងក្រោយរបស់អូន យ៉ាងណាដែរ?
មីងសនៈ ចាស៎ ប៉ាបង! អូននឹងរៀបចំទុកដាក់សពបងតាមប្រពៃណី ធ្វើបុណ្យជូនបងតាំងពី៧ថ្ងៃ ៤៩ថ្ងៃ ១០០ថ្ងៃ និងបីឆ្នាំ។ល។ ឱ្យគ្រប់ៗថ្ងៃ និងត្រូវៗថ្ងៃ មិនកាត់បង្រួម មិនកាឡៃដូចយើងឃើញគេធ្វើសព្វថ្ងៃនេះទេ ។ ក្រោយពេលផុតរយៈពេលកាន់ទុក្ខបងបីឆ្នាំរួចហើយ អូននឹងរើទៅនៅឯស្រុកកំណើតដោយរកនារីមេម៉ាយក្មេងៗប្ដី ស្លាប់ពីរ ឬ បីនាក់មកនៅជាមួយ ហើយរកថែមស្រីក្រមុំបួនប្រាំនាក់ទៀត មកជួយបង្កបង្កើនផល ធ្វើស្រែចំការ ចិញ្ចឹមជីវិត ព្រោះមានតែពួកគេទេដែលអាចយល់ចិត្ដអូន ពោលគឺអូនប្រាស្រ័យទាក់ទងតែនឹងស្រីៗក្មេងៗទេ ដើម្បីកុំ ឱ្យចាស់។ ចុះបើអូនស្លាប់មុនបងវិញ តើបងធ្វើយ៉ាងណា?
ពូសឿនៈ បាទ ម៉ាក់អូន! បុរាណពោលថាប្ដីប្រពន្ធចិត្តមួយថ្លើមមួយ គឺពិតជាមិនខុសមែន។ បងនឹងធ្វើដូច អូនអញ្ជឹង ព្រោះអ្វីដែលអូនបាននិយាយគឺដូចអ្វីដែលបងបានគិតដែរ។
ស្លាប់ទៅគឺស្រួល
ត្រឡប់មកពីលេងស្រុកកំណើត ។
យប់ឡើងខ្នុយចូលភោជនីយដ្ឋាន ចូលខារ៉ាអូខេ លុះយប់ជ្រៅមិនចេញ
មកផ្ទះដោយទទេទេ ខ្នុយឆ្លៀតដឹកស្រីស្នេហ៍ប្រណាំងឡានកាលីប
និងពួកម៉ាក តាមរបៀបកម្លោះស្ទាវអ្នកមានទៀត។
ខ្នុយរងគ្រោះថ្នាក់ចរាចរណ៍ ស្ទើរស្លាប់ ស្ទើររស់
ខ្នុយខ្លាចស្លាប់ទៅចោលស្រីស្នេហ៍សាច់ស្រស់ខ្ចីនិងទ្រព្យសម្បត្ដិ
ជា កូនសេដ្ឋីរបស់ខ្លួន។
ពេលញាតិម្នាក់មកមើលខ្នុយក្នុងមន្ទីរពេទ្យ។ ខ្នុយនិយាយទៅកាន់គេ
។ ខ្នុយៈ ឯងជាគ្រូពេទ្យ ឯងដឹងទេ ថាស្លាប់ទៅស្រួល ឬ អត់អ្ហា?
ដុកទ័រខ្នាៈ អាខ្នុយអើយ ស្លាប់ប្រាកដជាស្រួលហើយ។
ខ្នុយៈ ធ្វើម៉េចបានឯងដឹង?
ដុកទ័រខ្នាៈ អាខ្នុយ ឯងឃើញទេ អ្នករៀបការទៅនៅអាមេរិក ពលករទៅធ្វើការឯបរទេស ភាគច្រើន ត្រឡប់មកខ្មែរវិញ តែងពោលថា ទីនោះសុទ្ធតែមិនស្រួលដូចនៅខ្មែរ។ ប៉ុន្ដែខ្នុយឯងឃើញទេ មានអ្នកស្លាប់ណាម្នាក់ ត្រឡប់មកវិញ!... នោះមិនបញ្ជាក់ថា ស្លាប់គឺស្រួលទេឬ ?
ខ្នុយៈ ដកចង្ការមាន់ឃឹះៗ និយាយថាបើអញ្ចឹងអញទៅហើយអាខ្នាអើយ ហើយឯងទៅតាមអញផង បើអត់ឃើញអញមកវិញ!..
តើអ្វីជាអាថ៌កំបាំង សំរាប់ជីវិតដ៏រីករាយយូរអង្វែង ?
នារីម្នាក់បានដើរទៅកាន់បុរសចំណាស់បន្តិចម្នាក់ ដែលកំពុងយោលកៅអី នៅលើរានហាលផ្ទះរបស់គាត់នារី : ខ្ញុំកត់សំគាល់ឃើញថា ជីវិតអ្នកពិតជារីករាយមែន
តើអ្វីជាអាថ៌កំបាំង សំរាប់ជីវិតដ៏រីករាយយូរអង្វែង ?
បុរសចំណាស់តបថា : ខ្ញុំជក់បារី មួយថ្ញៃ ៣កញ្ចប់ ផឹកស្រាវីស្គីមួយអាទិត្យ មួយកេស ហើយព្រមទាំងញុំាអាហារដែលមានជាតិខ្លាញ់
និងមិនដែលហាត់ប្រាណទេ ។
នារី : ស្ទើរតែមិនគួរ នាងបន្តសួរ តើអ្នកអាយុប៉ុន្មានហើយ ?
បុរស : ២៦ ឆ្នាំ
គ្មានអ្វីគួរឲ្យរំភើបសោះ
ប៉ូលី ត្រឡប់មកពីសាលារៀន ថ្ញៃដំបូង គាត់ក៏បានប្រាប់ម្តាយរបស់គាត់ថា គ្មានអ្វីគួរឲ្យរំភើបសោះលើកលែងតែអ្នកគ្រូ គាត់មិនចេះ ប្រកបពាក្យថា ឆ្មា ដូច្នោះខ្ញុំក៏ប្រាប់គាត់ទៅ ៕
សិក្សាពីចិត្តសាស្ត្រមនុស្ស
បុរសដែលពូកែអៀនម្មាក់ បានចូលនៅក្នុងហាងផឹកស៊ី ហើយបានឃើញនារីម្នាក់កំពុងអង្គុយនៅកន្លែងផឹកស៊ីនោះដែរបន្ទាប់ពីឃើញនាងអស់រយៈពេលជាង ១ ម៉ោង ធ្វើឲ្យគាត់មានកើតមានសេចក្តីក្លាហាន។
គាត់ក៏ដើរទៅក្បែរ ហើយសាកល្បងសួរនាងថា (តើអ្នកនាងប្រកាន់និងខ្ញុំទេ ប្រសិនចង់ជជែកលេងជាមួយអ្នកនាងមួយភ្លេត ?)
នាងឆ្លើយស្រែកខ្លាំងៗ (ទេ ! យប់នេះ ខ្ញុំមិនទៅគេងជាមួយអ្នកឯងទេ ) គ្រប់គ្នាដែលនៅកន្លែងផឹកស៊ីនោះ បានចោលភ្នែកសំឡឹងមកពួកគេទាំងពីរគ្រប់ៗគ្នា
បុរសនោះអស់សង្ឃឹម និងអាម៉ាស់យ៉ាងខ្លាំង ហើយគាត់ដើរត្រឡប់មកតុរបស់គាត់វិញ ។
មួយសន្ទុះក្រោយមក នារីនោះដើរសំដៅមករកគាត់ ហើយសុំទោស ។ នាងញញឹមដាក់គាត់ ហើយនិយាយថា ខ្ញុំសុំទោសប្រសិនបើធ្វើឲ្យអ្នកខ្មាស់គេ
អ្នកដឹងទេ ខ្ញុំជាអ្នកយកពត៌មាន ហើយខ្ញុំមានការងារ សិក្សាអំពីចិត្តសាស្ត្ររបស់មនុស្សក្នុងការឆ្លើយតប ពេលដែលស្ថិតក្នុងស្ថានភាពអាម៉ាស់
គាត់ឆ្លើយទៅកាន់នាងខ្លាំងៗ (ថាម៉េចមួយយប់ ២០០ ដុល្លារ ?)
លោក Doctor
អ្នកជំងឺ: អូរ! លោក Doctor ខ្ញុំមានបញ្ហាចម្លែកណាស់ ។ សូមលោក Doctor ជួយខ្ញុំផង ។គ្រូពេទ្យផ្នែកវិកលចរិក: ឥឡូវ! សូមលោកស្ងប់អារម្មណ៍សិន ហើយទម្រេតខ្លួនលើគ្រែនេះមក នឹងរៀបរាប់បញ្ហាទាំងអស់ ប្រាប់ខ្ញុំ ។
អ្នកជំងឺ:បាទ លោក Doctor, ខ្ញុំរស់នៅក្នុង Apartment ២ ជាន់ នៅ PP ហើយ ខ្ញុំមានផ្ទះសំរាប់រដូវក្តៅ នៅឆ្នេរសមុទ្រខេត្តកោះកុងមួយទៀត ។ ខ្ញុំជិះរថយន្ត Rolls-Royce ហើយ ភរិយារបស់ខ្ញុំ ជិះរថយន្ត ម៉ាក Jaguar ។ កូនទាំងពីររបស់ខ្ញុំរៀននៅ សាលាឯកជនដែលថ្លៃជាងគេ ។ យើងជាម្ចាស់នៃ ក្លឹប swanky ចំនួន ៣ ហើយរាល់ឆ្នាំ ខ្ញុំលៃលកចំណាយសំរាប់ ១ ខែនៅ អឺរ៉ុប ។
គ្រូពេទ្យផ្នែកវិកលចរិក: ទាំងនេះជារឿងដែលអស្ចារ្យណាស់ ប៉ុន្តែសូមលោកប្រាប់ពីបញ្ហាលោកសិនមក!
អ្នកជំងឺ: ខ្ញុំគ្រាន់តែបានធ្វើវាប៉ុណ្ណោះ! លោក Doctor ដឹងអត់! ខ្ញុំអាចរកលុយបាន ១០០ដុល្លាក្នុង ១ អាទិត្យ ។
គ្រូពេទ្យផ្នែកវិកលចរិក: លោកពិតជាមានបញ្ហាចំឡែកណាស់ ។
អ្នកគ្រូ នឹង សិស្ស
អ្នកគ្រូ: ប្រសិនអ្នកគ្រូអោយ កូនៗទន្សាយ ២ ហើយថែម ២ នឹងថែម ២ ទៀត តើកូនៗបានទន្សាយទាំងអស់ប៉ុន្មាន?សិស្ស: គឺ ៧ អ្នកគ្រូ
អ្នកគ្រូ: ទេ! ស្តាប់អ្នកគ្រូម្តងទៀត! ប្រសិនអ្នកគ្រូអោយ កូនៗទន្សាយ ២ ហើយថែម ២ នឹងថែម ២ ទៀត តើកូនៗបានទន្សាយទាំងអស់ប៉ុន្មាន?
សិស្ស: គឺ ៧ អ្នកគ្រូ
អ្នកគ្រូ:ឥឡូវ ! អ្នកគ្រូ ឧទាហរណ៏ផ្សេងពីនេះ! ប្រសិនអ្នកគ្រូអោយ កូនៗផ្លែប៉ម ២ ហើយថែម ២ នឹងថែម ២ ទៀត តើកូនៗបានផ្លែប៉ម ទាំងអស់ប៉ុន្មាន?
សិស្ស: គឺ ៦ អ្នកគ្រូ
អ្នកគ្រូ: ល្អណាស់! ឥឡូវប្រសិនអ្នកគ្រូអោយ កូនៗទន្សាយ ២ ហើយថែម ២ នឹងថែម ២ ទៀត តើកូនៗបានទន្សាយទាំងអស់ប៉ុន្មាន?
សិស្ស: គឺ ៧ អ្នកគ្រូ
អ្នកគ្រូ: (អ្នកគ្រូឆ្លើយទាំងខឹង) តើកូនដោះស្រាយយ៉ាងម៉េច បានជាទន្សាយ ២ ទៅជា ៣ ក្បាល ហើយបូកទៅចេញលទ្ធផល ៧នោះ?
សិស្ស: ព្រោះថាខ្ញុំមាន ទន្សាយមួយទៀតនៅផ្ទះ !
អ្នកគ្រូ: .....!
សំណួរសាកល្បងនៅបើកបរក្នុងល្បឿនលឿន
អ្នកកំពុងបើកបររថយន្តក្នុងល្បឿនមួយដែលលឿននៅខាងឆ្វេងដៃអ្នកមានជ្រោះ ចំណែកខាងស្តាំដៃមានរថភ្លើងកំពុងតែធ្វើដំណើរ ក្នុងល្បឿនលឿនដូចរថយន្តអ្នក
ចំណែកនៅខាងមុខមានសត្វជ្រូកហោះ ទំហំប៉ុនរថយន្តរបស់អ្នក កំពុងបោលរត់មករកអ្នក ដែលរថយន្តមិនអាចគេចទៅណាបាន
ចំណែកនៅខាងក្រោយ មានអេលីកុបទែរ កំពុងតែហោះហើ ក្នុងកំរិតមួយស្មើនិងដី
ទាំងសត្វជ្រូកយក្ស និង អេលីកុបទែរ គឺកំពុងតែធ្វើដំណើរក្នុងល្បឿនលឿនដូចគ្នានិងអ្នកដែរ
តើអ្នកធ្វើយ៉ាងម៉េចដើម្បី គេចឲ្យរួចផុតពីស្ថានភាពដ៏គ្រោះថ្នាក់នេះ ?
អ្នកឯងស្រវឹងទេអី ! គ្រាន់តែចុះមកដីវារួចបាត់ទៅហើយ...
ការដាក់ទោសដែលគួរឱ្យភ័យខ្លាច
បុរសប្រមឹក២នាក់ ពេលដែលកំពុងផឹកជោកជាំបាននិយាយដល់រឿងស្ត្រី។បុរសប្រមឹកទី១៖ ឯងចង់ដឹងទេសម្លាញ់ ថាការដាក់ទោសគួរឱ្យខ្លាចបំផុតដល់ស្ត្រី គឺអ្វីទៅ?
បុរសប្រមឹកទី២៖ គ្នាមិនដឹងទេ តើជាស្អីទៅ?
បុរសប្រមឹកទី១៖ នែ៎! គឺការដែលឱ្យនាងស្លៀកសម្លៀកបំពាក់ ដ៏ស្អាតៗបំផុត ហើយមិនឱ្យពួកនាងឆ្លុះកញ្ចក់៕
លោកមានផឹកស្រាទេ?
ប៉ូលិសចររាចរណ៍ម្នាក់បានចាប់បុរសម្នាក់ពីក្នុងឡាន
ព្រោះគាត់បានបើកបរលើសល្បឿនកំណត់ ។
បន្ទាប់មកបូលិសចររាចរណ៍មើលបុរសនោះ ចុះឡើងៗ ទើបនិយាយ:ប៉ូលិស: ’លោក! ខ្ញុំអត់មានឩបករណ៏វាស់ជាតិស្រាទេ ប៉ុន្តែសំគាល់លើភ្នែកលោកឡើងក្រហមងាំង តើលោកមានផឹងស្រាទេ?”
បុរសអ្នកបើកឡាន ឆ្លើយទាំងឈឺចិត្តថាៈ
’លោកប៉ូលិស! អាឡូវខ្ញុំក៏អត់អីវាស់ដែរ ប៉ុន្តែខ្ញុំសំគាល់លើភ្នែកលោក បើកធំៗឡើងសចឹង តើលោកបានស៊ី នំកង? ”
ខ្ញុំគឺជាកូនប្រុសជនរងគ្រោះ
មានហេតុការគ្រោះថ្នាក់ចរាចរណ៍មួយកើតឡើងនៅតាមដងផ្លូវមួយ
ដែលបង្កឡើងដោយរថយន្តមួយគ្រឿង
គេឃើញមានហ្វូងមនុស្សយ៉ាងច្រើនបានចោមរោមមើលអ្នកយកពត៌មានម្នាក់ ដែលអន្ទះសារដោយមិនអាចចូលទៅជិតរថយន្ត ដើម្បីយកពត៌មានបាន
គាត់បាននឹកឃើញគំនិតឆ្លាតមួយ គាត់បានស្រែកយ៉ាងខ្លាំងៗ ថា (ឲ្យខ្ញុំចូលទៅផង ៗ ខ្ញុំជាកូនប្រុសជនរងគ្រោះ)
ហ្វូងមនុស្សដែលចោមរោមមើលនោះ បានបើកផ្លូវឲ្យគាត់ចូលទៅ ....
ពេលដែលគាត់ចូលទៅគឺជាសត្វលាមួយក្បាលដេកនៅខាងមុខរថយន្ត។
0 comments:
Post a Comment