ជួយមិនបានទេចា
មានស្ត្រីម្នាក់បានទូរស័ព្ទផ្តល់ព័តមានទៅឲ្យកាសែតក្នុងស្រុករបស់គាត់ដឹងថាគាត់ទើបតែបានបង្កើតកូនបាន១៨ នាក់អ្នកកាសែតនោះប្រហែលជាស្តាប់មិនសូវបាន ក៏បាននិយាយ (អាចម្តងទៀតបានទេ ?)
ស្ត្រីនោះ ឆ្លើយថា : ជួយមិនបានទេចា ..
ចៅហ្វាយ ៗ មានខ្មោច
អ្នកបំរើប្រុសបានរត់មកបន្ទប់ចៅហ្វាយនាយធំរបស់គាត់ លោក
លោក មានខ្មោចនៅក្នុងបន្ទប់ដាក់ឥវ៉ាន់
តើខ្ញុំគួរធ្វើអ្វីជាមួយនិងវា (ខ្មោច) ? ចៅហ្វាយនាយឆ្លើយ
ដោយមិនងើបមុខពីការងាររបស់គាត់ថា (ប្រាប់វាទៅ
ខ្ញុំមិនឃើញវាផង..)
គ្មានសំលេង
ព្រុញ មានឡានដ៏កញ្ចាស់មួយ
ហើយគាត់ជាមនុស្សកំណាញ់ស្វិតណាស់, ពេលបើកម្តងៗ
គាត់តែងទុកអោយឡានគាត់លឺសំឡេងខ្លាំងៗ ។ ឡានគាត់ដល់ណា
គឺសំឡេងរំខានដល់ទីនោះ ។
ថ្ងៃមួយគាត់សំរេចចិត្តយកឡានគាត់ទៅចូលការាសដើម្បីអោយជាងពិនិត្យ :ព្រុញ: សូមលោកជួយពិនិត្យឡានខ្ញុំផង, ខ្ញុំមិនដឹងថាផ្នែកណាដែលអត់លឺសំលេងទេ! ម៉ាស៊ីនត្រជាក់នូវល្អទេ! ។
៣-៤ ម៉ោងក្រោយមក ជាងឡានស្រែកខ្លាំងៗ: ’ខ្ញុំរកឃើញហើយ, មានតែមួយកន្លែងគត់ដែលអត់លឺសំលេង”!!
ព្រុញសួរ: ស្អីគេទៅបង?
ជាងឡាន: គឺ ស៊ីភ្លេ!!
ព្រុញ: អុញ!!!!!!
លេខទូរស័ព្ទត្រឹមត្រូវអត់ ?
វិសាល បានធ្លាក់ក្នុងអន្លង់ស្នេហ៍ជាមួយនាង ស្រីរដ្ឋ ប៉ុន្តែគាត់មិនមានសេចក្តីក្លាហានសួរនាងទល់មុខគ្នាឡើយ ដូច្នេះ វិសាលក៏បានសំរេចចិត្ត សួរនាងតាមរយៈទូរស័ព្ទ
គាត់ក៏របូតមាត់ សួរថា អូនសំលាញ់ ! អូននិងរៀបការជាមួយបងទេ ?
មីរ៉ាឆ្លើយតប : ប្រាកដណាស់..... ខ្ញុំនិង...... អ្នកឯងផ្តេសផ្តាសមែន...... នរណាកំពុងនិយាយហ្នឹង ប្រាប់ខ្ញុំសិនមកបានទេ ?
ឯកសណ្ឋានប៉ូលីស ?
សុផា សួរទៅកាន់បុរសដែលស្លៀកពាក់ឯកសណ្ឋាន តើលោកជាប៉ូលីសមែនទេ ?ទេ ! ខ្ញុំគឺជាប៉ូលីសសំងាត់ (គិញសំងាត់)
សុផា : ចុះហេតុដូម្តេចបានជាលោកស្លៀកពាក់ឯកសណ្ឋានប៉ូលីស ?
បុរសនោះឆ្លើយថា : ថ្ងៃនេះជាថ្ងៃឈប់សំរាករបស់ខ្ញុំ .
សំណេរតែងសេចក្តី
នៅក្នុងថ្នាក់ទី៤ មួយ ម៉ោងអ្នកគ្រូអក្សរសាស្ត្របានមកដល់
។ អ្នកគ្រូបានដាក់កិច្ចការអោយសិស្ស សរសេរតែងសេចក្តី ក្រោមប្រធានបទ:’កូនៗ មានលោកតាម្នាក់, ដែលគាត់រស់នៅឯជនបទ ចូរកូនៗសរសេរអំពីចរិក លក្ខណ:របស់លោកតាកូនៗ” ។
សិស្សទាំងអស់ខំសរសេរយ៉ាងលឿន, មួយម៉ោងក្រោយមក សិស្សម្នាក់បានលើកដៃ ហើយសួរ:
- អ្នកគ្រូ ខ្ញុំអត់ដឹងចរិក លក្ខណ:គាត់ទេ ព្រោះខ្ញុំអត់មានតារស់នៅជនបទទេ ។
សិស្សម្នាក់ទៀតលើកដៃសួរ:
- ហើយតារបស់ខ្ញុំ គាត់ស្លាប់សម័យប៉ុល ពត បាត់ហើយ !
អ្នកគ្រូ: អុញ!!!
ទន់ នឹង រឹង
បុរសម្នាក់បានទៅកន្លែងទទួលភ្ញៀវ ក្នុងសណ្ឋាគារមួយ ដើម្បីសួរពត៌មានពីស្ត្រីទទួលភ្ញៀវ ស្អាតម្នាក់: បុរសបានឈរពីមុខតុស្ត្រីទទួលភ្ញៀវ, ជាចៃដន្យបុរសនោះបានដួលប៉ះស្ត្រីទទួលភ្ញៀវពីចំហៀង ដោយកែងដៃរបស់គាត់បានទៅប៉ះដើមទ្រូងរបស់នាង ។ ពួកគេទាំងពីរភ្ញាក់យ៉ាងខ្លាំង ។
បុរស: ’ប្រសិនបើបេះដូងអ្នកនាងទន់ដូចជាដើមទ្រូងអ្នកនាង, ខ្ញុំដឹងថា អ្នកនាងប្រាកដជានឹងអភ័យទោសខ្ញុំ”
ស្រីស្អាត: ’ប្រសិនបើ អីៗ រឹងដូចជាកែងដៃរបស់លោក, ខ្ញុំគេងនៅបន្ទប់ ១៦៨” ។
ជីវិតបន្ទាប់ពីអាពាហ៍ពិពាហ៍
តុលា និង ណារី គឺជាគូរស្នេហ៍ទើបតែរៀបការថ្មោងថ្មី ពួកគេរីករាយយ៉ាងខ្លាំងជាមួយដំណើរក្រេបទឹកឃ្មុំនេះបន្ទាប់ពីត្រឡប់មកពីក្រេបទឹកឃ្នុំវិញ ណារី បានប្រញាប់ប្រញាល់ទូរស័ព្ទទៅម្តាយរបស់នាង ពេលនោះម្តាយនាងសួរត្រង់ ៗ ថា
យ៉ាងម៉េចហើយ ដំណើរកំសាន្តក្រេបទឹកឃ្មុំរបស់ កូនស្រីសំឡាញ់ ?
ណារី : អ៊ូយ ! ម៉ាក់ ដំណើរកំសាន្ត ក្រេបទឹកឃ្មុំពិតជាអស្ចារ្យណាស់ ហើយសែនរ៉ូមែនទិច មែនទែន ម៉ាក់ ! ។
បន្ទាប់មក ណារី បានស្រែកយំយ៉ាងខ្លាំង ប៉ុន្តែម៉ាក់ ពេលដែលត្រឡប់មកដល់ផ្ទះភ្លាម តុលា ចាប់ផ្តើមប្រើពាក្យអាក្រក់ៗ គួរឲ្យខ្លាច......
និយាយអ្វីដែលខ្ញុំមិនដែលធ្លាប់ឮពីមុន ! ខ្ញុំចង់មានន័យថា ៤ពាក្យ ដែលគាត់បាននិយាយនោះសុទ្ធតែអាក្រក់ ! ម៉ាក់ត្រូវតែមកទទួលខ្ញុំត្រឡប់ទៅផ្ទះវិញ.....ម៉ាក់.
ម្តាយណា រី : ធ្វើចិត្តឲ្យត្រជាក់សិនកូនស្រី ប្រាប់ម៉ាក់មក អ្វីដែលអាក្រក់នោះ ? តើពាក្យទាំង បួនដែលតុលានិយាយនោះអ្វីខ្លះ ?
ណារី នៅតែយំហើយនិយាយតិចៗ ទាំងក្សឹកក្សួលថា អូម៉ាក់ ពាក្យទាំង ៤ នោះដូចជា បូសជូតធូលី . បោកខោអាវ. ធ្វើម្ហូប. ហើយនិង អ៊ុតខោអាវ ៕
បើកលុយពី ATM
ធនាគារមួយបានប្រកាសឲ្យដឹងថា
គេបានដាក់ឲ្យមានម៉ាស៊ីន ATM ដែលអាចបើកចូលទៅដកលុយពីម៉ាស៊ីន ATM
នោះបាន ដើម្បីបង្កើតឲ្យមានភាពងាយស្រួយដល់អ្នកបើកលុយ ។
ព្រោះមិនចាំបាច់ចុះពីរថយន្តទៅដកលុយទេ ។ ជាមួយគ្នានោះ
ធនាគារនោះបានកំណត់វិធីសាស្ត្រ ដកប្រាក់សម្រាប់បុរសផ្សេង
និងសម្រាប់ស្ត្រីផ្សេងដូចខាងក្រោមនេះ : សម្រាប់បុរស :
១- បើកឡានចូលទៅម៉ាស៊ីន ATM ដកលុយ
២- ទម្លាក់កញ្ចក់ឡានចុះ
៣- ស៊កកាត ATM ចូល រួចវាយលេខសម្ងាត់
៤- ចុចបញ្ចូលចំនួនលុយត្រូវដក
៥- ដកកាត, លុយ, និងក្រដាសបង្កាន់ដៃ
៦- លើកកញ្ចក់ឡានវិញ
៧- បើកឡានចេញ
សម្រាប់ស្ត្រី :
១- បើកឡានចូលកន្លែងម៉ាស៊ីន ATM
២- អាយែរឡានទៅមុខទៅក្រោយឲ្យត្រូវចំណុចកន្លែងស៊កកាត
៣- ដាក់ហ្វ្រាំងដៃឡាន, ទម្លាក់កញ្ចក់ឡានចុះ
៤- រកមើលកាបូប, រួចចាក់ឥវ៉ាន់ក្នុងការបូបលើកន្លែងកៅអ៊ីអង្គុយម្ខាងទៀត ដើម្បីរកមើលកាតATM
៥- ប្រាប់អ្នកណាម្នាក់នៅក្នុងទូរស័ព្ទថា អ្នកនិងទូរស័ព្ទត្រឡប់ទៅវិញរួចដាក់ទូរស័ស្ទចុះ
៦- ព្យាយាមស៊កកាតបញ្ចូលក្នុងម៉ាស៊ីន
៧- បើកទ្វារឡានដើម្បីឲ្យងាយស្រួលស៊កកាតបញ្ចូល
៨- ស៊កកាតចូលម៉ាស៊ី ATM
៩- ស៊កកាតចូលម្តងទៀត ព្រោះស៊កខុស
១០- បើរកមើលលេខសម្ងាត់នៅក្នុងកូនសៀវភៅ diary
១១- វាយលេខសម្ងាត់បញ្ចូល
១២- ចុច cancel រួចវាយលេខសម្ងាត់ជាថ្មីឲ្យត្រូវ
១៣- ចុចបញ្ចូលទឹកលុយត្រូវដក
១៤- សម្លឹងមើលទៅកញ្ចក់ឡាន ឆែកមើលម៉ាកយេមុខក្រែងមិនសមសួន ថែមក្រេមបបូរមាត់
១៥- ដកយកសាច់ប្រាក់ និងបង្កាន់ដៃ
១៦- ឆែកមើលកាបូបជាថ្មីដើម្បីរកការបូបដាក់លុយដកមកនោះ
១៧- សរសេរចំណាំលុយ ដែលបានដកនោះដាក់ក្នុងសៀវភៅសែក ដកលុយរួចដាក់វាចូលក្នុងសៀវភៅសែក
១៨- ឆែកមើលម៉ាកយេជាថ្មី
១៩- បើកឡានទៅមុខប្រហែលកន្លះម៉ែត្រ អាយែរត្រឡប់មកវិញ ព្រោះភ្លេចដកកាត ATM ចេញពីម៉ាស៊ីន ATM
២០- ចាក់ឥវ៉ាន់ចេញពីកាបូបជាថ្មីដើម្បីស៊កកាតចូលក្នុងកាបូបដាក់កាត
២១- ក្រឡេកមើលក្រោយ អ្នកដែលកំពុងរង់ចាំដកប្រាកពី ATM ដែរ ដែលកំពុងរង់ចាំ
២២- បញ្ឆេះឡាន, ឆេះស្រាប់, រួចបើកចេញ
២៣- Call អ្នកដែលទើបទូរស័ព្ទមកមុននេះជាថ្មី
២៤- បើកចេញបាន ២-៣ គីឡូ
២៥- ដកហ្វ្រាំងដៃឡានចេញ ព្រោះភ្លេចដកចេញ ៕
ដាក់លុយក្នុងម្ឈូសទៅចាយជាតិមុខ
បុរសម្នាក់បានប្រឹងប្រែងធ្វើការងាររកស៊ីពេញមួយជីវិត
គាត់ ដោយរក្សាទុកលុយទាំងអស់ដែលគាត់រកបានគ្មានបាត់មួយសេនណាទេ
គាត់ស្រទ្បាញ់លុយណាស់ស្រទ្បាញ់លើសអ្វីៗទាំងអស់ថ្ងៃមួយបរុសនោះបានហៅប្រពន្ធគាត់មកផ្តាំថា :
បុរស : ពេលបងស្លាប់ទៅ សូមអូនដាក់លុយដែលបងរកបានទាំងប៉ុន្មាននៅក្នុងមឈ្ឈូសបងផង ព្រោះបងចង់យកលុយនោះទៅចាយនៅជាតិក្រោយទៀត
គាត់បានផ្តាំឲ្យ ប្រពន្ធគាត់ធ្វើតាមបណ្តាំនេះដាច់ខាត នៅពេលបុរសនោះដឹងថា ប្រពន្ធគាត់នឹងធ្វើតាមអ្វីដែលគាត់បានផ្តាំហើយ គាត់ក៏បានស្ងប់ចិត្ត ។
ថ្ងៃមួយបុរសនោះក៏បានស្លាប់បាត់បង់ជីវិតទៅ គេបានលើកសពរបស់គាត់ដាក់ចូលក្នុងម្ឈូស តែមិនទាន់គ្របគម្របម្ឈូសទេ ឯប្រពន្ធគាត់ដែលស្លៀកពាក់សអង្គុយនៅក្បែរម្ឈូសជាមួយមិត្តភិត្ត ក្បែរនោះ ។ នៅពេលពិធីបុណ្យសពត្រូវបានបញ្ចប់ មុនពេលគេគ្របគម្របម្ឈូស រួចសែងយកចេញទៅ
មិត្តភក្តិរបស់ប្រពន្ធសពបានសួរទៅអ្នកស្រីជាប្រពន្ធសពថា
- តើឯងដាក់លុយទាំងអស់របស់គាត់ទៅក្នុងម្ឈូសឲ្យគាត់មែន ឬយ៉ាងណា ?
ប្រពន្ធសព : ពិតហើយ ! ខ្ញុំបានដាក់លុយគាត់គ្មានឲ្យបាត់មួយសេនណាទេគឺ់ បានយកលុយគាត់ទៅដាក់ក្នុងគណនេយ្យធនាគារទាំងអស់ រួចសរសេរសែកមួយមានទឹកលុយទាំងអស់របស់គាត់ដាក់ក្នុងម្ឈូសឲ្យគាត់ ព្រោះបានសន្យានិងគាត់ថា ដាក់ប្រាក់គាត់ឲ្យគាត់ទាំងអស់ ។
មិត្តភ័ក្តិ : អុញ !
ធុនទ្រាន់មុខ
អ្នកយាមគុកបាននិយាយទៅកាន់អ្នកទោសម្នាក់ទាំងអារម្មណ៍មួហ្មង ។ អ្នកយាមគុកៈ យើងប្រាប់ហើយថា ធុញមុខឯងមកជាប់គុកដដែលៗ ហើយហេតុអ្វីមិនរាងចាល មកជាប់គុកឱ្យយើងឃើញទៀត ។
អ្នកទោសៈ ខ្ញុំក៏ព្យាយាមប្រាប់ក្រុមប៉ូលិសដែរ តែពួកគាត់មិនស្តាប់ នៅតែចាប់រូបខ្ញុំ...!!!
លំបាកជាងម៉ាក់ទៅទៀត
ដោយសារតែកូនប្រុសរបស់ខ្លួនពុំសូវខិតខំរៀនសូត្រ
និងជួយធ្វើកិច្ចការផ្ទះអ្វីសោះ ម្តាយក៏ ហៅកូននោះមកស្តីប្រដៅ ។ ម្តាយៈ កូនឯងដឹងទេ ទម្រាំម៉ាក់បង្កើតកូនឯងមកបាន ដឹងថាពិបាកប៉ុនណាទេ?... ហើយចុះ គ្រាន់តែឱ្យកូនឯងរៀនប៉ុណ្ណឹង ម៉េចក៏រៀនមិនកើត តើទៅធ្វើស្អីកើតទៅ ។
កូនប្រុសៈ ប៉ុន្តែខ្ញុំធ្វើសំណួរប្រឡងរបស់អ្នកគ្រូពីព្រឹកមិញ វាពិបាកជាងនេះទៅទៀត ។
ម្តាយៈ តើវាពិបាកជាងម៉ាក់ត្រង់ណាទៅ?
កូនប្រុសៈ គឺ...! យ៉ាងហោចណាស់ក្នុងពោះម៉ាក់កាលនោះនៅមានខ្ញុំដែរ ប៉ុន្តែពេលប្រឡងព្រឹក មិញក្នុងខួរក្បាលខ្ញុំពុំបានដឹងចម្លើយអ្វីបន្តិចសោះណាម៉ាក់! វាពិបាកខ្លាំងណាស់ ។
ម្តាយៈ អុញ!!!
0 comments:
Post a Comment