ស្វែងយល់ពីគន្លឹះនៃការធ្វើបទសម្ភាស
តើអ្នកធ្លាប់មានកង្វល់ ឬការព្រួយបារម្ភ
នៅពេលដែលអ្នកទទួលទូរស័ព្ទហៅសម្ភាសការងារដែរឬទេ?តើអ្នកត្រូវ
រៀបចំខ្លួនយ៉ាងដូចម្ដេច?សូមប្រិយមិត្ដទាំងអស់
ពិសេសមិត្ដយុវវ័យ កុំបារម្ភចំពោះបញ្ហានេះ ពីព្រោះសប្តាហ៍នេះ លោក
ខេវិន ប៊្រីថេន ជានាយកគ្រប់គ្រង ក្រុមហ៊ុន Top Recruitment Cambodia
ដែលផ្ដល់ឱកាសឲ្យបេក្ខជន និងបេក្ខនារី
អាចស្វែងរកការងារនៅតាមបណ្ដាក្រុមហ៊ុន និងស្ថាប័ននានា
ពន្យល់ប្រាប់ថា៖ «ជាទូទៅ
លក្ខណពិសេសរបស់បេក្ខជន-បេក្ខនារីដើម្បីទទួលបានជោគ
ជ័យក្នុងការស្វែងរកការងារ គឺអាស្រ័យលើ អត្ដចរិត មុខជំនាញ
និងបទពិសោធ»។
ថ្វីដ្បិតតែពួកគេអាចបំពេញនូវតម្រូវការទាំងនេះយ៉ាងណាក៏ដោយ ក៏ពួកគេនៅតែមានការព្រួយបារម្ភដដែល។
ដូច្នេះ
លោក ខេវិន បានបកស្រាយថា៖ «ត្រូវតែរៀបចំ!
អ្នកត្រូវតែរៀបចំសម្រាប់ការសម្ភាសតាមរយៈការស្វែងយល់ពី សកម្មភាព
ប្រវត្តិ និងគម្រោងរបស់ក្រុមហ៊ុនដែលលោកអ្នកចង់ធ្វើការនោះ»។
លោក
បានបន្ថែមថា៖ «យ៉ាងហោចណាស់ អ្នកគួរតែត្រៀមសំណួរយ៉ាងតិច១ ឬ២
ដែលនឹងសួរពីចំណាប់អារម្មណ៍របស់អ្នកទៅលើក្រុមហ៊ុននោះ
ហើយតើហេតុអ្វីបានជាអ្នកចង់ធ្វើលើការងារហ្នឹង»។
យ៉ាងណាមិញ
លោកបានបញ្ជាក់ជាចុងក្រោយថា៖
«បេក្ខជនដែលបានដាក់ពាក្យការងារគួរតែជ្រើសរើសការងារណាស័ក្ដិ
សមនឹងបទពិសោធ និងជំនាញរបស់ខ្លួន
ប៉ុន្ដែបុគ្គលិកល្អត្រូវតែមានអត្ដចរិតរឹងមាំ
និងសុទិដ្ឋិនិយមបំផុត»៕
គន្លឹះទាំង ៥
ប្រើជំនាញទំនាក់ទំនងរបស់ខ្លួនឲ្យអស់ពីលទ្ធភាព
ទំនាក់
ទំនងល្អ និងបោះជំហានឲ្យទាន់សម័យកាល
គឺជាកត្ដាសំខាន់បំផុតដើម្បីអភិវឌ្ឍខ្លួនកាន់តែប្រសើរ។
សូមអានប្រកាសជ្រើសរើសបុគ្គលិក
និងព្យាយាមស្វែងយល់នូវតម្រូវការរបស់នយោជក។
មុនពេលដាក់ពាក្យបម្រើការងារនៅទីណាមួយ
អ្នកត្រូវផ្ដើមសរសេរពាក្យសុំបម្រើការងារ (CV) និងលិខិតសម្រង់
(cover letter) ឲ្យចំនូវអ្វីដែលនយោជកចង់បាន។ ជាងនេះទៅទៀត
អ្នកត្រូវចេះទំនាក់ទំនងជាមួយបុគ្គលិក
និងអ្នកនៅក្នុងមជ្ឈដ្ឋានការងាររបស់អ្នក។
អ្នកគួរតែស្វែងរកការងារណាមួយដែលសមនឹងជំនាញរបស់អ្នក
ហើយស្រាវជ្រាវពីក្រុមហ៊ុនដែលអ្នកចាប់អារម្មណ៍ចង់ដាក់ពាក្យ
និងស្វែងយល់ពីក្រុមហ៊ុនទាំងនោះនូវរាល់ព័ត៌មានសម្រាប់ជា
ប្រយោជន៍ដល់អ្នក។ អ្នកក៏ត្រូវដឹងច្បាស់ពីតម្រូវការជំនាញ
និងផ្ដល់ព័ត៌មានអ្វីគ្រប់យ៉ាងដែលនយោជកស្នើឡើង៕
ប្រវត្ដិ រូបការងារ (CV) គឺជាអ្នកណែនាំខ្លួនដំបូងសម្រាប់ការផ្លាស់ប្ដូរការងារ ឬក៏អាជីពរបស់អ្នក ហើយសូមចងចាំថា អ្វីដែលបានឃើញដំបូងគេ គឺមានសារៈសំខាន់បំផុត។ ប្រសិនបើអ្នកចង់ផ្លាស់ប្ដូរការងារ ឬក៏អ្នកចង់ឈានជើងដល់ដំណាក់កាលសម្ភាសការងារ អ្នកអាចទាញយកក្ដីសង្ឃឹមពីដំណាក់កាលដំបូងនេះ ជាពិសេសការរៀបរាប់ចំណុចលម្អិតពិសេសដែលនយោជកត្រូវការ។ ម្យ៉ាងវិញទៀត ប្រសិនបើដំណឹងស្វែងរកបុគ្គលិកនោះសរសេរថា «កុំភ្ជាប់ជាមួយអ្វីទាំងអស់» ដូច្នេះ អ្នកមិនចាំបាច់ភ្ជាប់លិខិតអ្វីទេ ហើយសរសេរអត្ថន័យសំខាន់ និងខ្លីបំផុតដែលមិនលើសពី២ទំព័រ។ សូមអនុវត្ដទៅតាមជំនាញវេយ្យាករណ៍នៃការសរសេរ ជាពិសេសពង្រឹងគុណភាពដល់ក្រុមហ៊ុនរបស់លោកនាពេលអនាគត។ ប្រវត្ដិរូបការងារបស់អ្នក (CV) ត្រូវតែស្អាត និងមានរបៀបរាបរយ ហើយកុំបំផ្លើសខ្លឹមសារក្នុងលិខិត៕
ការ ជួបជាមួយនិយោជកដំបូង គឺជារឿងសំខាន់។ ការវាយតម្លៃបឋមរបស់អ្នកសម្ភាស គឺអាស្រ័យលើរូបរាងខាងក្រៅ និងសម្លៀកបំពាក់របស់អ្នក។ ដូច្នេះការស្លៀកពាក់សមរម្យ ត្រូវតែស័ក្ដិសមបំផុត។ បេក្ខជន ត្រូវស្លៀកពាក់ឯកសណ្ឋាន អាវដៃវែង ខោវែង ក្រវាត់ក ស្បែកជើងប៊ូពណ៌ខ្មៅ និងសក់សិតស្អាតបាត។ បន្ថែមពីនេះ បេក្ខនារី អាចប្រើគ្រឿងអលង្ការ ឬតុបតែងមុខមាត់បន្ដិចបន្ដួច។ អ្វីដែលសំខាន់បំផុតនោះ បេក្ខជនទាំងអស់ ត្រូវមកដល់បន្ទប់សម្ភាសមុនពេលកំណត់ ដើម្បីបន្ធូរអារម្មណ៍នឿយហត់។ ស្វាគមន៍អ្នកធ្វើសម្ភាសដោយសំពះ ឬក៏ចាប់ដៃជាមួយជនបរទេស។ ជាចុងក្រោយ អ្នកត្រូវនិយាយច្បាស់ៗ ដោយរក្សាស្នាមញញឹម៕
អាត្រាប្តូរប្រាក់រៀលថ្ងៃនេះ